كوكتەمدى جاسىل جەلەكپەن كومكەرەيىك

  • كەلۋ قاينارى: شينجياڭ گازەتى تورابى
  • 09:13:08 16/04/2020

    شۇي چيڭگۋاڭ

    

    كۇرەك ۇستاپ شۇقاناق قازۋ، اعاش ەگۋ، سۋ تاسىپ سۋارۋ... نەشە كۇننەن بەرى، رايونىمىزدىڭ جەر - جەرى ىندەتتەن ساقتانۋ - تىزگىندەۋدى جاقسى ىستەۋ نەگىزىندە، اعاش ەگىپ، ورمان ءوسىرۋ ورلەۋىن كوتەردى، جاسىل ءۇمىت تۇقىمىن سەۋىپ، جاسىل جەلەكپەن كومكەرىپ، ءىس جۇزىندىك ارەكەتتەر ارقىلى تۇنىق سۋ، جاسىل تاۋ باعالى بايلىق ۇستانىمىن امالياتتا ايگىلەدى.

    رايونىمىزدىڭ ەكولوگيالىق ورتاسى ءالسىز، اعاش ەگىپ، ورمان ءوسىرۋدىڭ ماڭىزى ايتپاساق تا تۇسىنىكتى. سوڭعى جىلدارى رايونىمىزدىڭ جەر - جەرى جاسىل جامىلعىلاردى ايالاۋ، قورعاۋ، جاسىل جامىلعى وتىرعىزۋ يدەياسىن جانە قيمىل سانالىلىعىن كۇشەيتىپ، جالپى حالىق جابال اتتانىسقا كەلۋگە، تۇتاس قوعام جابال ات سالىسۋعا تاباندى بولىپ، مەملەكەت جەرىن جاسىلداندىرۋ قيمىلىن ىشكەرىلەي ورىستەتىپ، ەكولوگيالىق ورتانىڭ ساپاسىن جوعارىلاتىپ قانا قالماستان، ساياحات ارقىلى شينجياڭدى گۇلدەندىرۋ ستراتەگياسىن اتقارۋعا، ەكونوميكانىڭ، قوعامنىڭ باياندى دامۋىنا دا بەرىك نەگىز قالادى.

    اعاش ەگىپ، ورمان ءوسىرۋدىڭ ءتۇيىنى ۇزدىكسىز قاجىماي كۇش سالۋدا، قۇنى تاباندىلىقتا. كۇندەر، ايلار وتە كەلە قورلانعان اعاش ەگىپ، ورمان ءوسىرۋدىڭ كوزگە تۇسپەيتىن تابان ەت، ماڭداي تەرى بولعاندا عانا، قاتپار - قاتپار جاسىل تاۋ، ماساتىداي قۇلپىرعان تابيعاتتىڭ اسەم كورىنىسى سىندى كوزگە كورىنەرلىك ەڭبەك جاراتۋعا بولادى. سول ءۇشىن، ءار دارەجەلى باسشىلاردىڭ، كادرلاردىڭ باستاماشىلدىق ەتۋىنە، بۇكىل قوعامدا بارلىق ادامنىڭ ىسكە كىرىسۋىنە تاباندى بولىپ، كوپشىلىكتى ءوز باسىنان ىستەپ، قازىردەن باستاپ ىستەپ، وتاننىڭ ۇلان - بايتاق دالاسىن جاسىلداندىرۋعا، كورىكتەندىرۋگە ءبىر كىسىلىك ۇلەس قوسۋعا شابىتتاندىرۋ جانە جەتەكتەۋ؛ ەندى ءبىر جاعىنان، تۇزىمدىك كەپىلدى كۇشەيتىپ، باقىلاۋدىڭ تەجەمدىلىگى مەن شابىتتاندىرۋدىڭ قامتاماسىزدىعىن ۇشتاستىرىپ، وتەۋگە ءتيىستى بورىشى مەن يگىلىكتەنەتىن ۇقىقتى بايلانىستىرىپ، ەكولوگيالىق ونىمدىلىكتى، ەكونوميكالىق ونىمدىلىكتى، قوعامدىق ونىمدىلىكتى ساباقتاستىرىپ، ءار جاقتىڭ بەلسەندىلىگىن جۇمىلدىرىپ، اعاش ەگىپ، ورمان ءوسىرۋ قىزمەتىن شىن مانىندە ناقتى تياناقتاندىرۋ كەرەك.

    ءبىر جىلدىق جوسپاردا استىق ەككەنىڭ ىڭعايلى، 10 جىلدىق جوسپاردا اعاش وسىرگەنىڭ وڭتايلى. ءبىزدىڭ جاسىلداندىرۋ ارەكەتىمىزدەن، ءسوز جوق، كوركەم شينجياڭنىڭ تاۋى ماڭگى جاسىل جەلەك جامىلادى، ءمولدىر سۋى سىلدىراي اعادى، اۋاسى تازا بولادى.

    (”لەپتى لەبىز“گە ماقالا جولداۋ حات ساندىعى: xjrbplb@126.com)

جاۋاپتى رەداكتور: جازيرا بولاتباي قىزى