رايونىمىز ەلەكتروندىق قونىستانۋ كۋالىگىن پايدالانۋدى جۇزەگە اسىردى

  • كەلۋ قاينارى: ىلە گازەتى
  • 04:11:51 17/04/2020

    

    ەرىكتى ءتىلشى سۇي يۇنيان ۇرىمجىدەن حابارلايدى. 4 - ايدىڭ 11 - كۇنى شينجياڭنىڭ جەر - جەرىندەگى قوعام حاۋىپسىزدىگى ورگاندارى جۇيەلى سىناقتان وتكىزۋ، قىزمەتكەرلەردى تاربيەلەۋ، سونداي - اق سىناق رەتىندە قولدانۋ ارقىلى ەلەكتروندىق قونىستانۋ كۋالىگىن جەلىدە ءبىتىرۋدى بۇكىلدەي جۇزەگە اسىردى.

    ءتىلشىنىڭ اۆتونوميالى رايوندىق قوعام حاۋىپسىزدىگى مەڭگەرمەسىنەن ۇعىسۋىنشا، 3 - ايدىڭ 21 - كۇنىنەن باستاپ شينجياڭ ەلەكتروندىق قونىستانۋ كۋالىگىن جانە ەلەكتروندىق ۋاقىتشا قونىستانۋدى تىركەۋ كۋالىگىن پايدالانۋدى جۇزەگە اسىرا باستاعان ەكەن، ول ناقتى كۋالىكپەن ۇقساس رول اتقارادى. قوعام حاۋىپسىزدىگى ورگاندارى قونىستانۋ كۋالىگىن (ەلەكتروندىق قونىستانۋ كۋالىگى) ءوتىنىش ەتۋدى قابىلداۋ، جاساۋ، تاراتۋ، ەسكەرتپە جازۋ سياقتى قىزمەتتەرگە جاۋاپتى بولدى. الەۋمەتتىك اۋماق قىزمەت وتەۋ قۇرىلىمدارى قونىستانۋ كۋالىگىن ءوتىنىش ەتۋ، تاراتۋ، ەسكەرتپە جازۋ كاسىپتەرىن ەندىگارى قابىلدامايدى، بۇرىنعى جىلجىمالى حالىقتى تىزىمدەۋ ءتارتىبى بويىنشا ەلەكتروندىق ۋاقىتشا قونىستانۋدى تىركەۋ كۋالىگىن بىتىرە بەرەدى.

    ەلەكتروندىق قونىستانۋ كۋالىگى - نوپوس ءتۇزىمى رەفورماسىن تياناقتاندىرۋدىڭ ماڭىزدى قۇرامداس بولىگى، سونداي - اق «دەرەۋ ءبىتىرۋ، جەلىدە ءبىتىرۋ، تاياۋ ماڭدا ءبىتىرۋ، ءبىر جولدا ءبىتىرۋ» سياقتى ماڭىزدى شارالاردى تياناقتاندىرىپ، جىلجىمالى حالىقتىڭ ءجۇرىس - تۇرىسىنا، تۇرمىسىنا، قىزمەتىنە ونان ارى قولايلىلىقتار تۋدىرىپ، حالىق بۇقاراسىنىڭ تابىس سەزىمىن، باقىت سەزىمىن جانە رازىلىق دارەجەسىن جوعارىلاتادى.

    تانىستىرۋعا قاراعاندا، بۇقارا شينجياڭ قوعام حاۋىپسىزدىگى APP دەتالى مەن «شينجياڭ امبەباپ ٴنومىرى» ارقىلى ۇيدەن اتتاپ شىقپاي - اق ءوزىنىڭ ەلەكتروندىق قونىستانۋ كۋالىگى مەن ەلەكتروندىق ۋاقىتشا قونىستانۋدى تىركەۋ كۋالىگىن بىتىرە الادى ءارى تەكسەرىپ كورە الادى ەكەن. ينتەرنەتتەن نەمەسە قول تەلەفون APP دەتالىنان پايدالانۋ شارت - جاعدايى جوق ءوتىنىش ەتۋشىلەردىڭ ءوزى تۇرعان ورىنداعى ساقشى ىستەرى كەڭسەسىندە ەلەكتروندىق قونىستانۋ كۋالىگىنىڭ جانە ەلەكتروندىق ۋاقىتشا قونىستانۋدى تىركەۋ كۋالىگىنىڭ ەكى ولشەمدى كودىن (نۇسقا، كارتوچكا ولشەمى جوق) باسىپ شىعارۋىنا بولادى.

جاۋاپتى رەداكتور: جازيرا بولاتباي قىزى