بيىل رايونىمىز شەكارا بويىنداعى قىستاقتارعا ەلەكتر جەتكىزۋ قۇرىلىسىنان 23ىن ورىندايدى

  • كەلۋ قاينارى: شينجياڭ گازەتى تورابى
  • 03:01:59 20/04/2020

    17 شەكارا اۋدانعا، 86 اكىمشىلىك قىستاققا يگىلىك جەتكىزەدى

    

    گازەتىمىزدىڭ جالپىلىق اقپارات قۇرالدارى ءتىلشىسى چىن چياڭۋي 4 - ايدىڭ 16 - كۇنى ۇرىمجىدەن حابارلايدى. مەملەكەت ەلەكتر تورابى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، 4 - ايدىڭ 16 - كۇنى گۇما اۋدانى ناۋابات تاجىك ۇلتتىق اۋىلى كەڭەز قىستاعىنىڭ شەكارا بويىنداعى قىستاقتاردىڭ اۋىل - قىستاق ەلەكتر تورىن جاڭالاۋ، دارەجەسىن جوعارىلاتۋ ينجەنەرياسى قۇرىلىس باسىندا، 11 ەلەكتر جۇمىسكەرى وسى قىستاقتىڭ5.1 كيلومەتر ەلەكتر جەتكىزۋ جەلىسىنىڭ ەڭ سوڭعى بولىگىن ورناتۋدا ەكەن. بۇل ينجەنەريا رايونىمىزدىڭ بيىل سالعان شەكارا بويىنداعى قىستاقتارعا ەلەكتر جەتكىزۋ 23 قۇرىلىس ينجەنەرياسىنىڭ ءبىر بولىگى.

    قازىر كەدەيلىكتەن ارىلتۋدان قامال الۋ ۋاقىتتى كەرى شەگەرىپ ەسەپتەۋ مەزگىلىنە ءوتتى. مەملەكەت ەلەكتر تورابى سەرىكتەستىگى 3 - ايدىڭ 15 - كۇنى ”3 رايون، 2 وبلىس“، شەكارا بويىنداعى قىستاقتارعا ەلەكتر جەتكىزۋ ينجەنەرياسى بويىنشا 100 كۇندىك قامال الۋ ارەكەتىن باستاعان. مەملەكەت ەلەكتر تورابى شينجياڭ ەلەكتر قۋاتى شەكتى سەرىكتەستىگى شەكارا بويىنداعى قىستاقتارعا ەلەكتر جەتكىزۋ ينجەنەريا قۇرىلىسىن كۇش سالا ىلگەرىلەتىپ، 29. 633 كيلومەتر جوعارى كەرنەۋلى ەلەكتر جەلىسىن، 229.91 كيلومەتر تومەن كەرنەۋلى ەلەكتر جەلىسىن تارتۋدى، جاڭالاۋدى جوسپارلاۋدا، ينجەنەرياعا جالپى قوسىلاتىن قارجى 679 ميلليون يۋان.

    ينجەنەريا اقسۋ ايماعى، حوتان ايماعى، تارباعاتاي ايماعى، قىزىلسۋ قىرعىز اۆتونوميالى وبلىسى سياقتى 9 ايماق، وبلىس، قالانى شارپيدى، 17 شەكارا اۋدانداعى، 86 اكىمشىلىك قىستاقتاعى 9000نان استام قىستاق تۇرعىندارىنا يگىلىك جەتكىزەدى.

    كەڭەز قىستاعى كۇنلۇن تاۋىنىڭ سولتۇستىك باۋرايىنداعى تاۋلى وڭىرگە ورنالاسقان، تەڭىز دەڭگەيىنەن 2000 مەتر بيىكتىكتە، اۋدان قالاشىعىنان شامامەن 90 كيلومەتر شالعايدا، بۇكىل قىستاقتا 228 وتباسى بار، ەگىن، مال شارۋاشىلىعى قىستاق تۇرعىندارىنىڭ باستى ەكونوميكالىق قاينارى. بۇل قىستاقتىڭ تۇرعىندارى بىتىراي قونىستانعان، تومەن كەرنەۋلى ەلەكتر جەلىسىنىڭ ديامەترى جىڭىشكە، ەلەكتردەن پايدالانۋعا بولسا دا ەلەكتردەن ويداعىداي پايدالانا الماي كەلەدى. بۇل قىستاقتىڭ كەدەيلىكتەن ارىلتۋدان قامال الۋ قىزمەتىنىڭ ىشكەرىلەي ىلگەرىلەۋىنە ساي، قىستاق تۇرعىندارىنىڭ ءوندىرىستى دامىتۋ سۇرانىسى كۇن سايىن ارتىپ، ەلەكتر تورى قىستاق تۇرعىندارىنىڭ قالىپتى وندىرىستە، تۇرمىستا ەلەكتر ىستەتۋ قاجەتىن قاناعاتتاندىرا الماي قالعان.

    ”بۇل قىستاقتا 800 كيلوۆولت - امپەر كەرنەۋ وزگەرتكىشتەن جاڭادان تورتەۋى ورناتىلىپ، اۋىل - قىستاقتاردىڭ ەلەكتر تورىن جاڭالاپ، دارەجەسىن جوعارىلاتقاننان كەيىن، كەرنەۋ وزگەرتۋ سيىمدىلىعى 800 كيلوۆولت - امپەرگە جەتىپ، سيىمدىلىعى بۇرىنعىدان ءبىر ەسە جوعارىلاپ، قىستاق تۇرعىندارىن ءوندىرىس - تۇرمىستا تۇراقتى ەلەكترمەن قامدايدى“، - دەدى مەملەكەت ەلەكتر تورابى شينجياڭ ەلەكتر قۋاتى شەكتى سەرىكتەستىگى گۇما اۋداندىق ەلەكترمەن قامداۋ سەرىكتەستىگى پارتيا باس ياچەيكاسىنىڭ شۋجيى، ورىنباسار ديرەكتور ۋاڭ يۇڭجۇن.

    ۇعىسۋعا قاراعاندا، شەكارا بويىنداعى قىستاقتاردىڭ كوبىنىڭ قاتىناسى قولايسىز، ورتاسى ناشار، جەرگىلىكتى ورىننىڭ ەلەكترمەن قامداۋ راديۋسى ۇزىن، ”تومەن كەرنەۋلى“ ەلەكتر ماسەلەسى ءىشىنارا شەكارا، شالعاي قىستاقتاردىڭ دامۋىنا تۇساۋ بولىپ كەلەدى.

    ”شەكارا بويىنداعى قىستاقتارعا ەلەكتر جەتكىزۋ ينجەنەرياسى اۋىل - قىستاقتاردىڭ وندىرىستە، تۇرمىستا ەلەكتر ىستەتۋ ماسەلەسىن تۇبەگەيلى شەشىپ، شەكارا ءوڭىردى ەلەكترمەن قامداۋدىڭ تۇراقتىلىعىن بارىنشا جوعارىلاتادى“، - دەدى مەملەكەت ەلەكتر تورابى شينجياڭ ەلەكتر قۋاتى شەكتى سەرىكتەستىگىنىڭ ەلەكتر جەتكىزۋدى باسقارۋ ءبولىمىنىڭ جاۋاپتىسى.

    قازىر شينجياڭنىڭ شەكارا بويىنداعى قىستاقتارعا ەلەكتر جەتكىزۋ ينجەنەرياسى قۇرىلىس جۇرگىزۋ جوسپارى بويىنشا ورنىقتى جۇرىلۋدە، جوسپار بويىنشا 6 - ايدىڭ سوڭىنان بۇرىن قۇرىلىس مىندەتتەرىن جاپپاي ورىنداپ بولادى.

جاۋاپتى رەداكتور: جازيرا بولاتباي قىزى