رايونىمىزدا جەكە تابىس سالىعىن تۇڭعىش رەت جىلدىق جيناقتاپ ەسەپتەۋ باستالدى

  • كەلۋ قاينارى: شينجياڭ گازەتى تورابى
  • 03:09:25 20/04/2020

    ”ينتەرنەتتە ءبىتىرۋ“، ”پوچتامەن جىبەرىپ ءبىتىرۋ“ سياقتى ”كەزدەسپەي ءبىتىرۋ ءتاسىلى“ سالىق تولەۋشىلەرگە قولايلى بولدى

    

    گازەتىمىزدىڭ جالپىلىق اقپارات قۇرالدارى ءتىلشىسى ميھىرگۇل ناسىر 4 - ايدىڭ 16 - كۇنى ۇرىمجىدەن حابارلايدى. شينجياڭ سالىق مەكەمەسىنەن ۇعىسۋىمىزشا، 2019 - جىلعى جەكە تابىس سالىعىنىڭ جالپىلىق تابىستى جيناقتاپ ەسەپتەۋ بيىل 3 - ايدىڭ 1 - كۇنىنەن 6 - ايدىڭ 30 - كۇنىنە دەيىن جۇرگىزىلەدى ەكەن، بۇل ەلىمىزدىڭ سالىق تاريحىندا تۇڭعىش رەت جالپىلىق تابىستى جيناقتاپ ەسەپتەۋ سانالادى ەكەن.

    سالىق تولەۋشىلەر 6 - ايدىڭ 30 - كۇنىنەن بۇرىن جەكە تابىس سالىعىن جيناقتاپ ەسەپتەپ مالىمدەۋدى ورىنداپ بولۋى، ءسويتىپ سالىق تولىقتاۋدى ورىنداۋى نەمەسە سالىق قايتارۋعا ءوتىنىش بەرۋى كەرەك.

    اۆتونوميالى رايوننىڭ سالىق تاراۋلارىنىڭ قاتىستى جاۋاپتىسىنىڭ تانىستىرۋىنشا، جىلدىق جيناقتاپ ەسەپتەۋ دەگەنىمىز، قاراپايىم سوزبەن ايتقاندا، تۇرعىنداردىڭ ءبىر سالىق تولەۋ جىلى ىشىندە تاپقان ەڭبەكاقىسى، جۇمىس اقىسى، قالام اقىسى، ارنايى ۇقىقتان پايدالانۋ اقىسى سياقتى 4 ءتۇرلى تابىسىن (تومەندە ”جالپىلىق تابىسى“ دەلىنەدى) بىرىكتىرگەن سوڭ تۇتاس جىلدا تولەۋگە ءتيىستى جەكە تابىس سالىعىن ەسەپتەپ، ونان سالىق تولەۋ جىلىندا الدىن الا تولەگەن سالىعىن شەگەرىپ تاستاعان سوڭ، قايتارىپ الۋعا نەمەسە تولىقتاپ تولەۋگە ءتيىستى سومانى ەسەپتەپ شىعىپ، سالىق ورگاندارىنا مالىمدەۋ جانە سالىق سوماسىنىڭ ەسەبىن جابۋ ارەكەتىن مەڭزەيدى ەكەن. سونىمەن بىرگە، جالپىلىق جىلدىق تابىسىنىڭ قوسىندىسى 120 مىڭ يۋاننان اسپايتىن جانە تولىقتاپ تولەۋگە ءتيىستى سالىق سوماسى 400 يۋاننان اسپايتىن سالىق تولەۋشىلەردىڭ جىلدىق جيناقتاپ ەسەپتەۋدى ءبىتىرۋى قاجەتسىز ءارى سالىقتى تولىقتاپ تولەۋىنىڭ دە قاجەتى جوق، سالىق تولەۋشىلەرگە تولىقتاي سالىقتان جەڭىلدىك جاسالادى.

    قالىڭ سالىق تولەۋشىلەردىڭ جيناقتاپ ەسەپتەۋىنە قولايلى بولۋ ءۇشىن، ناقتى ءبىتىرۋ ءتاسىلى جاعىندا، رايونىمىزدىڭ سالىق ورگاندارى سالىق تولەۋشىلەرگە ”ينتەرنەتتە ءبىتىرۋ“، ”جۇمىس زالىندا ءبىتىرۋ“ جانە ”پوچتامەن جىبەرىپ ءبىتىرۋ“ سياقتى كوپ ءتۇرلى تاڭداۋ ۇسىندى، مۇنىڭ ىشىندە ”ينتەرنەتتە ءبىتىرۋدى“ قول تەلەفونداعى ”جەكە تابىس سالىعى APP“ى، جەكە تۇلعالاردىڭ ەلەكتروندىق سالىق مەكەمەسى سايتى سياقتى ”كەزدەسپەي ءبىتىرۋ تاسىلدەرىمەن“ قاشىقتان سالىق ءبىتىرۋ ارنالارى ارقىلى بىتىرۋگە بولادى.

    ەڭ كوپ قولدانىلاتىن ”جەكە تابىس سالىعى APP“ىمەن ءبىتىرۋدى مىسالعا الار بولساق، سالىق تولەۋشىلەر مەملەكەتتىك سالىق باس مەكەمەسىنىڭ رەسمي سايتىنا تىركەلىپ، سايت پاراقشاسىنىڭ وڭ جاق ۇستىڭگى بۇرىشىنان ”جەكە تابىس سالىعى APP“ى دەگەندى تاڭداپ، كود سكانەرلەۋ ارقىلى قول تەلەفونىنا جۇكتەپ الۋىنا، ياكي قول تەلەفونداردىڭ رەسمي ۇلكەن قولدانبالار بازارىنان جۇكتەپ الۋىنا دا بولادى، قولدانبانى ورناتىپ، تىركەلىپ، كىرگەن سوڭ، ”جالپىلىق تابىستى جىلدىق جيناقتاپ ەسەپتەۋ“ دەگەندى ءتۇرتىپ كىرۋ ارقىلى جەكە تابىس سالىعى جيناقتاپ ەسەپتەۋ جۇمىسىن بىتىرۋگە بولادى. سالىق تولەۋشىلەر تابىس سالىعىنىڭ ەگجەي - تەگجەيىن تەكسەرۋ دەگەن جەردەن ءوزىنىڭ 2019 - جىلعى مالىمدەگەن ءار جولعى تابىسى مەن وعان سايكەستى الدىن الا تولەگەن سالىق سوماسىن كورە الادى، ءوزىنىڭ نەگىزگى ينفورماتسيالارىن، تابىسىن جانە سالىقتان بۇرىن شەگەرىلەتىن ساندى مالىمەتتەرىن راستاعان سوڭ، بانكە كارتچكاسى ينفورماتسياسىن تولتىرىپ، سالىقتى قايتارۋعا نەمەسە سالىقتى تولىقتاپ تولەۋگە ءوتىنىش ەتۋىنە بولادى.

    شينجياڭ سالىق مەكەمەسى جەكە تابىس سالىعى باسقارماسى جاۋاپتىسىنىڭ تانىستىرۋىنشا، ەگەر سالىق تولەۋشىنىڭ وتكەن جىلداعى جالپىلىق تابىسى 60 مىڭ يۋاننان اسپاسا ءارى سالىق سوماسىن الدىن الا تاپسىرىپ تاستاعان بولسا، ”ىقشام ۇلگىدە مالىمدەۋ“ دەگەن جەردەن مالىمدەۋدى بىتىرۋىنە جانە سالىقتى قايتارۋعا ءوتىنىش ەتۋىنە بولادى ەكەن. ەگەر سالىق تولەۋشىنىڭ جالپىلىق جىلدىق تابىسى 60 مىڭ يۋاننان اسسا، ”ولشەمدى مالىمدەۋ“ ارقىلى جىلدىق جيناقتاپ ەسەپ جاساۋىنا بولادى. سالىقتان قايتارۋ ءوتىنىشىن ءساتتى جولداعان سوڭ، سالىق تولەۋشى قول تەلەفونداعى ”جەكە تابىس سالىعى APP“ىمەن نەمەسە جەكە تۇلعالاردىڭ ەلەكتروندىق سالىق مەكەمەسى ارقىلى جۇمىس ءبىتىرۋدىڭ كەزەكتەگى جاعدايىن تەكسەرە الادى. قويماعا قايتارۋ ءساتسىز بولعاندارعا جۇيە سەبەبىن جانە شەشۋ ءادىسىن ەسكەرتەدى.

جاۋاپتى رەداكتور: جازيرا بولاتباي قىزى