حالىقارالىق جۇك تاسىمال قۋاتىن جوعارىلاتىپ، حالىقارالىق زات اينالىمى قامداۋ تىزبەگىنىڭ ورنىقتىلىعىن قامتاماسىز ەتتى

  • كەلۋ قاينارى: شينجياڭ گازەتى تورابى
  • 10:01:04 20/04/2020

    شينحۋا اگەنتتىگىنىڭ 4 - ايدىڭ 18 - كۇنى بەيجيڭنەن بەرگەن حابارى (تىلشىلەر دۇڭ رۇيفىڭ، ۋاڭ شي). قاتىناس - تاسىمال مينيسترلىگىنىڭ حاۋىپسىزدىك باس باقىلاۋشىسى، سۋ جولى تاسىمالى مەكەمەسىنىڭ باستىعى لي تيانبي 4 - ايدىڭ 18 - كۇنى مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اقپار جاريالاۋ ماجىلىسىندە بىلاي دەدى: قاتىستى تاراۋلار اۆياتسيا سەرىكتەستىكتەرىن جولاۋشىلار ۇشاقتارىمەن تىكە جۇك تاسىمالداۋ، جۇڭگو - ەۆروپا كەزەكشى پويەزدارىنىڭ قاتىناۋ جيىلىگىن ارتتىرۋ، حالىقارالىق جۇردەك كەمە تاسىمالى ارناسىن اشۋ، تاسىمال قۋاتىن سەپتەۋدى كۇشەيتۋ سياقتى تاسىلدەردى قولدانۋ ارقىلى ەلىمىزدىڭ حالىقارالىق جۇك تاسىمال قۋاتىن جوعارىلاتىپ، حالىقارالىق زات اينالىمى قامداۋ تىزبەگىنىڭ ورنىقتىلىعىن قامتاماسىز ەتۋگە شابىتتاندىرۋدا.

    لي تيانبي مىنالاردى ءبىلدىردى: قاتىناس - تاسىمال مينيسترلىگى سىرتقى ىستەر مينيسترلىگى، ونەركاسىپ جانە ينفورماتسيالاندىرۋ مينيسترلىگى، ساۋدا مينيسترلىگى سياقتى 12 تاراۋمەن بىرگە حالىقارالىق زات اينالىمى قىزمەتى ارناۋلى بانىن قۇرىپ، حالىقارالىق زات اينالىمى بارىسىندا ورىن تەپكەن ماسەلەلەردى جالپى بەتتىك سايكەسىپ شەشتى.

    ىندەت ىقپالىنان ەلىمىزدەگى ءبىر ءبولىم حالىقارالىق پوچتا جولدامالارى باسىلىپ قالىپ، ءبىر ءبولىم ماڭىزدى ءوندىرىس زاتتىق ماتەريالدارىنىڭ، ەمدەۋ زاتتىق ماتەريالدارىنىڭ، سونداي - اق تۇتىنۋ بۇيىمدارىنىڭ حالىقارالىق تاسىمالى قيىنعا سوقتى. مۇنىڭ ىشىندە حالىقارالىق پوچتا جولدامالارى مەن جەدەل جولدامالار ىلگەرىدە، باستىسى، اۆياتسيا تاسىمالى تاسىلىمەن، اسىرەسە، جولاۋشىلار ۇشاعى ىشكى بولمەسى ارقىلى تاسىمالداناتىن، حالىقارالىق جولاۋشىلار ۇشاعىنىڭ زور مولشەردە ازايۋىنا بايلانىستى، وسى ءبىر ءبولىم تاسىمال قۋاتى ءبىر مەزەت تولىقتانباي كەلدى. مۇنان تىس، شەكارا سىرتىنىڭ ءبىر جاقتى ەتۋ قۋاتىنىڭ مۇلدە جەتىسپەۋى دە ەلىمىزدىڭ شەكارا اتتاعان تاسىمالىنا ءبىرشاما زور ىقپال جەتكىزدى.

    مەملەكەتتىك پوچتا مەكەمەسى بازار باسقارۋ - باقىلاۋ مەكەمەسىنىڭ ورىنباسار باستىعى حوۋ يانبو اقپار جاريالاۋ ماجىلىسىندە مىنالاردى ءبىلدىردى: 1 - توقساندا حالىقارالىق جانە شياڭگاڭ، اۋمىن، تايۋان پوچتا جولدامالارىنان، تەز جولدامالارىنان جيىنى 320 ميلليونى جولدانىپ، سايكەس مەزگىلدەگىدەن %9.5 ارتتى. جولاۋشىلار ۇشاعىنىڭ ىشكى بولمەسى ارقىلى تاسىمالداۋ اۋىر دارەجەدە ازايعان سىن - سايىس الدىندا، مەملەكەتتىك پوچتا مەكەمەسى قاتىستى تاراۋلارمەن بىرگە كوپ شارانى قاتار اتقارىپ، حالىقارالىق جونەلتۋ ارنالارىنىڭ ىركىلىسسىزدىگىن ۇزدىكسىز قامتاماسىز ەتتى.

    وسى شارالار كاسىپورىنداردى قازىرگى بار بولعان حالىقارالىق اۆياتسيالىق جۇك تاسىمالى، جۇڭگو - ەۆروپا كەزەكشى پويەزى، تەڭىز تاسىمالى جۇردەك كەمەسى، سونداي - اق ماڭايداعى ەلدەردىڭ قۇرلىقتىق تاسىمالى سياقتى تاسىمال قۋاتى بايلىعىنان تولىق ويداعىداي پايدالانۋعا جەتەكتەپ، ارناۋلى جۇك تاسىمال ۇشاعىنا يە پوچتا جانە جەدەل جەتكىزۋ كاسىپورىندارىنىڭ حالىقارالىق جاڭا اۆياتسيا لەنياسىن اشۋ، جاڭا جۇك ۇشاعىن مولايتۋ سياقتى تاسىلدەر ارقىلى تاسىمال قۋاتىن ۇلعايتىپ، حالىقارالىق زات اينالىمى جۇيەسى قۇرىلىسىن جانە تەحنيكالىق ولشەمدى ءوزارا مويىنداۋ سياقتىلاردى كەمەلدەندىرۋدى ىلگەرىلەتۋگە قولداۋ كورسەتۋىن قامتيدى.

جاۋاپتى رەداكتور: جازيرا بولاتباي قىزى