ەڭبەكپەن بولاشاق يەلەرىن سومدايىق

  • كەلۋ قاينارى: شينجياڭ گازەتى تورابى
  • 03:03:03 05/05/2020

    جاڭ پەي

 

    ”1 - مامىر“ حالىقارالىق ەڭبەكشىلەر مەرەكەسى − ەڭبەككە القاۋ ايتاتىن، ەڭبەكشىلەرگە قۇرمەت بىلدىرەتىن مەرەكە، ال بيىلعى ەڭبەكشىلەر مەرەكەسىندە تاعى ءبىر، ءسوز جوق، ءمان بەرۋگە ءتيىستى تاقىرىپ − ”ەڭبەك تاربيەسى“. جۋىردا، جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «جاڭا داۋىردە جوعارى، ورتا، باستاۋىش مەكتەپتەردە ەڭبەك تاربيەسىن جالپى بەتتىك كۇشەيتۋ جونىندەگى پىكىردى» جاريالاپ، جاڭا داۋىردە جوعارى، ورتا، باستاۋىش مەكتەپتەردە ەڭبەك تاربيەسىن كۇشەيتۋ جونىندە ناقتى جەتەكشى پىكىردى العا قويىپ، ەڭبەك تاربيەسىندە بولاتىن ءمورالدى سومداۋ، اقىل - پاراساتتى ارتتىرۋ، دەنساۋلىقتى كۇشەيتۋ، ەستەتيكانى جەتىلدىرۋدەي ۋنيۆەرسال ادام تاربيەلەۋ قۇنىن ساۋلەلەندىرۋدى دارىپتەدى. ەڭبەك ءبىر ادامنىڭ ەسەيىپ، دارىندى بولۋىنداعى قاجەتتى فاكتور، ەڭبەك ارقىلى ونەگە ورناتىپ، ادام تاربيەلۋ، بولاشاق يەلەرىن سومداۋ وقۋ - اعارتۋدا بولۋعا ءتيستى مىندەت.

    ەڭبەك جەكەنىڭ تىرشىلىك قۇرۋىنىڭ ءتۇبىرلى نەگىزى، ۇلتتىڭ ۇزبەي گۇلدەنۋىنىڭ نەگىزى، زەردەلى داۋىردە دە مۇنى قاعىس قالدىرۋعا دا بولمايدى. ەڭبەك تاربيەسى جۇڭگوشا سوتسياليستىك وقۋ - اعارتۋ ءتۇزىمىنىڭ ماڭىزدى مازمۇنى رەتىندە، سوتسياليزم قۇرىلىسشىلارى مەن ءىزباسارلارىنىڭ ەڭبەك رۋحاني بەت - بەينەسىن، ەڭبەك قۇن بەتالىسىن جانە ەڭبەك شەبەرلىك ورەسىن تىكە بەلگىلەيدى. تاربيە بارىسىندا بىلىمگە يە بولۋ، ارينە، ماڭىزدى، الايدا ەڭبەك سىندى ۇيرەنۋ مەن اماليات ءبىر بويىنا توعىسقان تاربيە ءتاسىلى قالىڭ جاستار مەن ورەندەردە كەم بولسا بولمايتىن ”مىندەتتى ساباق“.

    بيىلعى «جۇڭگو ولەڭ - ءسوز جارىسىندا» 10 جاستار شاماسىنداعى ءبىر شاباندوزدىڭ ولەڭ - ءسوز قورى وتە مول بولىپ، سۇراۋلارعا ىركىلمەي جاۋاپ بەردى، ءبىراق ولەڭ - سوزبەن قاتىستى اۋىل شارۋاشىلىعى ءوندىرىسىنىڭ سۋرەتتەرى شىققاندا، شاباندوز كىدىرىپ قالدى دا، اقىرىندا وسى جاعىنان جەڭىلىس تاپتى. باعدارلامانىڭ باعالاۋشى قۇرمەتتى قوناعى: ”بۇل وسى زامانعى قالاداعى بالانىڭ تانىم دەڭگەيىنەن اسىپ كەتكەن بولۋى مۇمكىن“ دەدى. ءىس جۇزىندە، جارىسقا قاتىناسقان وسى شاباندوز عانا ەمەس، تۇرمىستا دا كوپتەگەن بالالار ولەڭ - ءسوزدى جاتقا بىلگەنىمەن ەگىنشىلىك جۇمىستارىنان بەيحابار، بارلىعى ”تاباقتاعى تاماقتىڭ ءار ءتۇيىرى وڭايلىقپەن كەلمەيدى“ دەگەن ولەڭدى ايتا بىلگەنىمەن، استىقتىڭ ىسىراپ بولۋىنا ءىشى اشىمايدى. ەڭبەك تاربيەسىنىڭ كەمشىلدىگى سەبەبىنەن، جۋىرداعى جىلداردان بەرى كەيبىر جاستار مەن ورەندەردىڭ اراسىندا ەڭبەك جەمىسىن قاستەرلەمەۋ، ەڭبەك ىستەگىسى كەلمەۋ، ەڭبەكتى ىستەي بىلمەۋ قۇبىلىستارى بايقالدى، ەڭبەكتىڭ تانىم مەن ارەكەتتىڭ بىرلىگىن جۇزەگە اسىراتىندىعىن، ۇيرەنۋ بارىسىندا قولداناتىن، قولدانۋ بارىسىندا ۇيرەنەتىن ساپالى وقۋ - اعارتۋ ءتاسىلى ەكەنىن كىم ءبىلسىن، ال ءوندىرىس پەن تۇرمىستىڭ كەڭ - بايتاق الابى ەڭبەك تاربيەسىنىڭ ەڭ تاماشا ساباقحاناسى بولۋى ءتيىس.

جاۋاپتى رەداكتور: جازيرا بولاتباي قىزى