ورىك گۇلىمەن كومكەرىلگەن تاۋلى قىستاق

  • كەلۋ قاينارى: ىلە گازەتى
  • 03:27:12 07/05/2020

    حابارىن جازىپ، سۋرەتىن تۇسىرگەن ءتىلشىمىز لاي يۇينيڭ

    

    ىلە اڭعارىنداعى جازىق وڭىرلەردە ورىك اعاشى الدە قاشان ءتۇيىن تاستاعان كەزدە، تيانشان تاۋىنىڭ قويناۋىنداعى توعىزتاراۋ اۋدانى كولدەنەڭ قالاشىعىنىڭ كوكتال قىستاعىنا كوكتەم ەندى كەلىپ، جابايى ورىك جايقالا گۇل اشقان ماۋسىم باستالادى. ساي - سالاداعى جابايى ورىك پەن جابايى دولانا شەشەك اتادى. تەڭىز دەڭگەيىنەن 900 مەتر بيىك تاۋ ەتەگىنەن تەڭىز دەڭگەيىنەن ءبىر مىڭ 500 مەتر بيىك تاۋ بوكتەرىنە دەيىن بىرتىندەپ جايقالا گۇل اشىپ، ودان ارى وڭتۇستىكتەگى قارلى شىڭدارعا دەيىن ۇلاسىپ، وتە ايبىندى كورىنىس قالىپتاستىرادى.

    كولدەنەڭ سايى تيانشان دۇنيە جۇزىلىك جاراتىلىستىق مۇراعاتتار تىزىمدىگىنە ەنگىزىلگەن وزەكتى رايونعا ورنالاسقان، 2000 - جىلى مەملەكەتتىك كەڭەس جاعىنان باتىس تيانشان مەملەكەت دارەجەلى جاراتىلىستىق قورىق رايونى ەتىپ بەكىتىلگەن، بۇل ارادا ورتا عاسىرلاردان بەرى ساقتالىپ كەلە جاتقان بايىرعى كەڭ اۋماقتى جابايى ورىك ورمانى بار، بۇل تاۋ جوتالارى مەن قىستاقتار اراسىنا كەڭ تارالىپ، شينجياڭداعى جابايى ورىك ورمانى ەڭ شوعىرلى ساقتالعان وڭىرلەردىڭ بىرىنە اينالعان. تەڭىز دەڭگەيىنەن ءبىرشاما بيىككە جانە تيانشاننىڭ تەرەڭ قويناۋىنا ورنالاسقاندىقتان، وزگەشە جەر بەدەرى جانە كليماتى بۇل ارانى ىلەدەگى ورىك گۇلى ەڭ جاي اشىلاتىن جەرگە اينالدىرعان. جابايى ورىك گۇلىمەن كومكەرىلگەن كورىكتى قىستاققا ات باسىن بۇرساڭىز، ساي – سالاداعى جابايى ورىك ورمانى سىزگە وزگەشە سەزىم باعىشتاپ، جاز ماۋسىمىنىڭ باسىندا دا سىزگە اۋەلگىسىندەي كوكتەم لەبىن سەزىندىرەدى.

    جۋىق جىلداردان بەرى توعىزتاراۋ اۋدانى كولدەنەڭ دۇنيە جۇزىلىك جاراتىلىستىق مۇراعات ايگىلى ماركاسىنان پايدالانىپ، ساياحات كاسىبىن تىرەكتى كاسىپ رەتىندە دەن قويا جەتىلدىرىپ، 2019 – جىلدىڭ وزىندە 200 ميلليون يۋاننان استام ارناۋلى ساياحات قارجىسىن ءبولىپ، «ءبىر بازا، ەكى ورتالىق، ءۇش كورىنىس داليزى، بەس ءىرى كورىنىس ءوڭىرى، بىرنەشە سالت – سانا شاعىن قالاشىعى، توعىز ۇيىرمە ۇيىمداستىرۋ» سىندى جاعداي قالىپتاستىردى. كوكتال قىستاعى كەزەكتە 10 ميلليون يۋاننان استام قارجى قوسىپ، 30 نەشە اۋىل – قىستاق حالىقتىق تۇسەلحاناسىن قۇرىپ، اۋىل – قىستاقتىڭ اناعۇرلىم قۇلپىرۋىن جەبەدى.

جاۋاپتى رەداكتور: جازيرا بولاتباي قىزى