بەيجيڭ قىسقى وليمپيادا جينالىسىن ۇيىمداستىرۋ كوميسسياسى جەلىدە جاريا ۇستاۋ كۇنى قيمىلىن وتكىزدى

  • كەلۋ قاينارى: ىلە گازەتى
  • 03:20:28 09/05/2020

    حالىقارالىق وليمپيادا سپورت كوميتەتى جوعارى باعا بەردى

    

    بەيجيڭ قىسقى وليمپيادا جينالىسىن ۇيىمداستىرۋ كوميسسياسى جۋىردا بەينەجازبا ءماجىلىسى فورماسىندا 2022 – جىلعى بەيجيڭ قىسقى وليمپياداسىنىڭ 2 – رەتكى مەملەكەتتەر (رايوندار) بويىنشا وليمپيادا كوميتەتى قىزمەتىن جاريا ۇستاۋ كۇنى قيمىلىن وتكىزدى، بۇل ماجىلىسكە قاتىناسقان ۋاكىلدەردىڭ جوعارى باعاسىن الدى. وسى رەتكى قيمىلعا حالىقارالىق وليمپيادا كوميتەتى جانە 45 مەملەكەتتىڭ (رايون) وليمپيادا كوميتەتىنەن 67 ۋاكىل قاتىناستى. توكيو وليمپيادا جينالىسىن ۇيىمداستىرۋ كوميسسياسى مەن پاريج وليمپيادا جينالىسىن ۇيىمداستىرۋ كوميسسياسى باقىلاۋشى جىبەرىپ، وسى رەتكى قيمىلدىڭ تۇتاس بارىسىن بايقادى.

    كەزەكتەگى دۇنيە جۇزىندە تۋىلعان ىندەت ىقپالى سالدارىنان، شەتەلدىك ۋاكىلدەر ەلىمىزگە كەلىپ ناقتى تەكسەرۋ، زەرتتەۋ جۇرگىزە المادى. سونىمەن ءارقايسى ەلدەردىڭ (رايون) وليمپيادا كوميتەتتەرىنىڭ ۇسىنىسى مەن پىكىرىن قابىلداپ، قاتىستى قىزمەت وتەۋ ساياساتتارىن شىعارۋ جانە كەمەلدەندىرۋ ءۇشىن، بەيجيڭ قىسقى وليمپيادا جينالىسىن ۇيىمداستىرۋ كوميسسياسى وسى رەتكى جاريا ۇستاۋ كۇنى قيمىلىن جەلىدە وتكىزىپ، ىندەتتەن ساقتانۋ – تىزگىندەۋ جانە قىسقى وليمپيادا جينالىسىن ۇيىمداستىرىپ وتكىزۋدە «ەكىدە اعاتتىق جىبەرمەۋدى» قۇلشىنا مىقتى يگەردى. قيمىل مەزگىلىندە بەيجيڭ قىسقى وليمپيادا ۇيىمداستىرۋ كوميسسياسىنىڭ قاتىستى جاۋاپتىسى قىزمەت وتەۋ، جاتىن ورىن، كەلىپ – كەتۋ، قازىنا، تەحنيكا، ۇقىق قورعاۋ سياقتى 6 كاسىپ سالاسى بويىنشا بەيجيڭ قىسقى وليمپيادا جينالىسىن ۇيىمداستىرۋ قىزمەتىنىڭ ورىستەتىلۋ اياق الىسىن تانىستىردى ءارى شەتەلدىكتەر نازار اۋدارىپ وتىرعان ماسەلەلەرگە جاۋاپ بەردى. كەڭ ەكران ارقىلى بەيجيڭ قىسقى وليمپيادا ۇيىمداستىرۋ كوميسسياسى وزەكتى تاقىرىپتى بايانداۋ، سۋرەتپەن كورسەتۋ سياقتى فورمالار ارقىلى بەيجيڭ قىسقى وليمپياداسىنىڭ جارىس سارايى، جارىس الاڭدارى مەن سارايلارعا جاتپايتىن ءتۇرلى نىسان ينجەنەريا قۇرىلىسىنىڭ ىلگەرىلەتىلۋىن تانىستىردى. قاتىناس، بەلەت، اقپارات دانەكەرلەرى سياقتى 11 كاسىپ سالاسىنىڭ قاتىستى تاراۋلارى وسى رەتكى ماجىلىسكە قاتىناستى.

    حالىقارالىق وليمپيادا كوميتەتى وسى رەتكى قيمىلعا جوعارى باعا بەردى. حالىقارالىق وليمپيادا كوميتەتى مەملەكەتتەر (رايوندار) وليمپيادا كوميتەتىنىڭ قارىم – قاتىناسىنا جاۋاپتى حىچاڭجۇنشيۇڭ مىنانى ءبىلدىردى: بەيجيڭ قىسقى وليمپيادا ۇيىمداستىرۋ كوميسسياسى بۇل قىزمەتتەردى جاريا ۇستاۋعا تاباندى بولىپ، بەيجيڭ قىسقى وليمپياداسىنىڭ ءتۇرلى ازىرلىك قىزمەتتەرىن ايتارلىقتاي ىلگەرىلەتتى. وتە – موتە، كەزەكتە ىندەت دۇنيە ءجۇزىن شارپىعان جاعدايدا، بەينەجازبا ءماجىلىسى فورماسىندا ازىرلىك قزمەتتەرىن اشىق ۇستاۋ كۇنى قيمىلىن وتكىزۋى، وزگە دە وليمپيادا جينالىسىن ۇيىمداستىرۋ كوميسسيالارىنىڭ جارىس قيمىلدارىن ۇيىمداستىرۋ قىزمەتىنە ۇلگى بولا الادى».

    ءماجىلىس مەزگىلىندە ماجىلىسكە قاتىناسقان ءارقايسى ۋاكىلدەر تولىق پىكىر اۋىستىرىپ، بەيجيڭ قىسقى وليمپيادا جينالىسىن ۇيىمداستىرۋ كوميسسياسىمەن ءتۇرلى قىزمەت وتەۋ ساياساتتارىن بەلسەنە تالقىلاپ، بەيجيڭ قىسقى وليمپيادا جينالىسىن ۇيىمداستىرۋ قىزمەتىنە قۇندى ۇسىنىستار بەردى. توكيو وليمپيادا جينالىسىن ۇيىمداستىرۋ كوميسسياسى مەن پاريچ وليمپيادا جينالىسىن ۇيىمداستىرۋ كوميسسياسى وسى رەتكى قيمىلعا ەرەكشە نازار اۋدارىپ، ۋاكىل جىبەرىپ باقىلاۋشى رەتىندە ماجىلىسكە قاتىناستى. ولار مىنانى ءبىلدىردى: بەيجيڭ قىسقى وليمپيادا جينالىسىن ۇيىمداسىترۋ كوميسسياسىنىڭ بەينەجازبا فورماسىندا كولەمدى حالىقارالىق سيپات العان ءماجىلىس وتكىزۋ ءادىسى ۇيرەنۋگە تاتيدى، كەزەكتەگى حالىقارالىق ىندەتتەن ساقتانۋ – مەڭگەرۋ جاعدايىندا وليمپيادا ازىرلىك قىزمەتتەرىن ورستەتۋدە قۇندى تاجىريبەمەن قامدادى.

    («حالىق گازەتىنەن» الىندى)

جاۋاپتى رەداكتور: جازيرا بولاتباي قىزى