14 – كەزەكتى مەملەكەتتىك سپورت جارىسىنىڭ الاۋىن جەتكىزۋگە قاتىستى باس تاقىرىپ، ۇران جانە قاسيەتتى وتتى جيناۋ فورماسى سوڭعى ساراپتاۋدان ءوتتى

  • كەلۋ قاينارى: ىلە گازەتى
  • 03:27:42 09/05/2020

    

    شينحۋا اگەنتتىگىنىڭ شي – اننان بەرگەن حابارى. 14 – كەزەكتى مەملەكەتتىك سپورت جارىسى، 11 – كەزەكتى مۇگەدەكتەر سپورت جارىسى جانە 8 – كەزەكتى ەرەكشە وليمپادا سپورت جارسىنىڭ الاۋىن جەتكىزۋ، باس تاقىرىبى، ۇرانى، قاسيەتتى وتتى جيناۋ فورماسىن سوڭعى ساراپتاۋ ءماجىلىسى شانشي دەنەتاربيە قوناق جايىندا وتكىزىلدى. ساراپتاۋ ماجىلىسىندە ماماندار سوڭعى ساراپتاۋ ارقىلى 20 نەگىزگى تاقىرىپ، 20 ۇران جانە 10 قاسيەتتى وتتى جيناۋ فورماسى سيلاناتىن تۋىندىلار قاتارىنا تىركەدى ءارى وسى نەگىزدە 2 باس تاقىرىپ، 2 ۇران جانە 2 قاسيەتتى وتتى جيناۋ فورماسى تاڭداۋلى تۋىندى دەپ باعالاندى. ۇيىمداستىرۋ كوميسسياسىنىڭ ءمانساپتىسى مىنانى ءبىلدىردى: سيلاناتىن ناقتى تۋىندىلار تىزىمدىگى الدا قوعامعا اشىق جاريالانادى. شانشي ولكەسىنىڭ قاتىستى تاراۋلارى، جوعارى مەكتەپتەر جانە اقپارات دانەكەرلەرى سياقتى ورىندارىنان كەلگەن 13 مامان – وقىمىستى وسى رەتكى ماجىلىسكە قاتىناستى. 14 – كەزەكتى مەملەكەتتىك سپورت جارىسى شانشي ولكەلىك ۇيىمداستىرۋ كوميسسياسى قازىنالىق باقىلاۋ - تەكسەرۋ ءبولىمى وسى رەتكى ساراپتاۋ قىزمەتىنىڭ تۇتاس بارىسىن قاداعالادى. 14 – كەزەكتى مەملەكەتتىك سپورت جارىسى شانشي ولكەلىك ۇيىمداستىرۋ كوميسسياسى بيىل 2 – ايدىڭ سوڭىنان باستاپ مەملەكەت بويىنشا قاسيەتتى الاۋدى جەتكىزۋ، باس تاقىرىپ، ۇران جانە قاسيەتتى وتتى جيناۋ فورماسى سىندى قىزمەتتەردى ورىستەتكەن ءبىر ايدا، مەملەكەتتىڭ جەر – جەرىندەگى 208 ورىن مەن جەكەدەن جالپى 437 باس تاقىرىپ، 490 ۇران، 56 قاسيەتتى وتتى جيناۋ فورماسىن قامتىعان تۋىندىلاردى تاپسىرىپ العان. قايتا – قايتا تەكسەرۋ ارقىلى ۇيىمداستىرۋ كوميسسياسى تالاپقا ۇيلەسپەيتىن تۋىندىلاردى ەكشەپ تاستاپ، العاشقى باسقىشتا 360 باس تاقىرىپ، 358 ۇران، 52 قاسيەتتى وتتى جيناۋ فورماسىن ىرىكتەپ الدى.

    ساراپتاۋ ماجىلىسىندە قاسيەتتى الاۋدى جەتكىزۋگە قاتىستى 47 باس تاقىرىپ، 48 ۇران، 20 قاسيەتتى وتتى جيناۋ فورماسى توپ جارىپ العا شىققان.

جاۋاپتى رەداكتور: جازيرا بولاتباي قىزى