ىندەت توسقاۋىل شايقاسىنا ”جۇڭگو جاۋاپناماسىن“ تاپسىردى

  • كەلۋ قاينارى: شينجياڭ گازەتى تورابى
  • 02:45:41 10/05/2020

    − دۇنيە جۇزىلىك ىندەتكە قول ۇستاسا قارسى اتتانىپ، جۇڭگو جاۋاپكەرشىلىگىن ايگىلەدى (1)

    حالىق گازەتىنىڭ شولۋشىسى

 

    جاڭا تيپتى ايدارشا ۆيرۋس وكپە قابىنۋ ىندەتى بۇكىل جەر شارىندا ورشۋدە، جۇڭگو ىندەتتەن ساقتانۋ - تىزگىندەۋدە كەلەلى ستراتەگيالىق تابىسقا قول جەتكىزدى.

    بۇل ءبىر رەتكى سيرەك كەزدەسەتىن دۇنيە جۇزىلىك داعدارىس ءارى بۇكىل ادامزات ءدوپ كەلگەن ورتاق سىن - سايىس. حالىقارالىق قوعامعا ىندەت جاعدايىن ەڭ ەرتە حابارلاندىرعان، ىندەتكە ەڭ ەرتە قارسى اتتانعان مەملەكەت رەتىندە، جۇڭگو جالپى حالىقتى اتتانىسقا كەلتىرىپ، بۇكىل ەل بولىپ شايقاسقا اتتانىپ، جاپالى كۇرەس جۇرگىزۋ ارقىلى زور بوداۋ بەرىپ، دۇنيە جۇزىندەگى ەل ءىشى ىندەت جاعدايىن ەڭ الدىمەن تىزگىندەگەن ەلدەردىڭ ءبىرى بولىپ، دۇنيە ءجۇزى ءۇشىن ىندەتتەن ساقتانۋ - تىزگىندەۋدىڭ وڭىرلىك قورعانىس شەبىن ساقتاۋمەن بىرگە، بۇكىل دۇنيە ءجۇزىنىڭ ىندەتكە قارسى اتتانۋىنا دا قۇندى تاجىريبەلەر توپتادى.

    باسىنان وتكەرمەگەندەر قيىندىقتى بىلمەيدى. بۇگىندە ءتىپتى دە كوپ ادام جاڭا تيپتى ايدارشا ۆيرۋستىڭ ”اككىلىگىن“ تانىپ جەتتى ءارى ىندەتتىڭ ادامزات قوعامىنا اكەلگەن زور قاتەرىن تىكەلەي سەزىندى. الايدا 3 ايدىڭ الدىندا ىندەتتىڭ وسىنشاما سۇراپىل ەكپىنمەن بۇكىل دۇنيە جۇزىندە ويران سالارىن بالكىم ەشكىم دە مەجەلەي الماعان شىعار. توسىن شابۋىلدىڭ ەكپىنى كۇشتى بولادى، جۇڭگونىڭ شايقاسقا قارسى اتتانعان حاۋىپ - قاتەرى مەن قيىندىق دەڭگەيى مەجەدەن الدەقايدا اسىپ ءتۇستى: ءالى تولىق تانىپ جەتپەگەن ۆيرۋستان قالاي ساقتانۋ - تىزگىندەۋ كەرەك؟ كوكتەمگى تاسىمالدىڭ ۇلكەن تولقىنىندا ۆيرۋستىڭ تارالۋىن قالاي ءۇزۋ كەرەك؟ سانى مول ناۋقاستاردىڭ قابىلداۋعا تيىستىلەرىن مۇمكىندىكتىڭ بارىنشا قابىلداۋعا، ەمدەۋگە تيىستىلەرىن مۇمكىندىكتىڭ بارىنشا ەمدەۋگە قالاي كەپىلدىك ەتۋ كەرەك؟ ءونىمدى ەمدەۋ شاراسى مەن ءدارى - دارمەكتەردى قالاي تۇراقتاندىرۋ كەرەك... كوپتەگەن بەلگىسىز جاعداي توتەپ بەرۋدى سىنعا سالدى. كەيبىرەۋلەر بىلاي دەدى: جۇڭگو الدىن الا ”جابىق ەمتيحان“ تاپسىردى، ەل ىشىندە ىندەتپەن جۇعىمدالعان حالىق %0.006كە جەتپەگەن كەزدە - اق سۇراپىل كەلگەن ىندەتتى تىزگىندەدى، ادامزاتتىڭ جۇقپالى اۋرۋلارمەن كۇرەس جاساۋ تاريحىنداعى حيكىمەتتى جاراتتى. مۇنداي ”جۇڭگو جاۋاپناماسى“ وڭاي - وسپاق قولعا كەلمەگەن، جەر ءجۇزىن تەبىرەنتتى.

    ”جۇڭگو جاۋاپناماسى“ جاپالى دا ەرەن قۇلشىنىستى ەستەلىككە العان. باس شۋجي شي جينپيڭ ىندەتتى ءبىر رەتكى زور سىناۋعا بالادى، ءوزى تىكە قولباسشىلىق ەتتى، ءوزى تىكە ورنالاستىرۋ جاسادى، ەگىنشىلىك كالەندارى بويىنشا جاڭا جىلدىڭ العاشقى كۇنى ورتالىق كوميتەت ساياسي بيۋروسىنىڭ تۇراقتى كوميتەتى ءماجىلىسىن باسقارىپ اشىپ، ىندەتتەن ساقتانۋ - تىزگىندەۋگە، اسىرەسە، ناۋقاستاردى ەمدەۋ قىزمەتىنە قايتالاي زەرتتەۋ جۇرگىزىپ، قايتالاي ورنالاستىرۋ جاساپ، قايتالاي اتتانىسقا كەلتىردى. ال، وسىدان 2 كۇن ىلگەرى، ۋحان ۋحاننان شىعاتىن جولداردى بەكىتىپ، ”قالانى جابۋ“ شاراسىن قولداندى؛ وسىدان ءبىر كۇن ىلگەرى، ازاتتىق ارميانىڭ 3 ەمدەۋ اترەتى ۋحانعا اتتانىپ، شۇعىل كومەك كورسەتتى. ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ، ناۋقاستاردى شوعىرلاندىرۋ، مامانداردى شوعىرلاندىرۋ، بايلىقتى شوعىرلاندىرۋ، شوعىرلى قۇتقارۋ - ەمدەۋ جۇرگىزۋ... بۇكىل ەلدىڭ جەر - جەرىنەن 42 مىڭ ەمدەۋ قىزمەتكەرى ۋحانعا سۋىت اتتاندى، حوشىنشان شيپاحاناسى، لەيشىنشان شيپاحاناسى 10 كۇندە ىسكە قوسىلدى. دۇنيە جۇزىلىك دەنساۋلىق ساقتاۋ ۇيىمىنىڭ بايانداماسىندا بىلاي دەپ اتاپ كورسەتىلدى: بۇرىن بولماعان ۆيرۋس الدىندا جۇڭگو تاريحتاعى ەڭ باتىل، ەڭ يكەمدى، ەڭ بەلسەندى ساقتانۋ - تىزگىندەۋ شاراسىن قولداندى؛ امەريكانىڭ «عىلىم» جۋرنالىندا جاريالانعان زەرتتەۋ بايانداماسىندا كورسەتىلۋىنشە، جۇڭگونىڭ ساقتانۋ - تىزگىندەۋ شاراسى ىندەتتىڭ تارالۋ جولىن ءساتتى تالقانداپ، نەشە 100 مىڭ ادامدى جۇعىمدالۋدان ساقتاعان.

جاۋاپتى رەداكتور: جازيرا بولاتباي قىزى