ىندەت توسقاۋىل شايقاسىنا ”جۇڭگو جاۋاپناماسىن“ تاپسىردى

  • كەلۋ قاينارى: شينجياڭ گازەتى تورابى
  • 02:45:41 10/05/2020

    ”جۇڭگو جاۋاپناماسى“ ميلليونداعان حالىقتىڭ قاجىرلىلىعىنا، قايسارلىلىعىنا كۋا بولدى. ”ازاپ تارتىپ جاتقان وزگە ەلدەرمەن ۇقساس، جۇڭگو دا وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنىڭ زيانىنا ۇشىراۋشى“. سينگاپۋر «بۇعاز ۋاقىت گازەتىنىڭ» شولۋ ماقالاسىندا وسىلاي دەلىندى. وسى رەتكى بۇرىن بولماعان اۋىر ىندەتتە ءبىزدىڭ كوپتەگەن باۋىرلاستارىمىز ۆيرۋسپەن جۇعىمدالىپ، باقىتقا قارسى قايتىس بولدى، كوپتەگەن قىزمەتكەرلەر ءبىرىنشى شەپتە ەرلىكپەن قۇربان بولدى؛ ىندەتتىڭ ءورشۋ تەبىنىن اۋىزدىقتاۋ ءۇشىن، ءبىزدىڭ ەكونوميكالىق، قوعامدىق تۇرمىسىمىز ”شۇعىل تورمۋز باستى“، ادامزات تاريحىندا بۇرىن بولماعان كۇيدە 10 ميلليون حالقى بار قالانى قۇرساۋلادى ءارى بۇكىل ەل كولەمىندە ەلەۋلى توسىن الەۋمەتتىك دەنساۋلىق ساقتاۋ ۋاقيعاسىنىڭ 1 - دارەجەلى اتتانىسقا كەلۋ دابىلىن ىسكە قوستى. سەربيا اقپارات قۇرالدارى مۇقابانىڭ ۇلكەن تاقىرىبىنا ”بۇكىل دۇنيە ءجۇزى ۋحان حالقىنا ءبىر اۋىز العىس ايتۋعا قارىزدار“ دەپ جازدى؛ بىرلەسكەن مەملەكەتتەر ۇيىمىنىڭ باس حاتشىسى گۋتەررەس: جۇڭگو حالقى ”قالىپتى تۇرمىستارىنان كەشكەن بوداۋىمەن بۇكىل ادامزاتقا ۇلەس قوستى“ دەپ اتاپ كورسەتتى.

    ”جۇڭگو جاۋاپناماسى“ تاعدىرلاستىق جاۋاپكەرشىلىك ارقالاۋدى ايگىلەدى. ىندەتتەن ساقتانۋ - تىزگىندەۋ بارىسىندا جۇڭگو حالىقارالىق سەلبەستىككە باستان - اياق باسا ءمان بەردى ءارى ونى بەلسەنە ىلگەرىلەتتى. جۇڭگو 2019 - جىلى 12 - ايدىڭ 31 - كۇنىنەن باستاپ - اق دۇنيە جۇزىلىك دەنساۋلىق ساقتاۋ ۇيىمىنا ىندەت ينفورماتسياسىن حابارلادى، بۇل دۇنيە جۇزىلىك دەنساۋلىق ساقتاۋ ۇيىمىنىڭ جاڭا تيپتى ايدارشا ۆيرۋس وكپە قابىنۋ ىندەتىنىڭ ”حالىقارا نازار اۋدارعان تۇتقيىل الەۋمەتتىك دەنساۋلىق ساقتاۋ ۋاقيعاسى“ بولعاندىعىن جاريالاعان ۋاقىتىنان ءبىر اي بۇرىن بولدى. ايگىلى مەديتسينا جۋرنالى «ليۋيەداۋدىڭ» باس رەداكتورى باتىستاعى ءىشىنارا ادامداردىڭ ورىنسىز جازعىرۋىنا مەڭزەس، ”جۇڭگونىڭ تاراتقان ينفورماتسياسى ەرەكشە ايقىن، الايدا ءبىز تۇتاس 2 - ايدى زايا جىبەردىك“ دەپ ايقىن اتاپ كورسەتتى. بۇكىل جەر شارى ىندەتكە قارسى اتتانعان ەڭ شۇعىل كەزدە جۇڭگونىڭ ەمدەۋ ماماندار گرۋپپاسى شەتەلگە ۇشىپ بارىپ، شايقاس جاسادى، جۇڭگونىڭ مەديتسينالىق زاتتىق ماتەريالدارى بۇكىل جەر شارىنىڭ جەر - جەرىنە جەتكىزىلدى، جۇڭگونىڭ دياگنوز قويۋ - ەمدەۋ جوباسى ديناميكالى جاڭالانىپ، ءار ەل ورتاق پايدالاندى...

    ۆيرۋستا مەملەكەت شەكاراسى بولمايدى، ىندەت ناسىلگە قارامايدى. بىزگە ابدەن بەلگىلى، ىندەتتەن ساقتانۋ - تىزگىندەۋدىڭ جەر شارىلىق توسقاۋىل شايقاسىندا ءبىر ەل ىندەتتى ءونىمدى تىزگىندەي الماسا، بۇل شايقاس اياقتامايدى. وسى رەتكى شايقاس بارىسىندا جۇڭگو تالاسسىز شىندىقپەن بورىشتى ارقالايتىن ءىرى ەلدىك جاۋاپكەرشىلىگىن تولىق ايگىلەدى، حالىقارالىق قوعام الدىندا دەسە دەگەندەي بوداۋ بەردى جانە ۇلەس قوستى؛ وسى رەتكى شايقاس بارىسىندا جۇڭگو اشىق ۇستاۋ، سەلبەستىك جاساسۋداي ءىس جۇزىندىك ارەكەتى ارقىلى دۇنيە جۇزىندەگى ءار ەلمەن بۇكىل جەر شارىنىڭ الەۋمەتتىك دەنساۋلىق ساقتاۋ حاۋىپسىزدىگىن بىرگە قورعادى.

    الەمنىڭ تۇرلىشە جەرلەرىندە تۇرمىس كەشىرگەنىمىزبەن ءبىر جەر شارىندا ءومىر ءسۇرىپ وتىرمىز؛ سىزبەنەن ساپارلاس ەشكىم جوق دەمەڭىز، ءبىز سىزبەنەن بەينەت پەن زەينەتتى بىرگە كەشەمىز. امەريكا كۋىن قور قوعامىنىڭ ءتوراعاسى روبەرت لاۆرانس كۋىن ”جۇڭگو جاۋاپناماسىن“ ەرەكشە القاعان كەزدەگى باعاسى حالىقاراداعى اڭعارلى قايراتكەرلەردىڭ جۇرەك ۇنىنە ۋاكىلدىك ەتتى، ول بىلاي دەدى: ادامزاتتىڭ تاعدىرلاس ورتاق تۇلعاسى ۇستانىمى كورەگەندىككە باي، ءمانى تەرەڭ، ءار ەل ىندەتكە قارسى اتتانعان قازىرگى كەزدە، ”دۇنيە جۇزىنە شۇعىل قاجەتتى جاڭا ويلاۋ ءتاسىلىن ازىرلەپ، زور ءۇمىت سيلادى“. وسى ءۇمىت جۇڭگو حالقىنىڭ قاجىماي - تالماي جازعان ىندەتكە قارسى اتتانۋ جاۋاپناماسىنان كەلگەن ءارى دۇنيە جۇزىندەگى ءار ەلدىڭ قيىندىقتى بىلەك بىرىكتىرە ەڭسەرۋى نۇرلاندىرعان جەڭىس شۋاعىنان كەلگەن!

    (شينحۋا اگەنتتىگىنىڭ 5 - ايدىڭ 7 - كۇنى بەيجيڭنەن بەرگەن حابارى)

جاۋاپتى رەداكتور: جازيرا بولاتباي قىزى