مەملەكەتتىك ەڭ جوعارى عىلىم – تەحنيكا سيلىعىنىڭ يەگەرلەرى جونىندە

  • كەلۋ قاينارى: ىلە گازەتى
  • 03:30:07 14/05/2020

    حۋاڭ شۇيحۋا - تەلەگەي تەرەڭىنە سۇڭگىپ، ءىرى ەلدىڭ تەبىندى تەحنيكاسىن جاراتتى

    «حالىق گازەتىنىڭ» ءتىلشىسى يۇي سىنان

    

    قىسقاشا ءومىر بايانى

    يادرولىق سۇڭگۋىر كەمەنى تۇلعالىق جوبالاۋ – زەرتتەۋ مامانى. 1926 – جىلى گۋاڭدۇڭ ولكەسىنىڭ شانۋي دەگەن جەرىندە دۇنيەگە كەلگەن، 1949 – جىلى شاڭحاي قاتىناس داشۋەسىنىڭ كەمە جاساۋ كاسىبىنەن وقۋ تاۋىسقان. 1994 – جىلى جۇڭگو ينجەنەريا اكادەمياسىنىڭ تۇڭعىش كەزەكتى اكادەميگى، بۇرىنعى جۇڭگو كەمە اۋىر ونەركاسىپ توبى سەرىكتىگى 719 ورنىنىڭ قۇرمەتتى باستىعى، اعا زەرتتەۋشى بولعان. 1958 – جىلدان باستاپ ەلىمىزدىڭ يادرولىق سۇڭگۋىر كەمە ىستەرىنە بارىن سالىپ، مۇنى زەرتتەپ جاساۋدىڭ كوشباسشىلارىنىڭ بىرىنە اينالعان.

    

    يادرولىق سۇڭگۋىر كەمەنى زەرتتەپ جاساۋعا حۋاڭ شۇيحۋا بار ءومىرىن ارنادى، ول وسى ءبىر تەڭىزدىڭ تەرەڭىندەگى قۇدىرەتتى قارۋ سياقتى ءومىرىنىڭ التىن شاقتارىن «تەرەڭگە» قۇلاش سەرمەۋمەن وتكىزدى، ءبىراق ونىڭ ءومىرى مەحانيكامەن، چەرتوجبەن، سيفرلارمەن بەينەلەنىپ جاتاتىن دۇنيەدەن الدەقايدا ماعىنالى دا ءماندى ەدى.

    مۋزىكانى قۇلاي سۇيەتىندىكتەن، سكريپكانى تامىلجىتا تارتىپ، اۋىز سىرنايدى اۋەلەتىپ، توپتىق قورعا دا جەتەكشىلىك ەتە بىلەتىن؛ وپەرا، پيەسانى دا ويناي بىلەتىن ونەرلى جان. ورتاشا بويلى، شاشى كۇمىستەي اق توقساننان اسقان مىناۋ قارتتىڭ رۋحى كوتەرىڭكى ەدى. ءبىر قۇلاعى شابانداۋ ەستىگەنىمەن دە، يادرولىق سۇڭگۋىر كەمە جايلى سوزگە تارتار بولساڭىز، اڭگىمەنى ارىنداپ ارىدان باستاپ كەتەدى. ءتىلشىنىڭ سۇحباتىن قابىلداعان كۇنى ول كونە توز، ءجونسالداۋ مويىن شارپىنى موينىنا اسىپ وتىردى. بۇل - ونىڭ شەشەسىنىڭ قالدىرعان مۇراسى ەدى، ءار جىلى قىستا ۇنەمى ونى ورانىپ وتىراتىن – دى. ونىڭ ايتۋىنشا، بۇعان شەشەسىنىڭ ءيىسى سىڭگەن ەكەن.

جاۋاپتى رەداكتور: جازيرا بولاتباي قىزى