رايونىمىز ۇنەمشىل ورگان قۇرۋ قىزمەتىن باستادى

  • كەلۋ قاينارى: شينجياڭ گازەتى تورابى
  • 08:34:35 14/05/2020

    

   2022 - جىلى %70تەن استام اۋدان دارەجەلىدەن جوعارى پارتيا، ۇكىمەت ورگاندارى ۇنەمشىل ورگان قۇرۋدى ورىنداپ بولادى

 

    گازەتىمىزدىڭ جالپىلىق اقپارات قۇرالدارى ءتىلشىسى ميھىرگۇل عوپۇر 5 - ايدىڭ 12 - كۇنى ۇرىمجىدەن حابارلايدى. پارتيا، ۇكىمەت ورگاندارىنىڭ ۇقىپتى دا ۇنەمشىل بولۋىن بۇلجىتپاي ورىنداۋىن ىلگەرىلەتىپ، ەنەرگيانىڭ، بايلىقتىڭ پايدالانىلۋ ونىمدىلىگىن جوعارىلاتىپ، ورگانداردىڭ جۇمىس جۇرگىزۋ وزىندىك قۇنىن تومەندەتۋ ءۇشىن، اۆتونوميالى رايوندىق ورگان ىستەرىن باسقارۋ مەكەمەسى، دامۋ - رەفورما كوميتەتى، قازىنا مەڭگەرمەسى جۋىقتا «شينجياڭ ۇيعۇر اۆتونوميالى رايونىنىڭ ۇنەمشىل ورگان قۇرۋ قيمىلىن اتقارۋ جوباسىن» العا قويىپ، بۇكىل رايونداعى اۋدان دارەجەلى جانە ونان جوعارى پارتيا، ۇكىمەت ورگاندارىندا ۇنەمشىل ورگان قۇرۋ قيمىلىن جالپى بەتتىك ىشكەرىلەي ورىستەتىپ، 2022 - جىلدىڭ سوڭىندا %70تەن استامىن قۇرۋ نىساناسىن ورىنداۋعا كۇش سالادى.

    «جوبادا» مىنالار العا قويىلدى: رايونىمىز 2020 - جىلدىڭ سوڭىندا %30تەن استامىن قۇرۋ نىساناسىن اياقتاتادى، 2021 - جىلدىڭ سوڭىندا %50تەن استامىن قۇرۋ نىساناسىن اياقتاتادى، 2022 - جىلدىڭ سوڭىندا %70تەن استام اۋدان دارەجەلى جانە ونان جوعارى پارتيا، ۇكىمەت ورگاندارىندا ۇنەمشىل ورگان قۇرۋدى ورىنداپ بولادى.

    «جوبا» ءتۇزىم جۇيەسىن كەمەلدەندىرۋ، جاسىل جۇمىس جۇرگىزۋ، قازىنالىق كۇتىپ الۋدى باسقارۋدى ارناعا ءتۇسىرۋ، كەڭسەگە پايدالانىلاتىن ۇيلەر مەن ۇكىمەتتىك كولىكتى پايدالانۋدى باسقارۋدى كۇشەيتۋ، تۇرمىستىق قوقىر - قوقسىقتى تۇرگە ايىرۋدى اتقارۋ، ۇگىت - تاربيە ورىستەتۋ سياقتى 6 جاقتى ارقاۋ ەتىپ، رايونىمىزدىڭ قۇرۋ قىزمەتىنىڭ ناقتى مازمۇنىن ايقىندادى.

    قۇرۋ قىزمەتى ءوتىنىش ەتۋ، قۇرۋ، ءوزىن باعالاۋ، تەكسەرىپ وتكىزىپ الۋ سياقتى تارتىپتەرگە بولىنەدى. ءارقايسى پارتيا، ۇكىمەت ورگاندارى 2020 - جىلى 5 - ايدىڭ سوڭىنان بۇرىن قۇرۋ جوباسىن جاساۋدى، ءوتىنىش ەتۋدى اياقتايدى، 11 - ايدىڭ سوڭىنان بۇرىن اۆتونوميالى رايوندىق ورگان ىستەرىن باسقارۋ مەكەمەسى قاتىستى فۋنكتسيالىق تاراۋلارمەن بىرگە تەكسەرىپ وتكىزىپ الادى. ۇنەمشىل ورگاندى باعالاۋ ولشەمىنە جەتكەن پارتيا، ۇكىمەت ورگاندارىنا ”ۇنەمشىل ورگان“ اتاعى بەرىلەدى. ءارقايسى ايماقتاردىڭ (وبلىس، قالا) پارتيا، ۇكىمەت ورگاندارى اۆتونوميالى رايون دارەجەلى پارتيا، ۇكىمەت ورگاندارىنىڭ قۇرۋ اياق الىسى بويىنشا ۇيىمداستىرىپ اتقارادى.

    ۇعىسۋعا قاراعاندا، ۇنەمشىل ورگان قۇرۋ بۇكىل رايوننىڭ رۋحاني وركەنيەتتى ورىندى باعالاۋ جۇيەسىنە ەنگىزىلگەن. بۇل قىزمەتتىڭ ورىستەتىلۋى بۇكىل رايونداعى ءار دارەجەلى پارتيا، ۇكىمەت ورگاندارىنىڭ ەنەرگيادان، بايلىقتان پايدالانۋ ونىمدىلىگىن ۇزدىكسىز جوعارىلاتىپ، ۇلگىلىك، باستاماشىلدىق رولىن تولىق ساۋلەلەندىرىپ، پارتيا، ۇكىمەت ورگاندارىنىڭ تاماشا وبرازىن ورناتىپ، قوعامدىق وركەنيەتتىڭ العا باسۋىن ىلگەرىلەتەدى.

جاۋاپتى رەداكتور: گۇلدەن ماقسات قىزى