باسىمدىققا يە ەرەكشە اۋىل شارۋاشىلىق ونىمدەرىنە قامسىزداندىرۋ سيلىق قوسىمشا قاراجاتىن بەرۋدى تۇيىندەردە سىناق ەتۋ ساياساتى وڭتۇستىك شينجياڭداعى باعباندارعا تيىمدىلىك جەتكىزدى  

  • كەلۋ قاينارى: شينجياڭ گازەتى تورابى
  • 08:36:05 14/05/2020

 

      گازەتىمىزدىڭ جالپىلىق اقپارات قۇرالدارى ءتىلشىسى ۋاڭ يۇڭفەي 5 - ايدىڭ 12 - كۇنى ۇرىمجىدەن حابارلايدى. جاڭعاق، شىلان، ورىك، بادام، الما جانە ءجۇزىم سياقتى 6 نەگىزگى وسىرىلەتىن جەمىس تۇرىنە ورتالىق قازىنادان %30 قامسىزداندىرۋ سيلىق قوسىمشا قاراجاتى، اۆتونوميالى رايون قازىناسىنان %35 قامسىزداندىرۋ سيلىق قوسىمشا قاراجاتى بەرىلدى، ايماق، اۋدان قازىناسى %15 قامسىزداندىرۋ قاراجاتىن كوتەردى، باعباندار تەك %20 قامسىزداندىرۋ قاراجاتىن ۇستىنە الادى. وسى تيىمدىلىك جەتكىزۋ ساياساتى بيىل وڭتۇستىك شينجياڭداعى 4 ايماق - وبلىستا جالعاستى اتقارىلدى.

    وڭتۇستىك شينجياڭداعى باعباندارعا پايدالى بولعان وسى تيىمدىلىك جەتكىزۋ ساياساتى وڭتۇستىك شينجياڭداعى 4 ايماق - وبلىستاعى باسىمدىققا يە ەرەكشە اۋىل شارۋاشىلىق ونىمدەرىنە قامسىزداندىرۋ سيلىق قوسىمشا قاراجاتىن بەرۋدى تۇيىندەردە سىناق ەتۋ بولىپ تابىلادى، ساياساتتىڭ اتقارىلۋىن بىلتىرعى مەملەكەتتىك ساياسي كەڭەس ماجىلىسىندە شينجياڭدا تۇراتىن مەملەكەتتىك ساياسي كەڭەستىڭ مۇشەسى ۋان حايچۋان تاپسىرعان ءبىر ۇسىنىس جوبادان باستاپ ايتۋعا تۋرا كەلەدى. تالاي جىلداردان بەرگى دامۋ ارقىلى ەرەكشە جەمىس ورمانى كاسىبى رايونىمىزداعى اۋىل - قىستاق ەكونوميكاسىنىڭ دامۋىنداعى تىرەكتى كاسىپ سالاسىنا جانە شارۋالاردىڭ كەدەيلىكتەن ارىلىپ، كىرىسىن ارتتىرۋىنداعى ماڭىزدى ارناعا اينالدى. ۋان حايچۋان ۇسىنىس جوباسىندا بىلاي دەپ اتاپ كورسەتكەن ەدى: ”شينجياڭ جاراتىلىستىق اپات كوپ تۋىلاتىن ءوڭىر، الدا - جالدا اپات تۋىلا قالسا، باعباندار اۋىر سوققىعا ۇشىرايدى. ال جەمىس ورمانى كاسىبىندە ساياساتتىق قامسىزداندىرۋ ءتۇزىمىنىڭ ورناتىلۋى جانە ونىڭ كەمەلدەنۋى جەمىس ورمانى سالاسىنىڭ دامۋىن جەدەلدەتۋگە ءتيىمدى، شارۋالاردىڭ كىرىسىن ورنىقتىرادى جانە قامتاماسىز ەتەدى. سوندىقتان جەمىس ورمانى كاسىبىندە ساياساتتىق قامسىزداندىرۋدى تۇيىندەردە سىناق ەتۋ اسا قاجەتتى“.

    اۆتونوميالى رايوندىق قازىنا مەڭگەرمەسى جەمىس ورمانى كاسىبىندە ساياساتتىق قامسىزداندىرۋدى تۇيىندەردە سىناق ەتۋ قىزمەتىن ىلگەرىلەتۋدى جەدەلدەتۋ ءۇشىن تالاي رەت قازىنا مينيسترلىگىنە مالىمەت ۇسىندى، 2019 - جىلى 6 - ايدا قازىنا مينيسترلىگى «ورتالىق قازىنادان جەرگىلىكتى ورىنداعى باسىمدىققا يە ەرەكشە اۋىل شارۋاشىلىق ونىمدەرىنە قامسىزداندىرۋ سيلىق قوسىمشا قاراجاتىن بەرۋدى تۇيىندەردە سىناق ەتۋ جونىندەگى حابارلاندىرۋدى» باسىپ تاراتىپ، شينجياڭدى قامتىعان 10 ولكە، رايون، قالادا باسىمدىققا يە ەرەكشە اۋىل شارۋاشىلىق ونىمدەرىنە قامسىزداندىرۋ سيلىق قوسىمشا قاراجاتىن بەرۋدى تۇيىندەردە سىناق ەتۋ قىزمەتىن ورىستەتتى. اۆتونوميالى رايوندىق قازىنا مەڭگەرمەسى فينانس باسقارماسىنىڭ جاۋاپتىسى تانىستىرىپ بىلاي دەدى: ”وڭتۇستىك شينجياڭداعى 4 ايماق - وبلىستا نەگىزگى وسىرىلەتىن 6 تۇرگە ءبىر تۇتاس قامسىزداندىرۋ قاراجاتىن، ءبىر تۇتاس قاراجات سالىستىرماسىن بەرۋدى قامسىزداندىرىلاتىن ءونىم سىناق ءتۇيىنى قاتارىنا ەنگىزۋ ورتالىقتىڭ شينجياڭ قىزمەتىنە وسكەلەڭ ءمان بەرگەندىگىن جانە قولداۋ كورسەتكەندىگىن تولىق بەينەلەپ، اۋىر كەدەي وڭىرلەردىڭ كەدەيلىكتەن ارىلتۋدان قامال الۋ شايقاسىندا جەڭىسكە جەتۋىن دەمەۋدە اسا ماڭىزدى رول اتقارادى“.

جاۋاپتى رەداكتور: گۇلدەن ماقسات قىزى