رايونىمىزدىڭ 3 باقشا رايونى مەملەكەتتىك وسى زامانعى اۋىل شارۋاشىلىعى كاسىپ باقشاسىن قۇرۋ تىزىمدىگىنەن ورىن الدى

  • كەلۋ قاينارى: شينجياڭ گازەتى تورابى
  • 09:03:15 17/05/2020

  

  گازەتىمىزدىڭ جالپىلىق اقپارات قۇرالدارى ءتىلشىسى ۋاڭ يۇڭفي 5 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق اۋىل - شارۋاشىلىعى، اۋىل - قىستاق مەڭگەرمەسىنەن ۇعىسۋعا قاراعاندا، تاياۋدا رايونىمىزدىڭ 3 اۋىل شارۋاشىلىعى كاسىپ باقشاسى 2020 - جىلعى مەملەكەتتىك وسى زامانعى اۋىل شارۋاشىلىعى كاسىپ باقشاسىن قۇرۋ تىزىمدىگىنەن ورىن العان، ولار جەكە - جەكە بۋرىلتوعاي اۋدانى وسى زامانعى اۋىل شارۋاشىلىعى كاسىپ باقشاسى، سانجى قالاسى وسى زامانعى اۋىل شارۋاشىلىعى كاسىپ باقشاسى، بيڭتۋان 2 - شىسى تەمىنگۋان قالاسى وسى زامانعى اۋىل شارۋاشىلىعى كاسىپ باقشاسى ەكەن.

    2018 - جىلى قۇرۋ تىزىمدىگىنە تاڭدالعان بيڭتۋان 1 - شىسى الار قالاسى وسى زامانعى اۋىل شارۋاشىلىعى كاسىپ باقشاسىن جانە 2019 - جىلى تاڭدالعان بۇراتالا قالاسى وسى زامانعى اۋىل شارۋاشىلىعى كاسىپ باقشاسىن قوسقاندا، كەزەكتە رايونىمىزدان 5 كاسىپ باقشاسى (بيڭتۋاندى قامتيدى) مەملەكەتتىك وسى زامانعى اۋىل شارۋاشىلىعى كاسىپ باقشاسىن قۇرۋ تىزىمدىگىنە تاڭدالعان.

    ورتالىق قازىنا سيلاۋ، قوسىمشا قاراجات بەرۋ ءتاسىلى ارقىلى قۇرۋ بەكىتىلگەن جانە باعالاۋ - مويىنداۋدان وتكەن كاسىپ باقشالارىنا لايىقتى قولداۋ كورسەتەدى، ءاربىر كاسىپ باقشاسىن قۇرۋعا بەرىلەتىن سيلىق، قوسىمشا قاراجات 100 ميلليون يۋان، 3 رەتكە ءبولىپ ورنالاستىرىلدى. ورتالىق قازىنانىڭ سيلىق، قوسىمشا قاراجاتى كاسىپ باقشاسىنىڭ شارۋالارمەن بىرلەسىپ، شارۋالاردى باستاپ، كىرىستەرىن ارتتىرۋ، كاسىپ سالاسىنىڭ قىزمەت وتەۋ قابىلەتىن جوعارىلاتۋ، كاسىپ تىزبەگىن ۇزارتۋ، جەتەكشى كاسىپ سالاسىنىڭ دارەجەسىنىڭ ءوسۋىن جەبەۋ، ت. ب جاقتارعا ءتۇيىندى پايدالانىلادى.

    وسى زامانعى اۋىل شارۋاشىلىعى كاسىپ باقشاسىن قۇرۋ جاڭا داۋىردە ورتالىقتىڭ اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىلگەرىلەتۋىندەگى، اۋىل شارۋاشىلىعىن وسىزامانداندىرۋدى جەدەلدەتۋىندەگى ماڭىزدى شاراسى. كەلەسى قادامدا، رايونىمىز «اۆتونوميالى رايوننىڭ وسى زامانعى اۋىل شارۋاشىلىعى كاسىپ باقشاسىن قۇرۋ جوباسىن (2020 - جىلدان 2025 - جىلعا دەيىن)» جاساپ، باسىپ تاراتىپ، بولاشاقتاعى بىرنەشە جىلداعى وسى زامانعى اۋىل شارۋاشىلىعى كاسىپ باقشاسىن قۇرۋ قىزمەتىن جاپپاي جوبالاپ، ورنالاستىرادى. بۇدان بىلاي رايونىمىز استىق وندىرىسىندەگى يقۋاتتى ءوڭىرىن، ماڭىزدى اۋىل شارۋاشىلىعى ونىمدەرىن قورعاۋ ءوڭىرىن جانە ەرەكشە اۋىل شارۋاشىلىعى ونىمدەرىندە باسىمدىققا يە ءوڭىرىن ءتۇيىندى تۇردە سۇيەنىش ەتىپ، استىق - ماي، ماقتا ءيىرۋ - مانەرلەۋ، جەمىس ورمانى، مال شارۋاشىلىعى جانە ەرەكشە اۋىل شارۋاشىلىعى ونىمدەرىن مانەرلەۋ كاسىپ باقشاسى قۇرىلىسىن الدىمەن ورىستەتىپ، ەرەكشەلىگى ايقىن، باسىمدىعى كورنەكتى، ورنالاسۋى ۇيلەسىمدى وسى زامانعى اۋىل شارۋاشىلىعى كاسىپ باقشاسى شوعىرىن قالىپتاستىرادى.

جاۋاپتى رەداكتور: جازيرا بولاتباي قىزى