شي جينپيڭ بەيجيڭ عىلىم ـ تەحنيكا داشۋەسىندەگى بارلىق پاكيستاندىق وقۋشىلارعا جاۋاپ حات جازدى

  • كەلۋ قاينارى: ىلە گازەتى
  • 02:53:29 20/05/2020

    شينحۋا اگەنتتىگىنىڭ 5 – ايدىڭ 18 – كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 ـ ايدىڭ 17 ـ كۇنى بەيجيڭ عىلىم ـ تەحنيكا داشۋەسىندەگى بارلىق پاكيستاندىق وقۋشىلاعا جاۋاپ حات جازىپ، ءار ەل ۇزدىك جاستارىنىڭ جۇڭگوعا كەلىپ ۇيرەنىپ بىلىمدەرىن تەرەڭدەتۋىن قارسى الاتىندىعىن ءبىلدىردى، ولاردى جۇڭگو جاستارىمەن كوبىرەك اۋىس ـ كۇيىس جاساۋعا، دۇنيە جۇزىندەگى ءار ەل جاستارىمەن بىرلىكتە حالىق تىلەگىنىڭ توعىسۋىن جەبەۋگە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە قول ۇستاسا كۇش قوسۋعا شابىتتاندىردى.

    شي جينپيڭ جاۋاپ حاتىندا بىلاي دەدى: سىزدەردىڭ جۇڭگوعا كەلىپ وقىعاننان بەرى مول ءبىلىم ۇيرەنۋمەن بىرگە، كوپتەگەن جۇڭگولىق دوستارمەن دە تانىسقاندىقتارىڭىزدى ءبىلدىم، مەن سىزدەردىڭ قول جەتكىزگەن تابىستارىڭىزعا قۋانامىن.

    شي جينپيڭ بىلاي دەپ اتاپ كورسەتتى: ءدال وزدەرىڭىز سەزىپ بىلگەندەرىڭىزدەي، جاڭا تيپتى ايدارشا ۆيرۋس وكپە قابىنۋ ىندەتى تارالعاننان كەيىن جۇڭگو ۇكىمەتى جانە مەكتەپتەرى جۇڭگوداعى شەتەلدىك وقۋشىلاردىڭ باس اماندىعى مەن دەنساۋلىعىنا باستان - اياق كوڭىل ءبولىپ كەلدى،

    كوپشىلىككە جان – جاقتى كومەك كورسەتتى. ءومىر - ەڭ قىمبات، مەيلى جۇڭگولىقتار بولسىن، الدە جۇڭگوداعى شەتەلدىكتەر بولسىن، جۇڭگو ۇكىمەتى مەن جۇڭگو حالقى بىردەي ءمان بەرەدى جانە ايالايدى.

    شي جينپيڭ بىلاي دەدى: مەن ىندەت تارالعان مەزگىلدە كوپتەگەن شەتەلدىك وقۋشىلار ءتۇرلى تاسىلدەر ارقىلى جۇڭگو حالقىنا شابىت بەرىپ، قولداپ – قۋاتتاعاندىعىن ۇعىستىم. ناعىز دوستىق قيىن ـ قىستاۋ كەزدە تابىلادى. جۇڭگو جۇڭگوداعى بارلىق شەتەلدىك وقۋشىلارعا ءتۇرلى جاقتاردان كومەك كورسەتە بەرەدى. جۇڭگو ءار ەل ۇزدىك جاستارىنىڭ جۇڭگوعا كەلىپ ۇيرەنىپ، بىلىمدەرىن تەرەڭدەتۋىن قارسى الادى. كوپشىلىكتىڭ جۇڭگونى كوبىرەك ءتۇسىنۋىن، دۇنيە جۇزىنە وزدەرىڭىز كورگەن جۇڭگونى كوبىرەك بايانداپ، جۇڭگو جاستارىمەن كوبىرەك پىكىر اۋىستىرۋدى، دۇنيە جۇزىندەگى ءار ەل جاستارىمەن بىرلىكتە حالىق تىلەگىنىڭ توعىسۋىن جەبەۋگە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە قول ۇستاسا كۇش قوسۋدى ءۇمىت ەتەمىن.

    بەيجيڭ عىلىم – تەحنيكا داشۋەسىندە قازىر پاكيستاننان 52 وقۋشى بار، مۇنىڭ 49 ى دوكتور، ماگيسترلىق اسپيرانت. تاياۋدا، ولار ءتوراعا شي جينپيڭگە حات جازىپ، جۇڭگودا وقىپ جاتقان كەشىرمەلەرى مەن اسەرلەرىن بايانداپ، مەكتەپتىڭ جاڭا تيپتى ايدارشا ۆيرۋس وكپە قابىنۋ ىندەتى تارالعاننان كەيىن وزدەرىنە كوڭىل بولگەنىنە جانە كومەكتەسكەنىنە العىس ايتتى. ۇيرەنۋلەرىن اياقتاتقان سوڭ «ءبىر بەلدەۋ، ءبىر جول» قۇرىلىسىنا ات سالىسىپ، جۇڭگو مەن پاكيستاننىڭ دوستىعىن كۇشەيتۋگە ۇلەس قوسۋ تىلەكتەرىن ءبىلدىردى.

جاۋاپتى رەداكتور: جازيرا بولاتباي قىزى