تەكەس اۋدانىندا 23 اقىسىز الەۋمەتتىك دارەتحانا سالىنىپ، بۇقاراعا قولايلىلىق جاراتىلدى

  • كەلۋ قاينارى: ىلە گازەتى
  • 03:02:43 21/05/2020

    ءتىلشىمىز جاڭ جينفىڭ تەكەستەن حابارلايدى. 5 – ايدىڭ 12 – كۇنى تەكەس اۋدانىنىڭ تۇرعىنى اسەن ءيۇسىپ تىلشىگە: «جاڭادان سالىنعان اقىسىز دارەتحانا ءبىزدىڭ ۇلكەن قيىنشىلىعىمىزدى شەشتى» دەدى قۋانىشپەن.

    سول كۇنى ءتىلشى تەكەس اۋدانى اقشي كوشەسى ءبىرىنشى ايلانباسىنداعى ساياحات ساۋدا سارايى ماڭىنان جاڭا ۇلگىدەگى كەرپىشپەن سالىنعان الەۋمەتتىك دارەتحانانى كوردى. دارەتحانانىڭ كولەمى 60 شارشى مەتر، ەر – ايەل بولمەسى، قول جۋۋ بولمەسى، مۇگەدەكتەر ارناۋلى بولمەسى ازىرلەنگەن. ۇعىسۋىمىزشا، بۇل الەۋمەتتىك دارەتحانانىڭ نەگىزگى قۇرىلىسى بىلتىر سالىنىپ ءبىتىپ، بيىل بولمە ءىشىن اشەكەيلەۋ، قول جۋۋ قۇرىلعىسىن ورناتۋ جۇمىسى جۇرگىزىلگەن.

    ماڭىنداعى ءبىر ساۋدا دۇكەنىنىڭ قىزمەتكەرى بي جيە تىلشىگە: «اقىسىز دارەتحانانىڭ سالىنۋى بۇقارا ءۇشىن ىستەلگەن ناقتى دا يگى شارۋا بولدى. بۇل دارەتحانا وسى ماڭداعى ساۋداگەرلەرگە ءتيىمدى بولىپ قالماستان، جەرگىلىكتى بۇقارا مەن ساياحاتشىلارعا ۇلكەن قولايلىلىق جاراتتى» دەدى.

    تەكەس اۋداندىق تۇرعىن ءۇي جانە قالا، اۋىل قۇرىلىسى مەكەمەسىنىڭ ورىنباسار باستىعى تاڭ شيچاڭ تىلشىگە: «تۇرعىنداردىڭ دارەتحانا قيىنشىلىعى ماسەلەسىن شەشۋ ٴۇشىن، اۋدانىمىز جالپى 2 ميلليون 540 مىڭ يۋان قارجى شىعارىپ، اقشي كوشەسىندەگى ءبىرىنشى اينالما ساياحات ساۋدا بازارىنان، اقشي كوشەسىندەگى 3 - اينالما توعىسپالى كوشە اۋزىنان كەرپىش، بەتون قۇرىلىمدى، جوعارى ولشەمدى 2 ساياحات الەۋمەتتىك دارەتحاناسىن سالدى. بينحى داڭعىلىنىڭ شىعىسى، ازاتتىق كوشەسى قالا بەلگىسى ماڭى، 1 - جول بيڭتۋان 4 - ديۆيزياسى 78 - تۋان ۇلكەن كوپىرىنىڭ تۇيىلىسكەن جەرى، تايجيداۋ كوپىرىنىڭ باسى، ءشيلى وزەك قالاشىعى قوبى قىستاعى بەكەتى سىندى ورىنداردا 5 الەۋمەتتىك دارەتحانا سالىندى. ۇيلەردى قايتارىپ الۋ ارقىلى قوسكول كوشەسى ءۇشىنشى اينالما جول ءتورت كوشە ءتۇيىلىسى، ارال كوشەسى اۋداندىق بالالار باقشاسىنىڭ قارسىسىنداعى الەۋمەتتىك اۆتوكولىك توقتاتۋ الاڭى، ازاتتىق كوشەسى ءۇشىنشى اينالماسى سىندى ورىندارىندا 3 الەۋمەتتىك دارەتحانا جاڭالاندى. قازىر اۋدان بويىنشا 23 اقىسىز الەۋمەتتىك دارەتحانا ىسكە قوسىلىپ، ٴاربىر الەۋمەتتىك دارەتحاناعا بىردەن تازالىق جۇمىسشىسى ارناۋلى ورنالاستىرىلىپ، ٴار كۇنى ساعات 8 دەن 22 گە دەيىن قىزمەت وتەيدى» - دەدى.

جاۋاپتى رەداكتور: گۇلدەن ماقسات قىزى