ىلە 21 ءتۇرلى مادەنيەت - ساياحات قيمىلى ارقىلى «جەر ۇيىعى - كورىكتى ىلەنى» تانىستىردى

  • كەلۋ قاينارى: ىلە گازەتى
  • 03:09:12 21/05/2020

    10 - رەتكى «جۇڭگو ساياحات كۇنىن» قۇتتىقتادى

    ىلە 21 ءتۇرلى مادەنيەت - ساياحات قيمىلى ارقىلى «جەر ۇيىعى - كورىكتى ىلەنى» تانىستىردى

    

    ءتىلشىمىز جي شيانفىڭ حابارلايدى. كوركەم كورىنىس پەن اسەم ءان، تارتىمدى ءبي تەرەڭ توعىسىپ، كورىكتى ىلە شار تاراپتان ساياحاتشىلاردى باۋرادى. 5 - ايدىڭ 19 - كۇنى - 10 - رەتكى «جۇڭگو ساياحات كۇنى». وسى كۇنى تۇستەن بۇرىن «جەر ۇيىعى - كورىكتى ىلە» - 2020 - جىلعى «جۇڭگو ساياحات كۇنى» شينجياڭ ىلە وبلىسى قيمىلىنىڭ باستالۋ سالتى قۇلجا قالاسى جىبەك جولى شۇعىلاسى ساياحات شاعىن قالاشىعى الاڭىندا وتكىزىلدى.

    وسى كۇنگى اشىلۋ سالتى «الەۋمەتتىك يگىلىك سيپاتتى ونەر كورسەتۋ + تانىستىرۋ» جانە ۆەلوسيپەد مىنۋشىلەرگە ۆەلوسيپەد تارتۋ ەتۋ سالتى سىندى ەكى ساتى بويىنشا جۇرگىزىلدى. دوۋيىندا كەڭىنەن تارالعان ءان - ءبي «دۋماندى شينجياڭ» سياقتى ءان - ءبي ءنومىرى ورىندالىپ، قازانشى ۇلتتىق سالت - سانا ساياحات رايونى، ىلە وزەنى كورىنىس رايونى سياقتى ءتۇيىندى كورىنىس رايوندارى تانىستىرىلدى، قىزمەتكەرلەر ناق مايداندا كورىنىس رايوندارىنىڭ ەرەكشەلىگىن جانە باعانى ارزانداتۋ، اقىنى كەشىرىم ەتۋ سياقتى ءتيىمدى شارالاردى تانىستىردى.

    «بۇگىنگى قيمىل ارقىلى كورىنىس رايوندارىنىڭ ءبىرسىپىرا ءتيىمدى ساياساتتارىن ۇقتىق، بۇدان كەيىن ءارقايسى كورىنىس رايوندارىنا بارىپ اتا مەكەنىمىزدىڭ كورىكتى كورىنىسىن كورسەم بە دەيمىن» دەدى اشىلۋ سالتىنا قاتىناسقان قۇلجا قالاسىنىڭ تۇرعىنى گو جينجي.

    وسى كۇنگى ۆەلوسيپەد مىنۋشىلەرگە ۆەلوسيپەد تارتۋ ەتۋ سالتى جىبەك جولى شۇعىلاسى ساياحات شاعىن قالاشىعىندا وتكىزىلدى، «جىبەك جولى شۇعىلاسى ساياحات شاعىن قالاشىعى - التىشۋار ٴمالىسى - قازانشى - ىلە وزەنى» جەلىسىن ۆەلوسيپەد ءمىنىپ ءبىر كۇن ساياحاتتاۋ قيمىلىنىڭ ماقساتى - تومەن كومىرتەكتى اقاۋسىز جولاۋشىلاۋ تۇرمىس داعدىسىن دارىپتەپ، ءىس جۇزىندىك ارەكەتتەر ارقىلى «مادەنيەت پەن ساياحاتتى توعىستىرۋ، تاماشا تۇرمىس كەشىرۋ» ۇگىتىن كۇشەيتۋ بولىپ تابىلادى.

    «5 - ايدىڭ 20 - كۇنى وبلىسقا توتە قاراستى 8 اۋدان، 2 قالادا 21 ءتۇرلى قيمىل ءبىر ۋاقىتتا وتكىزىلدى، نەگىزگى قيمىل الاڭى قۇلجا قالاسىنداعى جىبەك جولى شۇعىلاسى ساياحات شاعىن قالاشىعىنا ورنالاستىرىلدى» دەدى وبلىستىق مادەنيەت جانە ساياحات مەكەمەسى ۇگىتتەۋ - جالپىلاستىرۋ جانە ىلگەرىلەتۋ باسقارماسىنىڭ باستىعى ليۋ حۇڭجۇڭ تىلشىگە.

    ىلە وبلىسى ارناۋلى تاقىرىپتىق كورمە تاقتاسى، ناق مايداندا تانىستىرۋ، ءان - ءبي كونسەرتى، مادەنيەت جاسامپازدىعى ونىمدەرى جانە بەيزاتتىق مادەني مۇرا كورمەسى سياقتى كوپ ءتۇرلى فورمامەن ساياحاتتى، تۇرمىستى ءسۇيۋ كوزقاراسىن ىشكەرىلەي ۇگىتتەپ، جەلىلەس قيمىلدار ارقىلى ازاماتتاردىڭ ساياحات تانىمىن ۇزدىكسىز جوعارىلاتادى ەكەن.

جاۋاپتى رەداكتور: جازيرا بولاتباي قىزى