مۇگەدەكتەردىڭ جاعدايىن ۇعىسىپ جانە ولاردان حال سۇراپ، شىنايى سۇيىسپەنشىلىكپەن قامقورلىق جاساپ، جۇرت جۇرەگىن جىلىتتى

  • كەلۋ قاينارى: ىلە گازەتى
  • 03:11:11 21/05/2020

    تىلشىلەرىمىز مىڭ شيا، يان جيانشيا حابارلايدى. 5 ـ ايدىڭ 17 ـ كۇنى ـ 30 ـ رەتكى مەملەكەتتىك مۇگەدەكتەر كۇنى. سول كۇنى وبلىستىق مۇگەدەكتەر بىرلەستىگى قاتىستى تاراۋ جاۋاپتىلارىنان حال سۇراۋ گرۋپپاسىن ۇيىمداستىرىپ، وزدىگىنەن كاسىپ جاراتقان مۇگەدەك دولقىن حاميت، قۇلجا قالاسى جاڭاجەر قالاشىعىنىڭ مۇگەدەك ارناۋلى مۇشەسى، كەدەي اۋىر مۇگەدەك جىڭ شياۋيۇن قاتارلى مۇگەدەكتەر ۋاكىلدەرىنىڭ ۇيىنە بارىپ ولاردان حال سۇرادى ٴارى حال سۇراۋ قاراجاتىن ۇسىندى. سوڭىنان تاعى وبلىستىق مۇگەدەك بالالاردى ساۋىقتىرۋ، ماشىقتاندىرۋ ورتالىعىنا (وبلىستىق انا ـ بالالار دەنساۋلىعىن قورعاۋ شيپاحاناسىنىڭ بالالاردى ساۋىقتىرۋ ٴبولىمى)، قۇلجا قالاسى دۇڭشىڭ مۇگەدەكتەردى سۇيەمەلدەۋ ـ كاسىپتەندىرۋ بازاسىنا، قۇلجا قالاسى «جۇپار» مۇگەدەكتەردى سۇيەمەلدەۋ - كاسىپتەندىرۋ بازاسىنا، قۇلجا قالاسى ازاتتىق جولى ٴمالى باسقارماسى اۋەجاي جولى الەۋمەتتىك اۋماعى مۇگەدەكتەردى كۇندەلىكتى كۇتىمدەۋ ورنىنا بارىپ، ونداعى مۇگەدەكتەر مەن مۇگەدەك قىزمەتكەرلەردەن جاعداي ۇعىسىپ جانە ولاردان حال سۇراپ، ولارعا مەيىرىمدىلىك جەتكىزىپ، قامقورلىق جاساپ، تۇتاس وبلىستاعى مۇگەدەكتەر جانە مۇگەدەكتەرگە قىزمەت وتەۋشىلەرگە وسكەلەڭ قۇرمەت ٴبىلدىردى.

    بيىلعى مەملەكەتتىك مۇگەدەكتەرگە كومەكتەسۋ كۇنىنىڭ نەگىزگى تاقىرىبى ـ «مۇگەدەكتەرگە كومەكتەسىپ، كەدەيلىكتەن ارىلتىپ، دوڭگەلەك داۋلەتتىلىكتىڭ شەشۋشى جەڭىسىنە قول جەتكىزەيىك». ساڭىراۋ ـ مىلقاۋ مۇگەدەك دولقىن حاميت ۇيىندە ساماۋىر جاساپ، ساماۋىردىڭ بەتىنە ورنەك سالىپ جاتىپتى،

    حال سۇراۋ گرۋپپاسىنداعىلار ونىڭ بۇل ونەرىنە ٴتانتى بولىپ، ماداقتادى ٴارى ونەرىن ٴتىپتى دە ساۋلەلەندىرۋگە جىگەرلەندىرىپ كەدەيلىكتەن ارىلىپ بايۋ جولىنا تۇسۋگە مەدەت بەردى.

    40 جاسقا ىلىنە بەرە ميىنا قان قۇيىلۋدان جارىم دەنەسى سالدانعان جىڭ شياۋيۇن وتباسىندا حال سۇراۋ گرۋپپاسىنداعىلار مەيىر جەتكىزىپ، ونىڭ وتباسى، تۇرمىس، دەنساۋلىق جاعدايىن مۇقيات ۇعىسىپ، ونى كوڭىلدى تۇرمىس پوزيتسياسىن ساقتاپ، ساۋىعۋ ماشىعىن بەلسەنە جاساپ، اۋرۋ ازابىمەن كۇرەسۋگە شابىتتاندىرىپ، مۇگەدەكتەر بىرلەستىگىنىڭ وعان كوڭىل بولەتىنىن ٴارى ٴتۇرلى قامقورلىق ساياساتتاردى جاپپاي ويداعىداي تياناقتاندىرىپ، ناقتى قيىنشىلىقتى بەلسەنە كومەكتەسىپ شەشەتىنىن ٴبىلدىردى.

    قۇلجا قالاسى «جۇپار» مۇگەدەكتەردى سۇيەمەلدەۋ، كاسىپتەندىرۋ بازاسىندا حال سۇراۋ گرۋپپاسىنداعىلار مۇگەدەكتەردىڭ قىزمەت، تۇرمىس جاعدايىن سۇراپ ۇعىستى، مۇگەدەكتەردىڭ تالىقپاي تالپىنۋ جانە ۇمىتكەرلىكپەن العا باسۋ رۋحىن ماداقتادى، سونداي اق قۇرىلىم جاۋاپتىلارىنان مۇگەدەكتەرگە كوبىرەك كوڭىل ٴبولۋدى تالاپ ەتتى.

    حال سۇراۋ گرۋپپاسىنداعىلار اۋەجاي داڭعىلى الەۋمەتتىك اۋماعىنداعى مۇگەدەكتەردى كۇندەلىكتى كۇتىمدەۋ ۇيىندە، كۇندەلىكتى كۇتىمدەۋ بولمەسىن، كومەكتەسۋ سيپاتىنداعى كاسىپتەندىرۋ ٴۇيىن، ساۋىقتىرۋ بولمەلەرىن تەكسەرىپ، قاتىستى تاراۋلاردان قىزمەت وتەۋ تانىمىن اناعۇرلىم كۇشەيتىپ، ۇقساماعان سۇرانىسى بار مۇگەدەكتەردى ساۋىقتىرۋ ماشىعى، مادەنيەت - دەنە تاربيە قيمىلى جاقتارىندا دالمە – ءدال قىزمەت وتەپ، ولارعا «جان ۇيا» شۋاعىن سيلاۋدى تالاپ ەتتى. ۇزاقتان بەرى مۇگەدەكتەر قىزمەتىنە ءۇنسىز ۇلەس قوسىپ كەلگەن قىزمەتكەرلەرگە العىس ءبىلدىرىپ، قاتىستى تاراۋلاردان قوعامداعى ٴار سالانىڭ كۇشىن بەلسەنە جۇمىلدىرىپ، مۇگەدەكتەر ىستەرىنىڭ دامۋىن بىرلىكتە ىلگەرىلەتۋدى تالاپ ەتتى.

جاۋاپتى رەداكتور: جازيرا بولاتباي قىزى