مۇگەدەكتەردىڭ جاعدايىن ۇعىسىپ جانە ولاردان حال سۇراپ، شىنايى سۇيىسپەنشىلىكپەن قامقورلىق جاساپ، جۇرت جۇرەگىن جىلىتتى

  • كەلۋ قاينارى: ىلە گازەتى
  • 03:11:11 21/05/2020

    وبلىستىق مۇگەدەك بالالاردى ساۋىقتىرۋ، جاتتىقتىرۋ ورتالىعىندا ( ىلە وبلىستىق انا – بالالار دەنساۋلىعىن قورعاۋ شيپاحاناسى بالالار دەنساۋلىعىن قالپىنا كەلتىرۋ ءبولىمى)، حال سۇراۋ گرۋپپاسىنداعىلار مۇگەدەكتەردى ساۋىقتىرۋ جانە ولارعا قىزمەت وتەۋ نىساندارىنىڭ ورىستەتىلۋ جاعدايى جونىندەگى تانىستىرۋدى تىڭدادى ءارى مۇگەدەكتەردى ساۋىقتىرۋ جانە ولارعا قىزمەت وتەۋ جونىندە ونداعى قىزمەتكەرلەرمەن پىكىر اۋىستىرىپ، بۇدان بىلاي نارەستەلەردە بولاتىن قالىپسىز دەنساۋلىق جاعدايىن ۋاعىندا باقىلاپ، بالالاردىڭ دەنساۋلىعىن قالپىنا كەلتىرۋ قىزمەتىنىڭ تەبىنىن كۇشەيتىپ، ساۋىقتىرۋعا قىزمەت وتەۋ ورەسىن جاپپاي جوعارىلاتۋ كەرەكتىگىن ءبىلدىردى.

    وسى كۇنى وبلىستىق مۇگەدەكتەر بىرلەستىگى تاعى وبلىستىق زاعيپتار قوعامىمەن جانە كىتاپحانامەن سايكەسە وتىرىپ، شينكاڭ زاعيپتار ۋقالاۋ، يلي موكان زاعيىپتار ۋقالاۋ - ەمدەۋ ورتالىعىنا زەردەلى كىتاپ تىڭداعىش جەتكىزىپ بەردى.

    ۇعىسۋعا قاراعاندا، وسى رەت وبلىسقا توتە قاراستى ورىندار 600 زەردەلى كىتاپ تىڭداعىشقا قول جەتكىزىپ، ٴارقايسى اۋدان، قالالارداعى مۇگەدەكتەرگە تارتۋ ەتكەن. بۇدان سىرت، مۇگەدەكتەرگە كومەكتەسۋ كۇنى بايلانىسىمەن، وبلىسقا توتە قاراستى اۋدان، قالالار مۇگەدەكتەردى سۇيەمەلدەۋ، مۇگەدەكتەرگە كومەكتەسۋ قيمىلىن ورىستەتىپ، ءبىر ءبولىم ەرىكتىلەر مۇگەدەكتەردىڭ اۋلا شارۋاشىلىعىن دامىتۋىنا كومەكتەسسە، ەندى بىرەۋلەرى جاعداي ۇعىسىپ حال سۇراعان، ال، ەندى بىرەۋلەرى مۇگەدەكتەرگە تىڭداعىش تاراتقان.

    كەزەكتە وبلىسقا توتە قاراستى ورىنداردا كۋالىگى بار مۇگەدەك 66 مىڭ ەكەن، تاياۋ جىلداردان بەرى مۇگەدەكتەرگە قىزمەت وتەۋ جۇيەسى قۇرىلىسى مەن قوعامدىق قامتاماسىزداندىرۋ جۇيەسى قۇرىلىسىن كۇشەيتۋ ارقىلى وبلىسقا توتە قاراستى ورىندار مۇگەدەكتەردى ساۋىقتىرۋ، تاربيەلەۋ، كاسىپتەندىرۋ قاجەتىن شىعار ٴتۇيىن ەتىپ، ٴبىر قىدىرۋ شارالار مەن نىسانداردى اتقارىپ، مۇگەدەكتەر ٴۇشىن قىزمەت وتەۋ ورەسىن وزدىكسىز جوعارىلاتتى، جاقسى ىستەردى ويداعىداي، ناقتى ىستەپ، اناعۇرلىم كوپ مۇگەدەكتەردىڭ وتباسىنان شىعىپ، قوعامعا ارالاسىپ، تۇرمىسىن جاقسارتۋىنا مۇمكىندىك جاسادى.

جاۋاپتى رەداكتور: جازيرا بولاتباي قىزى