قۇلشىنعانعا قۇت ءۇيىر

  • كەلۋ قاينارى: ىلە گازەتى
  • 02:55:55 22/05/2020

  

    ءتىلشىمىز لي يافىڭ موڭعۇلكۇرەدەن حابارلايدى. 5 - اي كىرىسىمەن تەمپەراتۋرا كۇرت جوعارىلاپ، موڭعۇلكۇرە ساحاراسىنداعى ءار الۋان گۇلدەر جايقالا اشىلدى، موڭعۇلكۇرە اۋدانى اقدالا قالاشىعى كەڭساي قىستاعىنداعى ارحيۆتەستىرىلىپ، كارتوچكالاندىرىلعان كەدەي وتباسى باقبەرگەن ساۋلەت ۇلى دا گۇل تەڭىزىندەگى ومارتالار اراسىندا قاربالاستىققا تۇسە باستادى.

    5 - ايدىڭ 15 - كۇنى كەڭساي قىستاعىنىڭ تاۋلى القابىنداعى قاز - قاتار تىزىلگەن ومارتالار اراسىندا قۇجىناعان بال ارالارى ارلى - بەرلى ۇشىپ گۇل شىرىنىن جيناۋدا. ءتىلشى باقبەرگەنگە جولىققاندا ول بالدىڭ ساپاسىن تەكسەرىپ، ومارتالاردى تازالاپ جاتقان ەدى.

    باقبەرگەننىڭ تانىستىرۋىنشا، ونىڭ ۇيىندە 4 جان بار، ايەلىنىڭ دەنساۋلىعى دەرلىكتەي جاقسى ەمەس، بىرنەشە رەت وپەراتسيا جاساتقان، وعان قوسا ەكى بالاسى مەكتەپتە وقيدى، وتباسىنىڭ ەكونوميكالىق اۋىرتپالىعى اۋىر ەكەن، ول 2014 - جىلى ارحيۆتەستىرىلىپ، كارتوچكالاندىرىلعان كەدەي وتباسى بولىپ تۇراقتاندىرىلعان. ۇكىمەتتىڭ ءتۇرلى حالىققا تيىمدىلىك جەتكىزۋ ساياساتىنىڭ دەمەۋى جانە ءوزىنىڭ قۇلشىنۋىندا 2017 - جىلى ونىڭ وتباسىنداعىلاردىڭ كىسى باسىندىق ورتاشا كىرىسى 3 مىڭ 870 يۋانعا جەتكەن.

    وسى ەكى جىلدا وتباسىنىڭ ەكونوميكالىق جاعدايىن جاقسارتۋ ءۇشىن، باقبەرگەن شاعىن كىرە اۆتوكولىگىمەن مال تاسىپ اقشا تاپسا، ايەلى حالىققا تيىمدىلىك جەتكىزۋ ساياساتىنىڭ دەمەۋىندە شاعىن دۇكەن اشتى، ءبىر ءۇيلى جاننىڭ كۇن كورىسى دە جاقسارا باستادى. باقبەرگەن باسقالاردىڭ بال اراسىن باعىپ اۋقاتتانۋ جولىنا تۇسكەنىن كورگەن سوڭ، بال اراسىن باعۋ تەحنيكاسىن ۇيرەنىپ اۋقاتتانۋ ويىنا كەلدى. ونىڭ بۇل ويى وتباسىنداعىلار مەن قىستاق كادرلارىنىڭ قولداۋىنا يە بولدى، ۇكىمەت تاعى 5 بال شەلەگىن وعان اقىسىز بەرىپ، كاسىپتىك جاقتان جان - جاقتى تاربيەلەپ، ونىڭ سەنىمىن بەكەمدەدى.

    «باستابىندا تەحنيكاعا جەتىك بولماعاندىعىمنان نەداۋىر بەينەت تارتتىم» دەدى باقبەرگەن بەتى مەن قولىنداعى قىزارعان داقتاردى كورسەتىپ تۇرىپ، بۇل قىزارىپ ىسىنگەن ورىندار بال اراسى شاققان كەزدە قالعان داقتار ەدى. بال اراسىن باعۋ - ءبىر تۇرلى ونەر، باقبەرگەن جالعاستى ۇيرەنۋ بارىسىندا بال اراسىن باعۋ تەحنيكاسىنا كۇن سايىن توسەلىپ، بال اراسىن باعۋ كولەمىن جالعاستى كەڭەيتتى، كىرىسى دە مولايدى، ول «قۇلشىنسام، ءسوزسىز، تابىسقا جەتەمىن» دەگەن بەكىمگە كەلەدى.

    «بال اراسىن باعۋ بارىسىندا پارتيا، ۇكىمەت ماعان كوپ كومەك كورسەتتى، 5 بال شەلەگىن قازىر 30 عا جەتكىزدىم، بازار جاعدايى مەن بال ءوندىرۋ مولشەرىنە نەگىزدەلگەندە، بيىل كىلەڭ بال اراسىن باعۋدان 50 مىڭ يۋان كىرىس كىرگىزۋدى مەجەلەپ وتىرمىن» دەدى باقبەرگەن جىگەرلى بەينەدە.

    بيىل باقبەرگەن قىستاق جولى جاعالاۋىنا كۇنى بۇرىن ىرگە تەۋىپ ومارتا الاڭىن قۇردى، گۇلدەر جايقالا اشىلعان مەزگىلدە بالدى مولىنان جيىپ، كوبىرەك اقشا تاۋىپ، وتباسىنداعىلاردىڭ كۇن كورىسىن ءتىپتى دە جاقسارتىپ، كوپشىلىكتىڭ تىلەگىن جەردە قالدىرماۋدى ءۇمىت ەتتى.

جاۋاپتى رەداكتور: گۇلدەن ماقسات قىزى