قۇلشىنعانعا قۇت ءۇيىر

  • كەلۋ قاينارى: ىلە گازەتى
  • 02:55:55 22/05/2020

    تىلشىلىك بارىسىندا اقدالا قالاشىعىنىڭ ورىنباسار باستىعى ىقىلاس بالاپان ۇلى بىلاي دەدى: «2017 - جىلدان باستاپ تۇتاس قالاشىقتاعى بال اراسى ومارتاشىلىعىمەن شۇعىلدانۋ ويى بار ارحيۆتەستىرىلىپ، كارتوچكالاندىرىلعان كەدەي وتباسىلارىنىڭ بال اراسىن باعۋ تەحنيكاسىن ۇيرەنۋىنە جەتەكشىلىك ەتتىك ءارى بال شەلەگىن اقىسىز تاراتىپ، تەحنيكامەن قامتاماسىز ەتتىك، موڭعۇلكۇرەنىڭ ءبىر ميلليون مۋلىق قىشى گۇلى مەن 10 ميلليون مۋلىق سارى راۋشان گۇلىنەن پايدالانىپ، كوپتەگەن ادامدى گۇل اراسىنان شاتتىق، باقىت تابۋعا جىگەرلەندىردىك. قازىر بال اراسى ومارتاشىلىعىمەن شۇعىلداناتىن وتباسى 76 عا جەتتى، ءار جىلى ءاربىر وتباسى 8 مىڭ يۋاننان استام كىرىس كىرگىزەدى، ەندىگى جەردە بال اراسىن باعۋ تەحنيكاسىن جالپىلاستىرۋ تەبىنىن ارتتىرىپ، ساتۋ ارناسىن كەڭەيتىپ، كوپتەگەن ادامدى بال كاسىبىنە سۇيەنىپ اۋقاتتانۋعا جەبەيمىز» دەدى ىقىلاس.

    موڭعۇلكۇرە اۋداندىق كەدەيلەردى سۇيەمەلدەۋ كەڭسەسىنىڭ ورىنباسار مەڭگەرۋشىسى دىڭ فىڭ: «وتكەن جىلى تۇتاس اۋدان بويىنشا بال ءوندىرىسى كاسىبىن دامىتۋعا 300 مىڭ يۋاننان استام قارجى جۇمساپ، بال اراسىن باعۋ ويى بار 56 ارحيۆتەستىرىلىپ، كارتوچكالاندىرىلعان كەدەي وتباسىنا 446 بال شەلەگىن اقىسىز تاراتىپ، جاعدايىنا نەگىزدەلىپ كىرىستى ارتتىرۋ ۇلگىسىن قالىپتاستىردىق. كەلەسى ساتىدا موڭعۇلكۇرە اۋدانى بال ءوندىرۋ كاسىبىن دەمەۋ تەبىنىن كۇشەيتىپ، موڭعۇلكۇرە اۋدانىنىڭ دەربەس ەرەكشەلىككە يە پەريللا جانە قىشى وسىمدىكتەرىنىڭ گۇل اشۋ مەزگىلى ۇزاق، اۋماعى كەڭ بولۋ ابزالدىعىمەن بىرلەستىرىپ، بال كاسىبىن دامىتۋدى كەدەيلىكتەن ارىلتۋدىڭ پارمەندى ءتاسىلى ەتىپ، كەدەيلىكتەن ارىلتۋدان قامال الۋدىڭ جەمىسىن بەكەمدەيدى» دەدى.

جاۋاپتى رەداكتور: گۇلدەن ماقسات قىزى