«بۇلتتىق جەلى» جارمەنكەسى ىلەنىڭ اۋىل شارۋاشىلىق ەرەكشە ونىمدەرىنە تىڭ ٴورىس اشتى

  • كەلۋ قاينارى: ىلە گازەتى
  • 02:56:56 22/05/2020

  

    ٴتىلشىمىز جي شيانفىڭ حابارلايدى. جەلى سىرتىندا ۋاقىتپەن جارىسا جارمەنكە ورنالاستىرىلىپ، جەلىدە تىكە تاراتۋ بويىنشا جاندى ۇگىت جۇرگىزىلدى. بۇرىنعى جارمەنكەلەرگە ۇقسامايتىنى _ وسى رەتكى ىلە وبلىسىنا توتە قاراستى اۋدان، قالالاردىڭ اۋىل شارۋاشىلىق قوسىمشا ونىمدەرى جارمەنكەسىندە (تومەندە قىسقارتىلىپ جارمەنكە دەلىندى) ٴبىرسىپىرا اۋدان، قالا مەن كاسىپتىك قوعامدار، ساۋداگەرلەر قوعامى تۇگەلدەي ناق مايداننان تىكە تاراتۋ فورماسىن قولداندى. جەلى سىرتىندا جانە جەلىدە تەڭ قادامدا جۇرگىزۋ ارقىلى ىلە اۋىل شارۋاشىلىق ەرەكشە ونىمدەرىنىڭ كەڭىنەن ساتىلۋىنا جول اشىلدى.

    5 ـ ايدىڭ 19 ـ كۇنى ٴتىلشى «ىلە تارتۋى» كورمە زالىنان كورمە تەكشەسى مەن كورمە سورەسىنە وزىندىك ەرەكشەلىككە يە «ىلە تارتۋى» ونىمدەرى قويىلۋدان سىرت، كورمە زالىنىڭ ارت جاعىنا اينالمالى نۇر تولىقتاۋىش شىراق ورناتىلىپ، جۇرگىزۋشىنىڭ ەكراننىڭ الدىنداعى كورەرمەندەرگە ىلەنىڭ جەمىس قاعىن تانىستىرىپ ٴارى ونى ٴوزى تاتىپ كورىپ جاتقانىن، ەكرانداعى كورىنىستەردىڭ كوز الدان ٴبىر ـ بىرلەپ ٴوتىپ، الارمانداردىڭ تاپسىرىس بەرىپ جاتقانىن كوردى.

    «وسى رەتكى جارمەنكەدە ٴبىز تۇڭعىش رەت تىكە تاراتۋ فورماسىن قولدانىپ، جەلى سىرتىندا جانە جەلىدە ەكى ٴتۇرلى تاسىلمەن ‹ىلە تارتۋى› ونىمدەرىن تانىستىردىق» دەدى ىلە ساياحاتتى دامىتۋ، قارجى قوسۋ شەكتى جاۋاپكەرلىك سەرىكتىگىنىڭ باس ديرەكتورى لياڭ ۋي تىلشىگە. جەلى سىرتىندا «ىلە تارتۋى» ونىمدەرى نەگىزىنەن تىكە ساتۋ دۇكەندەرى ارقىلى ساتىلىپ، جەلىدە باستىسى تاۋباۋ ەلەكتروندى ساۋداسى مەن دوۋيىن ەلەكتروندى ساۋداسى ارقىلى تىكە تاراتىلادى ەكەن، قازىر تاپسىرىس قابىلداۋ باسقىشىنا وتكەن. ساتىلۋ مولشەرى جاعىنان قاراعاندا، ەلىمىزدىڭ جەر - جەرىندە ىلەنىڭ اۋىل شارۋاشىلىق ەرەكشە ونىمدەرىن تانۋ دارەجەسى ءبىرشاما جوعارىلاعان. بۇدان بىلاي «ىلە تارتۋى» سىندى وسى ماركا ٴتۇيىندى تۇردە ارقاۋ ەتىلىپ، جەرگىلىكتى ايگىلى، ساپالى اۋىل شارۋاشىلىق ەرەكشە ونىمدەرى بۇكىل ەلگە جالپىلاستىرىلماق.

    «ٴبىر سەكۋندتا بال تاپسىرىسى 10 مىڭعا جەتتى». نىلقى اۋدانىنداعى قاتىستى قايراتكەرلەر جۇرگىزۋشىسىنىڭ العاشقى تىكە تاراتۋىنان قول جەتكىزىلگەن ناتيجەنى تولىق سەزىندى. 5 ـ ايدىڭ 9 ـ كۇنى «جاستىق كوكتەمىم _ سۇيىسپەنشىلىك ٴۇشىن تاپسىرىس بەرەمىن» نەگىزگى تاقىرىبىنداعى الەۋمەتتىك يگىلىك سيپاتتى كەدەيلەردى سۇيەمەلدەۋ تىكە تارالىم ارناۋلى قيمىلىندا تاۋباۋ تورىنىڭ ىسكەر تىكە تاراتۋشىسى لي جياچي تىكە تاراتۋدا نە ٴبارى ٴبىر سەكۋند قانا بوي كورسەتكەندە بەرىلگەن تاپسىرىس 10 مىڭ داناعا جەتتى.

جاۋاپتى رەداكتور: گۇلدەن ماقسات قىزى