«بۇلتتىق جەلى» جارمەنكەسى ىلەنىڭ اۋىل شارۋاشىلىق ەرەكشە ونىمدەرىنە تىڭ ٴورىس اشتى

  • كەلۋ قاينارى: ىلە گازەتى
  • 02:56:56 22/05/2020

    «كوپتەگەن ونىمدەرىمىز جونىندە تاعى باسقا دا توراپ جۇلدىزدارىمەن سەلبەستىك ورناتتىق. بيىل 2 – ايدىڭ 3 – كۇنىنەن 3 – ايدىڭ 5 – كۇنىنە دەيىن ءبىزدىڭ شينجياڭنىڭ باتىس بولەك اڭىزى اتىندا تاعى نىلقى اۋدانىندا توراپ جۇلدىزدارىن تاربيەلەۋ قيمىلى وتكىزىلىپ، كوپتەگەن جەرگىلىكتى ۇزدىك توراپ جۇلدىزدارى تاربيەلەندى. وسى رەتكى جارمەنكەدە ءبىز جەرگىلىكتى ورىنداعى توراپ جۇلدىزدارىن ناق مايدانداعى تىكە تاراتۋ قيمىلىنا ات سالىسۋعا ۇسىنىس ەتەمىز» دەدى نىلقى اۋداندىق ەلەكتروندى ساۋدا الەۋمەتتىك قىزمەت وتەۋ ورتالىعىنىڭ جاۋاپتىسى چىن جيڭ. تىكە تاراتۋدا زات الا كەلۋدەي وسى جاڭا فورما - ىلەنىڭ ەرەكشە ونىمدەرى بازارىن اناعۇرلىم كەڭەيتىپ، اۋىل شارۋاشىلىق ەرەكشە ونىمدەرىنىڭ اتىن، ايگىلى ماركا ىقپالىن جوعارىلاتىپ، ءتۇرلى ارنا ارقىلى ساۋدا ورايىنىڭ توعىسۋىنا مۇمكىندىك جاسادى.

    «5 – ايدىڭ 20 – كۇنى كەشكى ساعات 8 دە قۇلجا اۋدانىنىڭ 3 ورىنباسار اكىمى تىكە بەرىلىمدە زات الا كەلەتىن بولدى!» جارمەنكە باستالماي جاتىپ، قۇلجا اۋدانىنىڭ تىكە بەرىلىم قيمىلى جاڭا اقپارات مەديالارىندا جاريالانا باستادى. بۇل اۋدان «جەلىدەگى مەن جەلى سىرتىنداعىنى ءبىر تۇلعالاندىرۋدى » جولعا قويىپ، كورمە سارايىنا قويىلعان بارلىق ءونىم جونىنەن «ٴبىر زاتتا ءبىر ءنومىر بولۋدى» اتقارعاندىقتان، تۇتىنۋشىلار ءونىمدى كوزدەن كەشىرگەننەن كەيىن، ءونىم ماركاسى بەلگىسىندەگى ەكىلىكتى تىكەلەي جايمالاپ، تاۋاردىڭ جەلىدەگى ساۋدا بەتىنە كىرگەننەن كەيىن جەلى سىرتىنداعى دۇكەندەردىڭ قامبا قورى مەن كاسىپورىننىڭ زات قامباسى ىركىلىسسىز اشىلادى .

    وبلىستىق ساۋدا مەكەمەسى بازار قۇرىلىسى جانە اينالىم ىستەرىن دامىتۋ باسقارماسىنىڭ باستىعى جاڭ جۇنجيە بىلاي دەدى: «وسى رەتكى جارمەنكەدە تۇڭعىش رەت جەلىدەگى مەن جەلى سىرتىنداعى توعىسپالى دامىتۋ فورماسى قولدانىلادى. جەلى سىرتىندا قاتىستى سەلبەستىك كوپەراتيۆتەرى، ءوندىرىس كاسىپورىندارى، زاۆودتار ىلەنىڭ اۋىل شارۋاشىلىق ەرەكشە ونىمدەرىن كورسەتۋگە، ۇلكەن ەرەن بازارلار، جەلىلەس دۇكەندەر، سونداي - اق باسقا دا قاتىستى كاسىپورىندار ساتىپ الۋعا ۇيىمداستىرىلىپ، ارىسى ۇرىمجدەگى قاتىستى ساتىپ الۋشى ساۋداگەرلەر دە جارمەنكەگە تۇگەل قاتىناساتىن بولدى. وسىلايشا جەلىدە تىكە تاراتۋ سياقتى فورمالار ارقىلى ىلەنىڭ اۋىل شارۋاشىلىق ەرەكشە ونىمدەرىنە اناعۇرلىم كەڭ ءورىس اشتى.

جاۋاپتى رەداكتور: گۇلدەن ماقسات قىزى