ۇلتتار ىنتىماعى گۇلى قاراباق قىستاعىندا شەشەك اتتى

  • كەلۋ قاينارى: ىلە گازەتى
  • 02:57:57 22/05/2020

  

    ٴتىلشىمىز شى شۋەحۇڭ حابارلايدى. 5 - ايدىڭ 12 - كۇنى قۇلجا اۋدانى قاس قالاشىعى قاراباق قىستاق تۇرعىندار كوميتەتىنىڭ اۋلاسىندا قىستاقتىڭ ٴبىرىنشى شۋجيى جاڭ جىكۇننىڭ جەتەكشىلىك ەتۋىمەن قۇنى 7 مىڭ يۋاننان اساتىن 26 ۇيرەنۋ ۇستەلى، 52 ارقالى ورىندىق، 50 وقۋشىلار توسەگى قىستاق تۇرعىندارىنىڭ ۇيىنە جەتكىزىلدى.

    جاڭ جىكۇن وبلىستىق قاتىناس مەكەمەسىنىڭ قاراباق قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، وتباسىلاردى ارالاۋ بارىسىندا ول كوپتەگەن قىستاق تۇرعىندارىنىڭ تۇرمىسىندا ٴالى دە قيىنشىلىق بار ەكەنىن ٴبىلىپ، تۇرعىنداردىڭ تۇرمىسىنداعى قيىن ماسەلەلەردى ىرىقتىلىقپەن شەشۋگە كىرىستى.

    جاڭ جىكۇننىڭ قولىنان ۇستەل، ورىندىق جانە توسەك العان قىستاق تۇرعىنى ءابدۋايت اۋىت تىلشىگە بىلاي دەدى: 2017 ـ جىلى جاڭ جىكۇنمەن تۋىس بولعاننان كەيىن، ءبىز ٴبىر ٴۇيلى جانعا اينالدىق. مەنىڭ ٴۇي سالۋعا قارجى جەتپەگەن جاعدايىمدى بىلگەن جاڭ جىكۇن 2 مىڭ يۋان اقشا شىعارىپ، قيىنشىلىعىمدى شەشتى. ونىڭ ۇستىنە ۇيىمە ەسىك، تەرەزە ساتىپ الىپ بەردى، سونداي ـ اق ءبىر بالامدى كاسىپتەندىردى. قازىر كەڭ دە جارىق جاڭا ۇيگە كوشىپ كىردىم، 8 سيىر باعۋدامىن، تۇرمىسىم بارعان سايىن جاقسارۋدا.

    قىستاق تۇرعىنى مۇقاداس قۇربانجاننىڭ 3 بالاسى بار، ول جايشىلىقتا كۇيەۋىمەن بىرگە سىرتقا شىعىپ جۇمىس ىستەپ اقشا تاباتىندىقتان بالالارىنا قارايلاسۋعا مۇرساسى تيمەيتىن. جاڭ جىكۇن بۇل جاعدايدى بىلگەن سوڭ، ەت، كوكونىس سياقتى تاعامداردى ىرىقتىلىقپەن ساتىپ الىپ، وعان كومەكتەسىپ، تاماق ىستەپ بالالارىنا قارايلاستى.

    قىستاقتىڭ كوشە باستىعى بولعان ءابدۋايت كورشىلەر اراسىنداعى داۋ - شاردى بەلسەنە شەشىپ، قىستاق تۇرعىندارىنىڭ ٴوندىرىستى دامىتۋىنا كومەكتەسىپ، وتباسىلار ارا تاتۋ وتۋىنە دەم بەردى. ۇلتتار ىنتىماعى ۇلى سۇيىسپەنشىلىگىن قىستاق تۇرعىندارىنا ٴوزارا كومەكتەسۋ ارقىلى جەتكىزىپ، ٴتىپتى دە كوپ قىستاق تۇرعىندارىنىڭ ۇلتتار ىنتىماعىن بەكەمدەۋ نەگىزىندە باقىتتى تۇرمىس كەشىرۋلەرىنە مۇمكىندىك جاسادى.

    جاڭ جىكۇن مۇقاداستىڭ اۋلاسىندا ەگىلگەن كوكونىستەرىن دەرلىكتەي باپتاي الماعانىن بايقاپ، وعان ٴبىر سۋ ناسوسىن ساتىپ الىپ بەرىپ، كوكونىس باپتاۋ تەحنيكاسىن ۇيرەتتى. مۇقاداس بىرتە - بىرتە كوكونىس ەگۋدىڭ مايتالمانىنا اينالدى. 2018 ـ جىلدان بەرى ول ٴار جىلى ءوز اۋلاسىندا ەككەن كوكونىستەرىن ساتىپ كىرىسىن ارتتىردى، ماڭايداعى كورشىلەرىنىڭ كوكونىس ەگۋىنە كومەكتەستى، قىستاق تۇرعىندارى ٴۇشىن اقىسىز كوكونىس مايساسىن ٴوسىرىپ، كوپشىلىكتىڭ اۋلا شارۋاشىلىعىن دامىتۋىنا كومەكتەستى.

جاۋاپتى رەداكتور: گۇلدەن ماقسات قىزى