«شي جينپيڭنىڭ فورماشىلدىقتى، تورەشىلدىكتى تيۋ جونىندەگى ماڭىزدى بايىمداۋلارىنان تاڭدامالىلار» باسپادان شىعىپ تاراتىلدى

  • كەلۋ قاينارى: ىلە گازەتى
  • 04:08:10 22/05/2020

  

    شينحۋا اگەنتتىگىنىڭ 5 - ايدىڭ 20 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى مەن قۇجاتتار زەرتتەۋ ورنى قۇراستىرعان «شي جينپيڭنىڭ فورماشىلدىقتى، تورەشىلدىكتى تيۋ جونىندەگى ماڭىزدى بايىمداۋلارىنان تاڭدامالىلار» اتتى كىتاپ تاياۋدا ورتالىق قۇجاتتار باسپاسىنان شىعىپ، بۇكىل ەلدە تاراتىلدى.

    جۇڭگو كوممۋنيستىك پارتياسى ورتالىق كوميتەتى 2019 - جىلدى «نەگىزگى ساتىنىڭ اۋىرتپالىعىن جەڭىلدەتۋ جىلى» ەتىپ، نەگىزگى ساتىنى مازالاپ وتىرعان فورماشىلدىق ماسەلەلەرىن كۇش سالا شەشىپ، كورنەكتى ناتيجەگە قول جەتكىزدى. بيىل ەلىمىزدىڭ دامۋى ءدوپ كەلگەن حاۋىپ - قاتەر، سىن - سايىستار كوبەيىپ، وعان ىندەتتىڭ ىقپالى قاباتتاسىپ، ەكونوميكالىق، قوعامدىق دامۋ قىزمەتتەرىن جاقسى ىستەۋدىڭ قيىندىعى اناعۇرلىم زورايدى، قىزمەتتەردىڭ تياناقتاندىرىلۋىن تاڭداۋلى ستيلمەن مىقتى يگەرۋ اناعۇرلىم قاجەت. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى حابارلاندىرۋ باسىپ تاراتىپ، نەگىزگى ساتىنى مازالاپ وتىرعان فورماشىلدىق ماسەلەلەرىن ۇزدىكسىز شەشىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋگە پارمەندى ستيلدىك كەپىلدىك ازىرلەۋدى باسا دارىپتەدى.

    وسى «بايىمداۋلاردان تاڭدامالىلاردىڭ» باسپادان شىعىپ تاراتىلۋى بۇكىل پارتيانىڭ شي جينپيڭنىڭ قاتىستى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىنىڭ تابىستارىن بەكەمدەپ، كەڭەيتىپ، فورماشىلدىقتى، تورەشىلدىكتى جەڭۋدىڭ يدەيالىق، ساياسي نەگىزىن بەكەمدەۋدە توتەنشە كەلەلى ماڭىزعا يە.

    كىتاپتا شي جينپيڭنىڭ «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىن قورىتىندىلاۋ جينالىسىنداعى ءسوزى بەتاشار ەتىلىپ، 9 ارناۋلى تاقىرىپقا ءبولىنىپ، شي جينپيڭ 2012 - جىلى 11 - ايدىڭ 15 - كۇنىنەن 2020 - جىلى 4 - ايدىڭ 23 - كۇنىنە دەيىنگى مەزگىلدەگى سوزدەرى، باياندامالارى، نۇسقاۋلارى، بەكىتۋلەرى سياقتى 70 نەشە ماڭىزدى قۇجاتتان الىنعان 182 بولىك ماڭىزدى بايىمداۋى كىرگىزىلگەن. مۇنىڭ ىشىندە كوپتەگەن ماڭىزدى بايىمداۋ تۇڭعىش رەت اشىق جاريالانىپ وتىر.

جاۋاپتى رەداكتور: گۇلدەن ماقسات قىزى