كاسىپورىنداردىڭ كومەك بەرۋى مەن سۇيەمەلدەۋىندە ارحيۆتەستىرىلىپ، كارتوچكالاندىرىلعان كەدەي وتباسىلارىنىڭ كەدەيلىكتەن ارىلىپ اۋقاتتانۋ جولى كەڭەيە ءتۇستى

  • كەلۋ قاينارى: ىلە گازەتى
  • 04:17:58 22/05/2020

   

    ۋاڭ جۋان، گو جۇن (ءوز تىلشىلەرىمىز)

 

    چاپچال سىبە اۆتونوميالى اۋدانى كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، كەدەيلىكتەن ارىلتۋ تابىستارىن بەكەمدەۋ ءۇشىن ادام كۇشى، ەرىك - جىگەر، اقىل - پاراسات جاقتارىنان سۇيەمەلدەۋدى ءوزارا ۇشتاستىرىپ، كاسىپورىنداردىڭ كوپ بولۋ، نەگىزى جاقسى بولۋ ابزالدىعىنا ساي، كاسىپورىنداردى دامىتۋدى، كەدەي وتباسىلاردىڭ كىرىسىن ارتتىرۋدى نىسانا ەتىپ، كاسىپورىنداردى دالمە - ءدال كەدەيلىكتەن ارىلتۋعا كۇش قوسۋعا جۇمىلدىرىپ، تاماشا ونىمدىلىككە قول جەتكىزدى. چاپچال اۋدانىندا قازىرگە دەيىن جالپى 80 كاسىپورىن كاسىپتەندىرۋ بويىنشا كومەك بەرۋ، سۇيەمەلدەۋ ارقىلى ارحيۆتەستىرىلىپ، كارتوچكالاندىرىلعان 796 كەدەي وتباسىنىڭ كەدەيلىكتەن ارىلىپ، اۋقاتتانۋعا باستاماشى بولدى.

    چاپچال اۋدانى ءداستۇرلى ەگىن - مال شارۋاشىلىق اۋدانى ەسەپتەلىنەدى، مۇنداعى سيىر باعىمشىلىعىنىڭ تاريحى ۇزاق. اۋداندىق ۇكىمەت 2013 - جىلى گەرمانيادان سيممەنتال سيىرىن ەنگىزىپ، جەرگىلىكتى سيىر تۇقىمىن جاقسارتتى. تۇقىمى اسىلدانعان سيىر تابىنى ۇزدىكسىز كوبەيىپ، مەملەكەت مەنشىگىندەگى كاسىپورىن - ىلە چۋاڭجين بىننيۋ مال شارۋاشىلىق شەكتى سەرىكتىگىن ىرگە تەبۋگە باۋراپ، جەرگىلىكتى ورىننىڭ سيىر باعىمشىلىعى كاسىبىن دامىتۋىنا جەتەكشىلىك ەتىپ، شارۋالاردى كەدەيلىكتەن ارىلىپ، اۋقاتتانۋ جولىنا تۇسۋگە باستادى.

    5 - ايدىڭ 11 - كۇنى ىلە چۋاڭجين بىننيۋ مال شارۋاشىلىق شەكتى سەرىكتىگىنىڭ باعىمشىلىق بازاسىندا، قاينۇق اۋىلى چوڭبۇلاق قىستاعىنىڭ تۇرعىنى حالمۇرات ابدۋالي باۋ - باۋ ءشوپتى قوراعا كىرگىزىپ، بۇزاۋلارعا جەم - ءشوپ بەرىپ، سۋارىپ جاتتى. 2014 - جىلى حالمۇرات ابدۋالي ارحيۆتەستىرىلىپ، كارتوچكالاندىرىلعان كەدەي وتباسى قاتارىنا ەنگىزىلگەن. ونىڭ وتباسىندا 5 جان بار، 3 بالاسى وقيتىن، قولىندا 3 سيىرى عانا بار بولاتىن. ول بۇرىنعى جاعدايىن ەسكە الىپ: «وتباسىمىز 20 مۋ جەرگە جۇگەرى ەگەتىن، ءوزىم وسى توڭىرەكتە ۇساق شارۋامەن اينالىساتىنمىن، جىلدىق كىرىسىم 20 مىڭ يۋانعا جەتپەيتىن» دەدى.

    كەدەيلەردى سۇيەمەلدەۋ قىزمەتى مەن كەدەي وتباسىلاردىڭ ءىس جۇزىندىك جاعدايى بويىنشا، حالمۇرات ابدۋالي چۋاڭجين سەرىكتىگىنە جۇمىسقا ورنالاستىرىلىپ، قورالاردى دەزينفەكسيالاۋ، تازالاۋ، سيىرلارعا جەم - ءشوپ بەرۋ سياقتى جۇمىستارعا جاۋاپتى ەتىلىپ، ايلىق كىرىسى 3 مىڭ 200 يۋانعا جەتتى، اۋەلى جاقسى ىستەسە سيلىق اقشا الىپ تۇردى. ونىڭ ايەلى دە قىستاقتا ورتانى قورعاۋ جۇمىسشىلىعىنا ورنالاستىرىلىپ، ايىنا مىڭ يۋان ەڭبەكاقى الدى. وتباسىنداعى 20 مۋ جەردىڭ 10 مۋىنا ماقسارى، 10 مۋىنا جۇگەرى ەكتى، 6 فىندىق اۋلاسىنا ءتۇرلى كوكونىس ءوسىرىپ، جىلدىق كىرىسىن 70 مىڭ يۋانعا جەتكىزدى.

جاۋاپتى رەداكتور: گۇلدەن ماقسات قىزى