كاسىپورىنداردىڭ كومەك بەرۋى مەن سۇيەمەلدەۋىندە ارحيۆتەستىرىلىپ، كارتوچكالاندىرىلعان كەدەي وتباسىلارىنىڭ كەدەيلىكتەن ارىلىپ اۋقاتتانۋ جولى كەڭەيە ءتۇستى

  • كەلۋ قاينارى: ىلە گازەتى
  • 04:17:58 22/05/2020

    ىلە چۋاڭجين بىننيۋ مال شارۋاشىلىق شەكتى سەرىكتىگىنىڭ ورىنباسار باس ديرەكتورى لي جيۇڭچۇن تىلشىگە بىلاي دەدى: «چۋاڭجين مال شارۋاشىلىق سەرىكتىگى تەحنيكالىق قىزمەت وتەۋ مەن كاسىپتەردى دامىتۋ سىندى ۇتىمدى ادىستەردەن پايدالانىپ، كەدەي وتباسى مۇشەلەرىن سيىرعا جەم - ءشوپ بەرۋ، مال ىندەتىنەن ساقتانۋ جاعىنان تاربيەلەپ، ولاردىڭ كاسىپورىندا كاسىپتەنۋىنە مۇمكىندىك جاراتتى. سونىمەن بىرگە، قىستاق تۇرعىندارىمەن سيىر ساتىپ الۋ تاپسىرىس توقتامى مەن جەم - ءشوپ ەگۋ توقتامىنا قول قويىسىپ، ءداستۇرلى دامۋ ۇلگىسىن وزگەرتىپ، كەدەي وتباسىلاردىڭ ىشكى ومىرشەڭدىك قۋاتىنا دەم بەرىپ، ولاردىڭ ەرتەرەك كىرىسىن ارتتىرىپ، اۋقاتتانۋىنا مۇمكىندىك جاراتتى.

    « بىرنەشە جىلدىڭ الدىندا ەكونوميكالىق جاقتا قيىنشىلىققا جولىقتىم، بالام داشۋەگە اتتاناردا ءبىر سيىرىمدى ساتتىم، ەكىنشى جىلى تاعى ءبىر تۇياق قويىمدى ساتتىم، وسىلايشا قولىمىزدا مال قالمادى» دەدى جەتىسۇمىن اۋىلى جەتىسۇمىن قىستاعىنىڭ تۇرعىنى سەنباي دۇيسەنبەك ۇلى تىلشىگە.

    اۋىل مەن قىستاق كادرلارى كەلگەننەن كەيىن سەنباي دۇيسەنبەك ۇلى وتباسىسىنىڭ تۇرمىسىنا ايرىقشا كوڭىل ءبولىپ، ونىڭ كەدەيلىكتەن ارىلىپ، اۋقاتتانۋ جولىنا تۇسۋىنە جوبا - جوسپار جاسادى. چاپچال اۋداندىق دوستىق اعاششىلىق كاسىبى شەكتى سەرىكتىگىمەن بايلانىس جاساعان كەيىن سەنباي سەرىكتىكتىڭ ءبىر مۇشەسىنە اينالدى. ونىڭ دەنساۋلىق جاعدايىن ويلاستىرعان سەرىكتىك ونى تازالىق ىستەۋ، پارقازان جاعۋ قىزمەتىنە ورنالاستىردى. قازىر سەنباي ايىنا 5 مىڭ يۋان ەڭبەكاقى الادى. كادرلار تاعى ونىڭ ءوسىمدى قارىز الىپ كاسىپتەنۋىنە كومەكتەستى. قازىر سەنباي وسى اقشاعا قورا سالىپ، 15 تۇياق قوي باعىپ وتىر. «قازىر كەدەيلىكتەن ارىلىپ بولدىم، تۇرمىسىمىز جاقسى، بۇدان كەيىن ءتىپتى دە جاقسى بولاتىندىعىنا كامىل سەنەمىن» دەدى سەنباي دۇيسەنبەك ۇلى.

    2003 -جىلى قۇرىلعان چاپچال اۋداندىق دوستىق اعاششىلىق كاسىبى شەكتى سەرىكتىگى قۇرىلىس قالىبىن ارناۋلى جاساۋ كاسىبىمەن شۇعىلدانادى . بۇل سەرىكتىك مۇمكىندىكتىڭ بارىنشا كەدەي وتباسىلاردى كاسىپتەندىرۋگە قاراي ويىسىپ، كەدەي وتباسىلارعا ىستەۋگە كۇيى كەلەتىن قىزمەت ورنىن تابۋعا بارىنشا قۇلشىندى. اعاش ماتەريالدارىن مانەرلەۋ جۇمىس رايونىندا 42 جاستاعى ياسىنجان ناسىر اعاش ماتەريالدارىن مانەرلەۋ جۇمىسىمەن قاربالاس بولۋدا. ونىڭ اياعى ۆەنانىڭ جيىرىلىپ كەڭەيۋى ناۋقاسىنا شالدىققان، جۇبايى ناۋقاسشاڭ بولعاندىقتان ۇنەمى شيپاحاناعا جاتىپ ەمدەلەدى، ەكى بالاسى وقۋدا. ياسىنجان سىرتتا قانشالىقتى جاپالانىپ كۇندىك جۇمىس ىستەپ اقشا تاپسا دا شىعىسى كىرىسىنەن كوپ بولدى.

    كەدەيلىكتەن ارىلىپ، اۋقاتتانۋ جولىنا تۇسۋگە بەرىك سەنىم، اسقاق جىگەر كەرەك. بەسسۇمىن اۋىلدىق پارتكومنىڭ شۋجيى گو شياۋپيڭ ياسىنجان ناسىردى سۇيەمەلدەۋدى كوتەرمەگە العان كادرى بولىپ، 3 تە 5 كۇندە ءبىر رەت كەلىپ، ونىڭ جاعدايىن ۇعىسىپ تۇرادى. «قولعا تۇسكەن اقشانى ىستەتە بەرۋگە بولمايدى، كۇندىك ىستەي بەرۋدە جاقسى شارا ەمەس، ءسوزسىز، ورنىقتى كاسىپ بولۋ كەرەك» دەيتىن گو شياۋپيڭ ۇنەمى ياسىنجان ناسىرعا كەڭەس بەرىپ.

جاۋاپتى رەداكتور: گۇلدەن ماقسات قىزى