13-كەزەكتى مەملەكەتتىك حالىق قۇرىلتايى 3 - ءماجىلىسىنىڭ شينجياڭ ۋاكىلدەر ۇيىرمەسى جالپى جيىن وتكىزدى

  • كەلۋ قاينارى: ىلە گازەتى
  • 02:52:20 23/05/2020

    چىن چۋانگو ۋاكىلدەر ۇيىرمەسىنىڭ ۇيىرمە باستىقتىعىنا، شوكىرات زاكىر، شاۋكەت يمىن ورىنباسار ۇيىرمە باستىقتىعىنا سايلاندى

    

    شينجياڭ گازەتىنىڭ حابارى (تىلشىلەر ياۋ تۇڭ، لي ياڭ). ءماجىلىستىڭ ءبىر تۇتاس ورنالاستىرۋى بويىنشا 5 - ايدىڭ 21 - كۇنى تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىنە قاتىناساتىن شينجياڭ ۋاكىلدەر ۇيىرمەسى وزدەرى تۇسكەن ورىندا جالپى جيىن وتكىزدى. مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو جيىندى باسقاردى.

    داۋىسقا سالۋ ارقىلى جيىن چىن چۋانگونى شينجياڭ ۋاكىلدەر ۇيىرمەسىنىڭ ۇيىرمە باستىقتىعىنا، شوكىرات زاكىردى، شاۋكەت يمىندى ۋاكىلدەر ۇيىرمەسىنىڭ ورىنباسار ۇيىرمە باستىقتىعىنا سايلادى.

    جيىن 13 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ ءتوراعالار القاسىنىڭ جانە باس حاتشىنىڭ ەسىمدىگى جوباسىن، ءماجىلىستىڭ كەڭەستىك ءتارتىپ جوباسىن قارادى، تاياۋدا ءماجىلىستىڭ حاتشىلار باسقارماسى اشقان ءارقايسى ۋاكىلدەر ۇيىرمەسىنىڭ ۇيىمداستىرۋشىلارى ءماجىلىسىنىڭ رۋحىن جەتكىزدى.

    چىن چۋانگو مىنالاردى اتاپ كورسەتتى: 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا، بۇكىل ەل حالقى جۇدىرىقتاي جۇمىلىپ، ەل بىرلىگىنەن بەرىك قامال تۇرعىزىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋدىڭ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋدىڭ شەشۋشى ساتىندە جانە ماڭىزدى تۇيىنىندە اشىلعان ءبىر رەتكى ماڭىزى كەلەلى ءماجىلىس، ەلىمىزدىڭ ساياسي ومىرىندەگى ۇلكەن ءىس. بۇل جولعى ءماجىلىستى ويداعىداي اشۋ - بۇكىل پارتيانىڭ، بۇكىل ەل حالقىنىڭ اقىل - پاراساتىن، كۇش - قۋاتىن ۇيىستىرىپ، بۇكىل پارتيانىڭ، بۇكىل ەل حالقىنىڭ كۇرەسكەرلىك رۋحىن تاسقىنداتىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە جەتۋگە بار كۇشىن سالۋ، بيىلعى ەكونوميكالىق، قوعامدىق دامۋدىڭ باستى نىسانا - مىندەتتەرىن ورىنداۋ، جاپپاي دوڭگەلەك داۋلەتتى قوعام قۇرۋ جونىنەن كەلەلى رەال ءمان جانە تەرەڭ تاريحي ءمان الادى. شينجياڭ ۋاكىلدەر ۇيىرمەسىندەگى ۋاكىلدەر شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، ساياسي دەڭگەيدى جوعارىلاتىپ، ساياسي سانالىلىقتى كۇشەيتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋ، تياناقتاندىرۋ كەرەك. تاسقىنداعان ساياسي ىنتامەن، كوتەرىڭكى رۋحاني كۇيمەن، كۇشتى جاۋاپكەرلىك تانىممەن، قاتاڭ مىندەت اتقارۋ رۋحىمەن نەگىزگى زاڭدا جانە زاڭداردا جۇكتەلگەن مىندەتتەردى زاڭ بويىنشا اتقارىپ، ءماجىلىستىڭ ءتۇرلى باياندامالارى مەن كەڭەس جوبالارىن دەن قويا تىڭداپ جانە قاراپ، شينجياڭنىڭ ءىس جۇزىندىگىمەن تىعىز ۇشتاستىرىپ، بەلسەنە اقىل - كەڭەس بەرىپ، ءتۇرلى تارتىپكە قاتاڭ بويسۇنىپ، تاماشا وبراز ورناتىپ، ىندەتتەن ساقتانۋ - تىزگىندەۋ تالاپتارىن تياناقتاندىرىپ، تيتتەي دە اعاتتىق جىبەرمەۋگە شىنايى كەپىلدىك ەتىپ، ۋاكىلدىك رولىن تولىق ساۋلەلەندىرىپ، سەنىمدى، كۇش - قۋاتتى ۇيىستىرىپ، جاۋاپكەرلىكتى ادالدىقپەن ارقالاپ، مىندەتتى اتقارىپ، جاۋاپكەرلىكتى وتەپ، ءماجىلىستىڭ ءتۇرلى مىندەتتەرىن كۇش سالا ورىنداپ، ءىس جۇزىندىك ارەكەتتەرىمەن ءماجىلىستىڭ تولىق تابىستى بولۋىنا تيەسىلى ۇلەس قوسۋ كەرەك.

جاۋاپتى رەداكتور: جازيرا بولاتباي قىزى