نازاردى ”التىنى ورنىقتىرۋعا“، ”التىنى قامتاماسىز ەتۋگە“ شوعىرلاندىرىپ، ەكونوميكانىڭ جوعارى ساپامەن دامۋىن ىلگەرىلەتەيىك

  • كەلۋ قاينارى: شينجياڭ گفزەتى تورابى
  • 09:22:24 23/05/2020

    گازەتىمىزدىڭ جالپىلىق اقپارات قۇرالدارى ءتىلشىسى شى شين

    

    بيىلعى مەملەكەتتىك ەكى ءماجىلىستىڭ ءمان - ماڭىزى ەرەكشە بولاتىندىعىندا داۋ جوق. ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە، جاڭا تيپتى ايدارشا ۆيرۋس وكپە قابىنۋ ىندەتىنىڭ ەكونوميكانىڭ، قوعامنىڭ دامۋىنا الا كەلگەن وراسان زور سىن - سىناقتارى الدىندا، ەكونوميكانىڭ جوعارى ساپامەن دامۋىن ىلگەرىلەتۋدە قايتكەندە قارقىندى قادامدار باسۋعا بولادى؟ ىندەتتىڭ ”ۇستەمە سىناۋ سۇراۋلارىن“ قايتكەندە جاقسى ورىنداپ، ورنىقتىلىق بارىسىندا ىلگەرىلەۋ قىزمەت جالپى ارناسىندا ەكونوميكانىڭ ”تاماشا بەينەسىن“ كەسكىندەۋگە بولادى؟

    ءماجىلىس الاڭىنىڭ ءىشى - سىرتىندا، رايونىمىزداعى مەملەكەتتىك حالىق قۇرىلتايى ۋاكىلدەرى مەن شينجياڭدا تۇراتىن مەملەكەتتىك ساياسي كەڭەس مۇشەلەرى وسى تاقىرىپتى ارقاۋ ەتىپ، جالپى اۋقىمدى بارلاپ، جالپى جاعدايعا كوز سالىپ، تاماشا شارا قاراستىرىپ، ناقتى ءادىس - امالدار تاۋىپ، قيىندىقتاردان قامال الاتىن سەنىمدەرى مەن ورتاق تانىمدارىن شوعىرلاندىرىپ، قايراتتانا ىسكەرلىك كورسەتۋدەي سەنىمدەرى مەن كۇش - قۋاتتارىن تاسقىنداتتى.

    سەنىمدى بەكەمدەپ، داعدارىستى ورايعا اينالدىرامىز

    جۇمىستى، ءوندىرىستى قالپىنا كەلتىردى، ساۋدانى، بازاردى قالپىنا كەلتىردى، وقۋدى، ساباقتى قالپىنا كەلتىردى... ىندەتتەن ساقتانۋ - تىزگىندەۋدى ۇدايىلاندىرۋ شارت - جاعدايىندا، جۇڭگونىڭ ەكونوميكالىق، قوعامدىق اينالىمى جەدەل قالپىنا كەلۋدە. ”التىنى ورنىقتىرۋدان“ ”التىنى قامتاماسىز ەتۋگە“ دەيىن، انىق تا پارمەندى سيگنالدار مەن ارەكەتتەر جۇرت جۇرەگىن مەيىرگە بولەپ، سەنىمدەرىن كۇشەيتە ءتۇستى.

    ”داعدارىس پەن وراي ۇنەمى قاتار ءومىر سۇرەدى، داعدارىستى جەڭسەك، وراي دەگەن سول. اماليات ءبىز تەك شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ جونىندەگى شەشىمدەرى مەن ورنالاستىرۋلارىن مۇقيات ويداعىداي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن جاقسى تياناقتاندىرساق بولعانى، دامۋدىڭ ىرىقتى ۇقىعىن مىقتاپ ۇستاي الاتىندىعىمىزدى دالەلدەدى، بۇل ءبىزدىڭ ەكونوميكانىڭ جوعارى ساپامەن دامۋىن ىلگەرىلەتۋىمىزدەگى كۇش - قايراتتىڭ جانە شەشۋشى تەتىكتىڭ تياناعى بولىپ تابىلادى“، - دەدى مەملەكەتتىك حالىق قۇرىلتايىنىڭ ۋاكىلى، ءۇرىمجى قالالىق پارتكومنىڭ ورىنباسار شۋجيى، قالا باستىعى ياسىن سىدىق.

    مەملەكەتتىك ساياسي كەڭەس مۇشەسى، شينجياڭ جينفىڭ عىلىم - تەحنيكا شەكتى جارنا سەرىكتەستىگىنىڭ القا باستىعى ۋ گاڭ مىنالاردى ءبىلدىردى: ىندەت جۇڭگو ەكونوميكاسىنا قىسقا ۋاقىتتىق ىقپال جاسادى، الايدا ۇزاق مەرزىمنەن قاراعاندا، جۇڭگو ەكونوميكاسىنىڭ جوعارى ساپامەن دامۋداي ۇلكەن بەتالىسى وزگەرگەن جوق. قازىرگى تيبىن جاڭالاپ دامۋدىڭ شەشۋشى كەزەڭىندە ابزالدىلىق پەن ولقىلىقتاردى جەتە تانىپ، نازاردى كاسىپورىننىڭ وزەكتى قابىلەت قۇرىلىسىنا شوعىرلاندىرىپ، ستراتەگيالىق وزىندىك سەنىمدى ساقتاۋ توتەنشە ماڭىزدى.

جاۋاپتى رەداكتور: جازيرا بولاتباي قىزى