نازاردى ”التىنى ورنىقتىرۋعا“، ”التىنى قامتاماسىز ەتۋگە“ شوعىرلاندىرىپ، ەكونوميكانىڭ جوعارى ساپامەن دامۋىن ىلگەرىلەتەيىك

  • كەلۋ قاينارى: شينجياڭ گفزەتى تورابى
  • 09:22:24 23/05/2020

    شەشۋشى ءتۇيىندى يگەرىپ، جاڭا ءورىستى كەڭەيتەمىز

    كەلەلى نىساندار قۇرىلىسى ءونىمدى قارجى قوسۋدى جەتەلەپ، ەكونوميكانىڭ ارتۋىن ورنىقتىراتىن ماڭىزدى تۇتقا. ”بيىل جىل باسىنان بەرى ءبىز اناعۇرلىم ناقتى شارالارمەن ’التىنى ورنىقتىرۋ‘، ’التىنى قامتاماسىز ەتۋ‘ تالابىن تياناقتاندىرىپ، نىساندى يگەرىپ، قارجى قوسۋدى ورنىقتىرىپ، قوزعاۋشى قۋاتتى ارتتىرىپ، نىسان ارقىلى جەتەكتەۋ سىندى جوعارى ساپالى دامۋ جولىمەن بۇلجىماي جۇردىك“. مەملەكەتتىك حالىق قۇرىلتايىنىڭ ۋاكىلى، اقسۋ ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى نياز ءاشىم بىلاي دەدى: بيىل اقسۋ ايماعىندا تۇتاس قوعامدىق تۇراقتى مال - مۇلىككە قارجى قوسۋ نىسانىنان 1035ى جۇرگىزىلىپ، جالپى 231 ميلليارد 214 ميلليون يۋان قارجى قوسۋ مەجەلەندى، جىلدىق جوسپاردا 61 ميلليارد يۋان قارجى قوسىلىپ، الدىڭعى جىلداعىمەن سالىستىرعاندا %10تەن استام جوعارى ارتادى. كەزەكتە ”ءبىر توبىن سالۋ، ءبىر توبىنىڭ جۇمىسىن باستاۋ، ءبىر توبىن زاپاس ساقتاۋ، ءبىر توبىن جوبالاۋ“ وي جەلىسى بويىنشا جاپپاي ىلگەرىلەتىلۋدە.

    ىندەت ءداستۇرلى تۇتىنۋ مەن كاسىپ سالاسىنا ەداۋىر سوققى بولعانىمەن، جەلىدەگى تۇتىنۋ مەن زەردەلى ەكونوميكانىڭ تەز قارقىنمەن ارتۋىنا تۇرتكى بولىپ، ەكونوميكانىڭ جوعارى ساپامەن دامۋىنا جاڭا ءورىس اشتى.

    ”ىندەتتىڭ قىسىمىندا، جاڭا تەحنيكا، جاڭا كاسىپ كۇيى جانە جاڭا ۇلگى جەدەل دامىپ، جۇڭگو ەكونوميكاسىنا تىڭ دا اسا زور ورايلار اكەلدى. جاڭا ءبىر ءداۋىر ينفورماتسيا تەحنيكاسىن قولدانۋ سۇرانىسى زور كولەمدە ارتىپ، ونەركاسىپتىك ينتەرنەت، جاساندى زەردە، سيفرلى نەگىزدىك قۇرىلعىلار سياقتىلاردىڭ جەدەل دامۋى جۇڭگو ەكونوميكاسىنىڭ جارقىن تۇيىنىنە اينالدى، سونداي - اق دامۋدىڭ وراسان زور جاڭا قوزعاۋشى قۋاتىن جەتىلدىرۋدە“، - دەدى مۇشە مي ىنحۋا.

    مىناعان نازار اۋدارۋعا تاتيدى، بيىل 1 - توقساندا شينجياڭ كاسىپورىندارىنىڭ مەملەكەت ىشىندەگى ءۇشىنشى جاق ەلەكتروندىق ساۋدا - ساتتىق تۇعىرى ارقىلى ينتەرنەتتەگى بولشەك ساتۋ سوماسى 4 ميلليارد 440 ميلليون يۋانعا جەتىپ، الدىڭعى سايكەس مەزگىلدەگىدەن %4.1 ارتتى.

    جۇمىستاندىرۋدىڭ ءبىر جاعى، بۇقارانىڭ تۇرمىسىمەن بايلانىسسا، ەندى ءبىر جاعى، ەكونوميكالىق، قوعامدىق دامۋمەن بايلانىسادى. مەملەكەتتىك حالىق قۇرىلتايىنىڭ ۋاكىلى، قاشقار ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى پارحات روزى مىنالاردى ءبىلدىردى: بيىل پارتيا ورتالىق كوميتەتى العا قويعان ”التىنى قامتاماسىز ەتۋ“ مىندەتىندەگى ءاربىر شارا تۇگەلدەي كەزەكتەگى قيىن ماسەلەلەرگە، سالماقتى ماسەلەلەرگە باعىتتالعان، تۇگەلدەي ەكونوميكالىق، قوعامدىق دامۋدىڭ كەلەلى جاعدايىنا سايادى. جۇمىستاندىرۋدى قامتاماسىز ەتۋ ”التىنى قامتاماسىز ەتۋ“ مىندەتىنىڭ ەڭ باسىنا قويىلۋى جۇمىستاندىرۋ قىزمەتىن جاقسى ىستەۋدىڭ ماڭىزدىلىعىن اناعۇرلىم كورنەكتىلەندىردى. قاشقار ايماعى جۇمىستانۋ ورىندارىن تولىق ىسكە قوسىپ، الۋان شارالارمەن جۇمىستاندىرۋدى جەبەپ، ءتىپتى دە كوپ ارتىق ەڭبەككۇشتەردى جۇمىستانۋعا باۋرادى.

    ”’التىنى ورنىقتىرۋ‘ قىزمەتىن تىڭعىلىقتى، ويداعىداي ىستەۋ، ’التىنى قامتاماسىز ەتۋ‘ مىندەتىن تياناقتاندىرۋ، بۇل ءارى بيىلعى ەكونوميكالىق دامۋدىڭ ارقاۋ ءسوزى، ءارى قالىپتى اينالىمعا شىنايى كەپىلدىك ەتۋدىڭ ماڭىزدى كورسەتكىشى. نازاردى كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن قامتاماسىز ەتۋگە شوعىرلاندىرىپ، ساپانى باسقارۋ، مەڭگەرۋ، قاريدارلاردى باسقارۋ، قارجى اينالىمى سياقتىلاردى ويداعىداي يگەرىپ، كاسىپ تىزبەگىنىڭ جاڭالىق اشۋعا سايكەسۋىن كۇشەيتىپ، قامداۋ تىزبەگىنىڭ ىركىلىسسىز، ءتارتىپتى بولۋىنا كەپىلدىك ەتەمىز“، - دەدى مۇشە ۋ گاڭ.

جاۋاپتى رەداكتور: جازيرا بولاتباي قىزى