نازاردى ”التىنى ورنىقتىرۋعا“، ”التىنى قامتاماسىز ەتۋگە“ شوعىرلاندىرىپ، ەكونوميكانىڭ جوعارى ساپامەن دامۋىن ىلگەرىلەتەيىك

  • كەلۋ قاينارى: شينجياڭ گفزەتى تورابى
  • 09:22:24 23/05/2020

    تەز قارمانىپ، دامۋدىڭ ”ءسوزسىز ورىنداۋعا ءتيىستى سۇراۋلارىنا“ ويداعىداي جاۋاپ قايتارامىز

    بيىل شەشۋشى شايقاستىڭ شەشۋشى جەڭىسىنە قول جەتكىزەتىن جىل، شەشۋشى ساتتە اناعۇرلىم ”جەڭىسكە جەتپەيىنشە شەپتەن قايتپايتىن“ ارىنمەن، ىندەتتىڭ ”ۇستەمە سىناۋ سۇراۋلارىن“ ويداعىداي ىستەپ، دامۋدىڭ ”ءسوزسىز ورىنداۋعا ءتيىستى سۇراۋلارىنا“ ويداعىداي جاۋاپ بەرۋ كەرەك.

    ”سىرتقى ورتا مەيلى قالاي وزگەرسە دە، ەڭ ماڭىزدىسى، اۋەلگىدەي تاباندىلىقتى ساقتاپ، ءوز ءىسىمىزدى جاقسى ىستەۋىمىز كەرەك“. مەملەكەتتىك حالىق قۇرىلتايىنىڭ ۋاكىلى، ەرەكشە ترانسفورماتور شەكتى جارنا سەرىكتەستىگى پارتكومىنىڭ شۋجيى، القا باستىعى جاڭ شين بىلاي دەدى: قازىر ەرەكشە ترانسفورماتور سەرىكتەستىگى شينجياڭ ءىشى - سىرتىندا تۇتاس تۇلعالىق جاقتا جۇمىستى %100 قالپىنا كەلتىردى، سەرىكتەستىك پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، جاڭا تيپتى ايدارشا ۆيرۋس وكپە قابىنۋ ىندەتى الا كەلگەن ءتيىمسىز ىقپالدى قۇلشىنا جەڭىپ، اناعۇرلىم ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى دامۋدى كۇش سالا جۇزەگە اسىرادى.

    مۇشە مي ىنحۋا مىنالاردى ءبىلدىردى: جاڭا تيپتى ايدارشا ۆيرۋس وكپە قابىنۋ ىندەتىنىڭ كاسىپورىنداردىڭ دامۋىنا جاساعان ىقپالى مەجەدەگىدەن اسىپ ءتۇستى، ءبىراق پارتيا مەن ۇكىمەت قۋاتتى تىرەك بولعاندىقتان، ءبىز قيىنشىلىقتى ەڭسەرە العا باساتىن قۋاتتى قوزعاۋشى كۇشكە يە بولدىق. كەلەسى قادامدا، حۋاليڭ توبى تۇتاس شينجياڭنىڭ ءارقايسى ايماق، وبلىستارىندا جەرگىلىكتى جاعدايعا قاراي ىستەپ، كوپ ءتۇيىندى ورنالاستىرۋ جاساپ، ەگىن، ورمان، مال شارۋاشىلىعىنىڭ جوعارى، ورتا، تومەن جەلىسىندەگى كاسىپ سالالارىنىڭ ءتۇيىندى نىساندارىن دامىتۋدى تىرەك ەتىپ، جەر - جەردىڭ وسىزاماندانعان بىرىگىپ باسقاراتىن فەرما، بىرىگىپ باسقاراتىن زاۆود جانە قامداۋ تىزبەگى فينانس تۇعىرىنا قىزمەت وتەۋىن تۇتقا ەتىپ، ”مال شارۋاشىلىعىن الۋەتتەندىرۋ، ەگىن شارۋاشىلىعىن كۇشەيتۋ، استىق حاۋىپسىزدىگىنە كەپىلدىك ەتۋ، حالىقتىڭ سالاماتتىعىن ساقتاۋدى“ بورىش ەتىپ، ەگىن، ورمان، مال شارۋاشىلىعى كاسىپ تىزبەگىنىڭ 1 -، 2 -، 3 - كاسىپتەرمەن توعىسا دامۋىن بىرتىندەپ جۇزەگە اسىرادى.

    تيجارات - ساۋدا ورتاسىندا ىرىقتىلىق كورسەتكەندە عانا، ەكونوميكالىق دامۋدىڭ تۇتاس جۇيەسىن جانداندىرۋعا بولادى. ۋاكىل نياز ءاشىم مىنالاردى ءبىلدىردى: قىزمەت وتەۋ تيبىندەگى ۇكىمەت قۇرىلىسىن ۇزدىكسىز ىلگەرىلەتىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، تيجارات - ساۋدا ورتاسىن ۇزدىكسىز جاقسارتىپ، ءتۇيىندى تۇردە سالىقتى ازايتۋ، اقىنى تومەندەتۋ، ساياساتتىق قولداۋ كورسەتۋ، قىزمەت وتەۋدى ساپالىلاندىرۋ سياقتى قىزمەتتەردى ويداعىداي ىستەپ، دامۋدىڭ جۇمساق ورتاسىن كۇش سالا ويداعىداي جاراتىپ، كاسىپورىنداردىڭ شەپكە تىپ - تيناقتاي اتتانىپ، اناعۇرلىم مول زەيىن - زەردەسىن دامۋعا ارناۋىنا مۇمكىندىك جاسايمىز.

    ”رەفورماعا سۇيەنىپ، بازاردىڭ تۇلعالىق ومىرشەڭدىگىن قاۋلاتىپ، دامۋدىڭ جاڭا قوزعاۋشى قۋاتىن كۇشەيتۋ كەرەك“.

    ”ەسىك اشۋدى كەڭەيتۋگە تاباندى بولىپ، ءتىپتى دە ۇلكەن كولەمدە، ءتىپتى دە كەڭ سالادا، ءتىپتى دە تەرەڭ ساتىدا ەسىك اشۋ دەڭگەيىن جوعارىلاتۋ كەرەك“.

    ”عىلىم - تەحنيكا العاباسارلىعى، قۇرال - جابدىقتاردى جاڭالاۋ، دارىندىلار ەنگىزۋ سياقتى جاقتاردا جاڭالىق اشۋعا ۇمتىلىپ، كاسىپورىنداردىڭ وزەكتى باسەكەلىك قۋاتىن ۇزدىكسىز جوعارىلاتۋعا قۇلشىنۋ كەرەك“.

    ...

    تاۋ اسىپ، سۋ كەشىپ، ۇزاق جول باسقاندا عانا ۇلى مۇراتقا جەتۋگە بولادى. رايونىمىزداعى مەملەكەتتىك حالىق قۇرىلتايى ۋاكىلدەرى مەن شينجياڭدا تۇراتىن مەملەكەتتىك ساياسي كەڭەس مۇشەلەرى ەكونوميكالىق، قوعامدىق دامۋدىڭ ”ۇدەتكىش تەتىگىن“ باسۋ جاۋاپكەرشىلىگىن ارقالاپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، رەفورما جاساۋ، ەسىك اشۋدى قوزعاۋشى كۇش ەتۋگە تاباندى بولىپ، ەكونوميكانىڭ جوعارى ساپالى دامۋ ارناسىنا ءتۇسۋىن تەزدەتۋدى ىلگەرىلەتىپ، ءتىپتى دە نۇرلى دامۋ بولاشاعىن قارسى الاتىندىقتارىن ءبىلدىردى.

جاۋاپتى رەداكتور: جازيرا بولاتباي قىزى