ورىس بولكاسىنىڭ ءۇشىنشى ۇرپاق مۇراگەرلەرى جونىندە

  • كەلۋ قاينارى: ىلە گازەتى
  • 03:27:59 24/05/2020

    سول كەزدەر اپەكەلى – ءسىڭلىلى ەكەۋىمىزدىڭ ەسىمىزدەن ماڭگى كەتپەيدى. ناعاشى اپامىز قايتىس بولعاننان كەيىن ناعاشى اپامىز بەن شەشەمىزدىڭ ءداستۇرلى قولونەرى - ورىس بولكاسىن، شىرماۋىق گۇلىمەن اشىتىلعان ءداستۇرلى تاعامدارىن جاساۋدى تاباندىلىقپەن جالعاستىردىق. ءبىز پىسىرعان بولكا، پىراندىكتەردى جەگەن تۋىستارىمىز، دوس – جاراندارىمىز ۇنەمى ءبىزدى بولكاحانا اشۋعا شابىتتاندىراتىن.

    ءبىزدىڭ بولكامىز 37 ساعات بويى اشىتىلادى، ەشقانداي ءدارى – دارمەك قوسىلمايدى، قارا ءبيداي ۇنىنان نەمەسە ادەتتەگى ءبيداي ۇنىنان پىسىرىلعان بولكالارىمىز بولسىن ءبارى دە قاريدارلاردىڭ قىزۋ قارسى الۋىنا بولەندى. بىلتىر ۇرىمجىدەن تۋىسشىلاي كەلگەن ءبىر قاريا ءبىزدىڭ بولكامىزدى جەپ كورگەندە، «بۇنىڭ ءدامى ءوزىنىڭ بالا كەزىندە شەشەسى پىسىراتىن بولكاعا ۇقسايتىنىن ايتىپ، كوزىنە ىستىق جاس الدى. كەيىن قاريانىڭ قىزى بىزدەن بولكا، پىراندىكتەردى الىپ ارنايى ول كىسىگە جىبەرىپ تۇردى»، دەيدى ەلينا اسەرلى بەينەدە اڭگىمەسىن اياقتاتىپ.

    بىلتىر جىلدىڭ سوڭىندا ليۆبا بولكاحاناسى ورىستىڭ ۇلتتىق ەرەكشەلىككە يە ءدامحاناسى رەتىندە ۇكىمەت جاعىنان التىشۋار كوشەسىندەگى ورىس ۇلتتىق سالت – سانا باقشاسىنا ەنگىزىلدى. «بۇل جەردىڭ ورتاسى جانعا ءجايلى، تاعامدارى ءدامدى، بۇل دۇكەننىڭ توراپ جۇلدىزىنا اينالاتىنىنا كامىل سەنىمدەمىز»، دەدى سوندا شاي ءىشىپ وتىرعان ءبىر قاريدار.

    -شايحانامىز قۇلجا قالالىق مادەنيەت – ساياحات مەكەمەسىنىڭ جانە التىشۋار كوشەسى الەۋمەتتىك اۋماعىنىڭ كوپتەگەن كومەگىنە يە بولدى، بۇدان كەيىن ىلەنىڭ ساياحاتى ءتىپتى دە جاندانا تۇسەدى، ءبىزدىڭ شايحانامىز دا ىلەنىڭ اتىن شىعاراتىن ايگىلى شايحاناعا اينالۋىن ءۇمىت ەتەمىز، - دەدى ەلينا بولاشاعىنا نىق سەنىممەن.

جاۋاپتى رەداكتور: جازيرا بولاتباي قىزى