اۋىل - قىستاق تاقىرىبىنداعى جاسامپازدىق ءداۋىردىڭ شىرايىن اشا ءتۇسۋى كەرەك

  • كەلۋ قاينارى: ىلە گازەتى
  • 03:34:30 28/05/2020

    جالىندى تۇرمىسقا تەرەڭ تامىر تارتىپ، قازىرگى زامانعى اۋىل - قىستاقتىڭ دامۋ امالياتىن يگەرۋ كەرەك

    رەاليزم – قازىرگى زامانعى اۋىل - قىستاق تاقىرىبىنداعى شىعارما جازۋدىڭ ۇزدىك ءداستۇرى، ول ءبىر ءتۇرلى جاسامپازدىق ءتاسىل بولىپ قانا قالماي، ءبىر ءتۇرلى رۋح، تاريحتىق، حالىقتىق، ەستەتيكالىق ءمانى جاعىنان الىپ ايتقاندا، ناقتى تاجىريبەنى جالپىلىق جاقتان ءتۇسىنۋ مەن ءبىر جاقتى ەتۋدىڭ شىعارماشىلىق جولى. ادەبيەتتىڭ ءداۋىر دامۋىنا ات سالىسۋداعى امالياتتىق رولى مەن رەال ءمانىن ساۋلەلەندىرۋدە، جازۋشىدان تۇتاس تۇلعا مەن ءىشىنارالىقتىڭ، تاريح پەن رەالدىقتىڭ، جۇڭگو مەن دۇنيەنىڭ سان الۋان قاتىناسىن قازىرگى زامانعى اۋىل - قىستاقتىڭ دامۋ امالياتىمەن ۇشتاستىرا وتىرىپ جان - جاقتى، الۋان تۇرعىدان مىقتى يگەرۋدى تالاپ ەتەدى.

    اۋىل - قىستاقتىڭ قازىرگى وزگەرىسىنە تاريح پەن رەالدىق تۇرعىسىنان سالىستىرا كوز جىبەرىپ، رەفورمانىڭ ءمانىن ىشكەرىلەي اشىپ كورسەتۋ - كەزەكتەگى اۋىل - قىستاق تاقىرىبىنداعى جاسامپازدىقتىڭ نەگىزگى جولى. مۇنداي شىعارمالار تۇرمىسقا ىشكەرىلەي ارالاسىپ، حالىققا تەرەڭ تامىر تارتۋ نەگىزىندە، كەڭ بايانداۋ جۇلگەسىن قالىپتاستىرىپ اۋىل - قىستاقتاعى تاريحي وزگەرىستەردىڭ سالتاناتتى كورىنىسىن اشىپ كورسەتۋگە پايدالى. ماسەلەن، حى گۇڭنىڭ «كۇن كوتەرىلىپ كەلەدى» دەگەن شىعارماسىندا، شى - ۋ - اۋسۇن قىستاعىنداعى بۇقارانىڭ كاسىپ جاراتۋداعى تاريحي بارىسى ارقىلى جۇڭگونىڭ تاريحي وزگەرىسىن بەينەلەپ، ناقتى جاعدايدى كۇش سالا كەڭەيتىپ، تاريحتىڭ تەرڭىنە قالام تارتادى.

    سىندارلى كورەگەندىكپەن اۋىل - قىستاق تۇرمىسىن باعامداي وتىرىپ، تىڭ تانىمدىق كارتينالار مەن قۇرىلىس تاجىريبەسىن ۇسىنۋ – اۋىل - قىستاق تاقىرىبىنداعى جاسامپازدىقتىڭ تاعى ءبىر جولى. جيا پيڭ - ۋانىڭ «داي دىڭ»، سۇن حۇيفىننىڭ «سوڭعى شاڭتاڭ قىستاعىنىڭ بايانى» سياقتى شىعارمالاردا بۇل جاعىندا دەرلىكتەي قۇنتتىلىق بايقالادى. اۋىل - قىستاق تاقىرىبىنداعى جاسامپازدىقتىڭ ماڭىزدى قولعاناتى بولعان دەرەكتى ادەبيەت اۋىل - قىستاقتى كوركەيتۋدىڭ وسى زامانعى تاجىريبەلەرىن قورىتىندىلاۋعا كۇش سالىپ، ناقتى ماسەلەلەردى شەشۋدىڭ بارىسىن بەينەلەپ، اۋىل - قىستاقتىڭ تىڭ تىنىسىن بەلسەنە اشىپ كورسەتەدى. جي جۇڭجياننىڭ «اۋىل - قىستاق ەلى»، يە دودونىڭ «بىرەۋى دە قاتاردان قالمايدى»، ۋاڭ حۇڭجيانىڭ «تاڭيۋە قىستاعىنىڭ جولى» سياقتى شىعارمالاردا اۋىل - قىستاق رەفورماسىنىڭ امالياتى اڭگىمەلەنىپ، ءداۋىر رۋحى ارقىلى كەيىپكەر مەن ۋاقيعانى شەندەستىرە جازۋ – قازىرگى زامان امالياتىنىڭ ەستەمەسى ءارى بولاشاقتىڭ ماتەريالى دەۋگە بولادى. جازۋشىلار قايناعان رەال تۇرمىسقا بەلسەنە ارالاسىپ، تاريحي تاجىريبەلەردى ىشكەرىلەي قورىتىندىلاعاندىقتان، بۇل شىعارمالار وقىرماندى شىنايى باۋراپ العان.

جاۋاپتى رەداكتور: گۇلدەن ماقسات قىزى