اۋدارمادا توتە جول جوق

  • كەلۋ قاينارى: ىلە گازەتى
  • 03:35:47 28/05/2020

    اۋدارماعا كىرىسكەن كەزدە، ءبىز «جۇڭگونىڭ ءار داۋىردەگى ادەبي شىعامالارىنان تاڭدامالىلاردى» ادەيى زەرتتەپ وقىدىق، مۇنداعى ويىمىز - الۋان ءتۇرلى ءتىل ستيلىن جويسەنىڭ كۇردەلى شىعارمالارىمەن توعىستىرا ءتۇسۋ بولدى. ءتۇپ نۇسقانىڭ ستيلىنە قۇرمەت ەتۋ ءۇشىن، اۋدارۋ بارىسىندا «بولىمسىز فاكتوردى دا قاعىس قالدىرماۋ» پرينسيبىن ۇستانىپ، «ادال بولۋ، ءدال بولۋ، كوركەم بولۋ» دەڭگەيىنە قول جەتكىزۋگە قۇلشىنىپ، ءتۇپ نۇسقاعا ادال بولۋ نەگىزىندە جۇتىندىرا ءتۇسىپ، ءتۇپ نۇسقاداعى ماعىناسى قيىن سوزدەردى تىلگە جەڭىل، ۇعىنىقتى ەتىپ اۋداردىق.

    مەن كوبىندە اناۋ ادامگەرشىلىكتى دارىپتەيتىن، يدەيالىق جاقتان ادامدارعا بەلسەندى ىقپال ەتەتىن تاڭداۋلى شىعارمالاردى اۋدارۋدان جازباي كەلدىم، مۇنداعى ماقسات – ەلىمىز وقىرماندارىنا ساپالى رۋحاني ءنار بەرۋ ەدى. شياۋ چيان: اۋدارما دەگەنىمىز وڭىردەن، ۇلتتان، تىلدەن القىپ وتەتىن ارەكەت، ول ادەبي جاسامپازدىقتا بولماعان وزگەشە رولدارعا يە. اۋدارما ارقىلى ۇلتتار اراسىنداعى سەزىمدىك اۋىس - كۇيىستى جانە ءوزار تۇسىنىكتى جەبەپ، ۇلتتار اراسىنداعى ءتىل تابىسۋدى جۇزەگە اسىرۋعا بولادى؛ اۋدارما جالاڭ تىلدىك بەينەلەۋ عانا ەمەس، قايتا ونىڭ استارىنداعى مادەنيەتتىك ۇستانىمدى اشىپ كورسەتىپ، وقىرمانعا رۋحاني ءنار سيلاۋ.

    ۇزاق جىلدار اۋدارما قىزمەتىمەن اينالىسۋ بارىسىندا، پالەندەي تەرەڭ مازمۇنعا يە نازاريا قورىتىندىلاعان ەمەسپىن. مەن اۋدارما دەگەنىمىزدى بارلىق ۇيرەنگەن بىلىمدەرىڭ مەن ءومىر تاجىريبەلەردىڭ ارقىلى وزگە ەلدىڭ مادەنيەتىن ءتۇسىنۋ ءارى ءتۇپ نۇسقانىڭ شىرايىن ساقتاي وتىرىپ، وزىندىك ءوڭ بەرۋگە كۇش سالىپ، ۇلتتار ارا سەزىمدىك اۋىس - كۇيىستى جانە ءوزارا تۇسىنىستىكتى جەبەۋ دەپ بىلەمىن.

    ارينە، اۋدارمامەن شۇعىلدانۋ وڭاي - وسپاق قولدان كەلە بەرەتىن ءىس ەمەس، ول اۋدارماشىدان ەكى ءتۇرلى ءتىلدى قانىق ءبىلۋدى تالاپ ەتۋمەن بىرگە، تاعى ەكى ەلدىڭ تاريحي مادەنيەتىن دە ىشكەرلەي ءتۇسىنۋدى قاجەت ەتەدى. شەتەل ءتىلىن قانشا جاقسى بىلگەنىڭمەن، حانزۋ تىلىندە بەينەلەۋىڭ جاقسى بولماسا، ءتۇپ نۇسقانىڭ ءمانىن ءدال بەينەلەپ بەرە المايسىڭ؛ حانزۋ ءتىلىڭ قانشا جاقسى بولعانىمەن، شەتەل ءتىلىن جانە ونىڭ مادەنيەتتىك ارتقى كورىنىسىن جەتىك يگەرمەسەڭ وڭاي اعاتتىق جىبەرەسىڭ.

    اۋدارما قىزمەتىن جاقسى ىستەۋ ءۇشىن، تاعى شىعارمانىڭ تىلدىك ستيلىن، اۆتوردىڭ ءومىر كەشىرمەلەرىن، يدەيالىق كوزقاراسىن ىشكەرىلەي، جۇيەلى زەرتتەۋمەن بىرگە، قاجىماي - تالماي كىتاپ وقۋ كەرەك. مەن جاپونيالىق جازۋشى يۋنوسۋكە اكۋتاگاۋا مەن ياسۋچي ينوۋەنىڭ شىعارمالارىن اۋدارۋدان ىلگەرى با جين، چىن سۇڭۋىن، يۇي دافۋ، لاۋشى قاتارلى جازۋشىلاردىڭ اڭگىمەلەرىن وقىپ، اۋدارعان شىعارمالارىمنىڭ ءتىلىنىڭ ادەبي قاۋىمنىڭ ىڭعايى مەن مىنەزدەمەسىنە جاقىن كەلۋىنە كۇش سالدىم. اۋدارما بارىسىندا كەزىككەن بەيتانىس سوزدەردى ءتۇرلى سوزدىكتەردەن ىزدەپ، سول سوزدەردىڭ ءمانىن دۇرىس تۇسىنگەننەن كەيىن بارىپ، شىعارماداعى ناقتى تىلدىك ورتاعا ساي ونىڭ تەرەڭ مانىنە بويلادىم. ال اعاتتىق جىبەرىپ الماۋ ءۇشىن، قولمەن جازىپ اۋدارۋدان جازبادىم، بۇلاي ىستەگەندە قاتتى شارشاعانىڭمەن، كوڭىلىڭ الاڭسىز بولادى.

جاۋاپتى رەداكتور: گۇلدەن ماقسات قىزى