«مەملەكەتتى بولشەكتەۋگە قارسى تۇرۋ زاڭى» اتقارىلعاندىعىنىڭ 15 جىلدىعى جونىندەگى اڭگىمە ءماجىلىس بەيجيڭدە سالتاناتپەن وتكىزىلدى

  • كەلۋ قاينارى: شينجياڭ گازەتى تورابى
  • 03:19:39 01/06/2020

  

     شينحۋا اگەنتتىگىنىڭ 5 - ايدىڭ 29 - كۇنى بەيجيڭنەن بەرگەن حابارى (ءتىلشى چا ۋىنيە). «مەملەكەتتى بولشەكتەۋگە قارسى تۇرۋ زاڭى» اتقارىلعاندىعىنىڭ 15 جىلدىعى جونىندەگى اڭگىمە ءماجىلىس 5 - ايدىڭ 29 - كۇنى تۇستەن بۇرىن حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ ماجىلىستە ءسوز سويلەپ بىلاي دەپ باسا دارىپتەدى: باس شۋجي شي جينپيڭنىڭ «تايۋاندىق باۋىرلاستارعا حات» جاريالانعاندىعىنىڭ 40 جىلدىعىن ەسكە الۋ جينالىسىنداعى سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، «مەملەكەتتى بولشەكتەۋگە قارسى تۇرۋ زاڭىنىڭ» ماڭىزدى رولىن تەرەڭ تانىپ، ”تايۋان تاۋەلسىزدىگى“ بولشەكتەۋشىلىگىنە باتىل قارسى تۇرىپ، وتاننىڭ بەيبىت بىرلىككە كەلۋىن باتىلدىقپەن ىلگەرىلەتۋ كەرەك.

    لي جانشۋ بىلاي دەپ اتاپ كورسەتتى: «مەملەكەتتى بولشەكتەۋگە قارسى تۇرۋ زاڭى» نەگىزگى زاڭدى نەگىز ەتىپ، پارتيا ورتالىق كوميتەتىنىڭ تايۋانعا قاراتىلعان قىزمەتىنىڭ كەلەلى ساياسات - باعىتىن دايەكتىلەندىرگەن، ”ءبىر ەل، ەكى تۇزىمگە“ تاباندى بولۋ، وتاننىڭ بەيبىت بىرلىككە كەلۋىن ىلگەرىلەتۋ تۇزىمدىك جۇيەسىنىڭ ماڭىزدى قۇرامداس بولىگى، ”تاۋەلسىزدەندىرۋگە“ قارسى تۇرۋ، بىرلىككە كەلۋدى جەبەۋ ساياسي جاۋاپكەرشىلىگى مەن بورىش - تالابىنىڭ ماڭىزدى بويسۇنۋ ولشەمى. اتقارىلعان 15 جىلدان بەرى، تايۋان بۇعازىنىڭ بەيبىتشىلىگى مەن ورنىقتىلىعىن قورعاۋ، ەكى جاعالاۋ قارىم - قاتىناسىنىڭ دامۋىن جەبەۋ ءۇشىن بەرىك زاڭدىق كەپىل ۇسىندى.

    لي جانشۋ بىلاي دەپ اتاپ كورسەتتى: ءبىر مەزگىلدەن بەرى، ”تايۋان تاۋەلسىزدىگى“ بولشەكتەۋشى كۇشتەرى جاعدايدى قاتە تۇجىرىمداپ، توقتاۋسىز ارانداتۋشىلىق جۇرگىزىپ، ەكى جاعالاۋداعى باۋىرلاستاردىڭ ءتول مۇددەسىنە جانە جۇڭحۋا ۇلتىنىڭ ءتۇبىرلى مۇددەسىنە ورەسكەل زيان جەتكىزدى، تايۋان بۇعازىنىڭ بەيبىتشىلىگى مەن ورنىقتىلىعىن ورەسكەل ءبۇلدىردى، ءبىزدىڭ مەملەكەتتىڭ يەلىك ۇقىعىن جانە تەرريتوريا تۇتاستىعىن قورعاۋ تومەنگى شەگىمىزگە اۋىر سايىس جاريالادى، ءسوز جوق، باتىل تەجەۋ، سوققى بەرۋ كەرەك. دۇنيە جۇزىندە تەك ءبىر عانا جۇڭگو بار، ۇلى قۇرلىق پەن تايۋان ءبىر جۇڭگوعا ءتان. ”تايۋان تاۋەلسىزدىگى“ بولشەكتەۋشى ەلەمەنتتەرى ”تاۋەلسىزدىككە“ ۇرىنىپ، مەيلى قانداي ايلا - شارعى قولدانسا دا بارلىعى زاڭسىز، ءونىمسىز؛ ولار مەيلى قالاي جانتالاسسا دا بارلىعى دا قۇر دالباسالىق؛ ولار شەتەل كۇشتەرىمەن مەيلى قالاي اۋىز جالاسىپ ويىن قويسا دا بارلىعى تايۋاننىڭ جۇڭگونىڭ ءبىر بولىگى ەكەندىگى سىندى تاريح پەن زاڭدىق فاكتتى وزگەرتە المايدى. ”تايۋان تاۋەلسىزدىگى“ زاۋالعا اپارار جول، زاڭعا سوقتىققاندار، ءسوز جوق، اۋىر جازالانادى.

    لي جانشۋ بىلاي دەپ اتاپ كورسەتتى: بۇعازدىڭ ەكى جاعالاۋىنداعى باۋىرلاستار قول ۇستاسا، بىرلەسە وتىرىپ ”تايۋان تاۋەلسىزدىگىنە“ قارسى تۇرۋى، بىرلىككە كەلۋدى جەبەۋى كەرەك. پارتيا مەن مەملەكەت قاشاندا تايۋاندىق باۋىرلاستاردىڭ مۇددەسى مەن ىرىس - قۇتىنا كوڭىل ءبولىپ، ەكى جاعالاۋدىڭ اۋىس - كۇيىسى مەن سەلبەستىگى ءۇشىن بەلسەنە شارت - جاعداي جاساپ كەلەدى. قالىڭ تايۋاندىق باۋىرلاستار تۋراشىل جۇڭگولىقتاردان بولۋى، تايۋاننىڭ ۇلتتىڭ گۇلدەنۋىندەگى ورنى مەن رولىنا تەرەڭ وي جۇگىرتۋى، ”تايۋان تاۋەلسىزدىگى“ كۇشتەرىنىڭ كوكەيىنە بۇككەن ارام نيەتتەرىن ايقىن تانىپ، ۇلتتىق ادىلەتتەن جازباۋى كەرەك. تايۋان ماسەلەسىن شەشىپ، وتاننىڭ بىرلىككە كەلۋىن جۇزەگە اسىرۋ − جۇڭگونىڭ ىشكى ءىسى، ءارقانداي شەتەل كۇشتەرىنىڭ كيلىگۋىنە ۇشىرامايدى.

جاۋاپتى رەداكتور: گۇلدەن ماقسات قىزى