شي جينپيڭ جاۋاپ حات قايتارىپ، بۇكىل ەلدەگى قالىڭ عىلىم - تەحنيكا قىزمەتكەرلەرىن جىگەرلەندىردى

  • كەلۋ قاينارى: شينجياڭ گازەتى تورابى
  • 03:29:21 01/06/2020

 

    شەشۋشى، وزەكتى تەحنيكالاردان كۇش سالا قامال الىپ، عىلىم - تەحنيكانىڭ اسقار شىڭىنا باتىلدىقپەن شىعىپ، ەلىمىزدى دۇنيە جۇزىندەگى عىلىم - تەحنيكادا قۋاتتى ەل ەتىپ قۇرىپ شىعۋ جولىندا جاڭا دا اناعۇرلىم زور ۇلەس قوسايىق

    جاۋاپ حات

    يۋان لۇڭپيڭ، جۇڭ نانشان، يە پەيجيان قاتارلى 25 جولداسقا:

    سالەمەتسىزدەر، حاتتارىڭىزدى تاپسىرىپ الدىم. كوپشىلىكتىڭ جاڭالىق اشۋ، جاسامپازدىق جاراتۋ وي تولعامدارى مەن امالياتى جاڭا داۋىردە ەلىمىزدەگى قالىڭ عىلىم - تەحنيكا قىزمەتكەرلەرىنىڭ وتاننىڭ ءۇمىتىن اقتاۋعا بەل بۋعان ىقىلاس - پەيىلىن ايگىلەدى. ”مەملەكەتتىك عىلىم - تەحنيكا قىزمەتكەرلەرى كۇنى“ كەلۋ قارساڭىندا، سىزدەرگە، بۇكىل ەلدەگى عىلىم - تەحنيكا قىزمەتكەرلەرىنە ىقىلاستى سالەم جولدايمىن!

    جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇش، عىلىم - تەحنيكا − قيىنشىلىقتى جەڭۋدەگى پارمەندى قارۋ. توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، بۇكىل ەلدەگى عىلىم - تەحنيكا قىزمەتكەرلەرى قيىندىققا قارسى اتتانىپ، قامال الىپ، قيىندىقتاردى جەڭىپ، كلينيكالىق قۇتقارۋ - ەمدەۋ، ۆاكسينا زەرتتەۋ - اشۋ، زاتتىق ماتەريالدارمەن قامتاماسىز ەتۋ، ءىرى ساندى مالىمەتتەن پايدالانۋ سياقتى جاقتاردا كۇندى تۇنگە جالعاپ قامال الىپ، ىندەتتەن ساقتانۋ - تىزگىندەۋ كۇرەسىن عىلىم - تەحنيكالىق تىرەكپەن قامتاماسىز ەتتى. بۇكىل ەلدەگى عىلىم - تەحنيكا قىزمەتكەرلەرىنىڭ تاڭداۋلى ءداستۇردى ساۋلەلەندىرىپ، جاڭالىق اشۋ سەنىمىن بەكەمدەپ، شەشۋشى، وزەكتى تەحنيكالاردان كۇش سالا قامال الىپ، ءوندىرىستىڭ، وقىتۋدىڭ، زەرتتەۋدىڭ تەرەڭ توعىسۋىن جەبەپ، عىلىم - تەحنيكانىڭ اسقار شىڭىنا باتىلدىقپەن شىعىپ، ەلىمىزدى دۇنيە جۇزىندەگى عىلىم - تەحنيكادا قۋاتتى ەل ەتىپ قۇرىپ شىعۋ جولىندا جاڭا دا اناعۇرلىم زور ۇلەس قوسۋىن ءۇمىت ەتەمىن.

    شي جينپيڭ

    2020 - جىلى 5 - ايدىڭ 29 - كۇنى

    (شينحۋا اگەنتتىگىنىڭ 5 - ايدىڭ 29 - كۇنى بەيجيڭنەن بەرگەن حابارى)

جاۋاپتى رەداكتور: گۇلدەن ماقسات قىزى