عىلىم – تەحنيكا ارناۋلى قىزمەتكەرى ەگىنشىلەردىڭ كىرىسىن ارتتىرىپ اۋقاتتاندىرۋدىڭ جەبەۋشىسىنە اينالدى

  • كەلۋ قاينارى: ىلە گازەتى
  • 04:04:08 01/06/2020

    «شۇي جۇڭچياڭنىڭ كوپتەگەن تەحنيكاسى ەرەكشە قولدانىلمالى، بارلىعى ونىڭ ءوندىرىستىڭ الدىڭعى شەبىندە ءجۇرىپ ۇزاق ۋاقىت جيناقتاعان تاجىريبەسى بولىپ، ول كوكونىس ەگەتىن ەگىنشىلەردىڭ ءوندىرىس ۋاقىتىن ۇنەمدەدى» دەدى ارحيۆتەستىرىلىپ، كارتوچكالاندىرىلعان كەدەي وتباسى پۋ فاشيان تىلشىگە. ول 2016 – جىلدان باستاپ حۋاگوشان جىلىجاي بازاسىندا كوكونىس ەككەن بولاتىن، شۇي جۇڭچياڭنىڭ ۇسىنىسى بويىنشا، ول قىستا جىلىجايدا قىزىل بۇرىش ەگۋگە كىرىستى، شۇي جۇڭچياڭ وعان ەگىمشىلىك تەحنيكاسىن ءبىر – بىرلەپ ۇيرەتتى، تۇقىم سارالاۋ، ەگۋ، سۋارۋ، تىڭايتقىش بەرۋدەن ءشوبىن وتاۋ، كوكونىس ۇزۋگە دەيىنگى جالپى بارىسقا تەحنيكالىق جاقتان جەتەكشىلىك ەتتى، وسى سەبەپتەن ونىڭ ەككەن قىزىل بۇرىشىندا دەرت – دەربەز از، ءونىم مولشەرى جوعارى بولدى، ءبىر جىلدا ەكى رەت ءونىم الىپ، جىلدىق كىرىسىن 40 مىڭ يۋانعا جەتكىزدى، قازىر پۋ فاشيان كەدەيلىكتەن الدەقاشان ارىلىپ بولدى.

    شۇي جۇڭچياڭ تەحنيك بولىپ تۇرعان مەزگىلدە ءار جىلى كوكونىس ەگەتىن ەگىنشىلەرمەن ءتۇسىمى از، ءونىمى تومەن جىلىجاي قالتقىسىنا تەحنيكالىق قىزمەت وتەۋ توقتامىن جاساستى، ءار جىلى 3 – 5 وتباسىنداعى ەگىمشىلىك ورەسى تومەن كوكونىس ەگىنشىلەرىن ەگىمشىلىك شەبەرى ەتىپ باۋلىدى. قازىرگە دەيىن ءتۇسىمى از، ءونىمى تومەن 120 جىلىجاي قالتقىسىنا تەحنيكالىق جاقتان قىزمەت وتەپ، 30 وتباسىن ەگىمشىلىك شەبەرى ەتىپ تاربيەلەپ، 300 دەن استام ادامدى اۋقاتتانۋعا باستادى.

    قورعاس اۋدانى چيڭشۇيحى قالاشىعىنىڭ بۇل ارناۋلى عىلىم – تەحنيكا قىزمەتكەرى ارحيۆتەستىرىلىپ، كارتوچكالاندىرىلعان كەدەي وتباسىلارىن كەدەيلىكتەن ارىلتىپ اۋقاتتانۋعا باستاۋدىڭ جاڭا ۇلگىسىنە اينالدى.

جاۋاپتى رەداكتور: گۇلدەن ماقسات قىزى