رايونىمىزدان 4 عىلىم - تەحنيكا قىزمەتكەرى مەملەكەتتىك 2 - كەزەكتى جاڭالىق اشىپ، ۇزدىك بولۋعا تالپىنۋ سيلىعىنا يە بولدى  

  • كەلۋ قاينارى: شينجياڭ گازەتى تورابى
  • 09:19:32 01/06/2020

  

     گازەتىمىزدىڭ جالپىلىق اقپارات قۇرالدارى ءتىلشىسى شيە حۇيبيان 5 - ايدىڭ 30 - كۇنى ۇرىمجىدەن حابارلايدى. 5 - ايدىڭ 30 - كۇنى مەملەكەتتىك 2 - كەزەكتى جاڭالىق اشىپ، ۇزدىك بولۋعا تالپىنۋ سيلىعىنىڭ يەگەرلەرى جاريالاندى، رايونىمىزدان 4 عىلىم - تەحنيكا قىزمەتكەرى وسى ەرەكشە داڭققا يە بولدى. مۇندا جۇڭگو عىلىم اكادەمياسى شينجياڭ ەكولوگيا جانە جاعراپيا زەرتتەۋ ورنىنان شياۋ ۋىنجياۋ مەملەكەتتىك جاڭالىق اشىپ، ۇزدىك بولۋعا تالپىنۋ مەدالىنا يە بولدى، شينجياڭ داشۋەسىنەن فاڭ چۋاڭلين، شينجياڭ ەگىن شارۋاشىلىعى عىلىم اكادەمياسى ەگىس داقىلدارى سورتى بايلىعىن زەرتتەۋ ورنىنان شۇي لين، تارىم داشۋەسىنەن چي چىڭنيان مەملەكەتتىك جاڭالىق اشىپ، ۇزدىك بولۋعا تالپىنۋ سيلىق كۋالىگىنە يە بولدى.

    وسى كەزەكتى مەملەكەتتىك جاڭالىق اشىپ، ۇزدىك بولۋعا تالپىنۋ سيلىعى ىندەتتەن ساقتانۋ - تىزگىندەۋ، كەدەيلىكتەن ارىلتۋدان قامال الۋ، نەگىزدىك زەرتتەۋ جانە الدىڭعى لەكتە ىزدەنىس جاساۋ، كەلەلى جابدىق جانە ينجەنەريالىق قامال الۋ، تابىستاردى كادەگە جاراتۋ جانە جاڭالىق اشىپ، شارۋاشىلىق قۇرۋ، قوعامدىق قىزمەت وتەۋ سياقتى جاقتاردا كورنەكتى ۇلەس قوسقان كوللەكتيۆتەر مەن جەكەلەردى ماراپاتتاۋ ءۇشىن بەرىلدى.

    رايونىمىزدان سيلىققا يە بولعان 4 عىلىم - تەحنيكا قىزمەتكەرى تۇگەلدەي تۇرلىشە سالالاردا كورنەكتى ۇلەس قوسقاندار. شياۋ ۋىنجياۋ ۇزاق ۋاقىت بويى شوگىندى جەر قۇرىلىمى ءىلىمىن زەرتتەۋىمەن شۇعىلدانىپ، تاۋ قالىپتاسۋ رولى مەن قۇرلىقتىڭ قالىڭداۋ مەحانيزمىنىڭ حالىقارالىق الدىڭعى لەگىن كوزدەپ، تاۋ قالىپتاسۋ بەلدەۋى قۇرىلىمى جانە ۋاقىت شەگى، تاۋ قالىپتاسۋ فورماسى مەن قۇرلىقتىڭ قالىڭداۋ مەحانيزمى سياقتى شەشۋشى عىلىم ماسەلەلەرىن ارقاۋ ەتىپ، جۇڭگونىڭ سولتۇستىگىندەگى جانە كورشىلەس وڭىرلەردەگى قۇبا ءتۇز، تاۋلى وڭىرلەردە جۇيەلى زەرتتەۋ ورىستەتىپ، ورتا ازيا تاۋ قالىپتاسۋ بەلدەۋى قۇرىلىم جۇلگەسى مەن قۇرلىقتىڭ قالىڭداۋ مەحانيزمى سياقتى سالالاردا جۇيەلى جاسامپازدىق تابىستارعا قول جەتكىزدى. فاڭ چۋاڭلين نەگىزىنەن قالا گەوگرافياسىن، قالا شوعىرىنىڭ دامۋى مەن قالا - قالاشىقتانۋداعى بايلىق ورتا اسەرى جونىندە وقىتۋ جانە زەرتتەۋ قىزمەتىمەن شۇعىلدانىپ، مەملەكەتتىك كەڭەسكە ىلگەرىندى - كەيىندى نەشە 10 ماڭىزدى كەڭەس بايانداماسىن نەمەسە كەلەلى جوبا ۇسىندى، قاتىستى پىكىرلەرى مەن ۇسىنىستارى جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن ىلگەرىلەتۋگە، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە كورنەكتى ۇلەس قوستى. شۇي لين 2017 - جىلدان باستاپ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە قاتىناسىپ، كاسىپ سالاسى ارقىلى كەدەيلەردى سۇيەمەلدەۋ بارىسىندا، ”N+1“ ۇلگىسىندەگى اۋلا شارۋاشىلىعى كاسىپ سالاسىنىڭ ىرگەسىن قالاپ، شارۋالاردىڭ كىرىستى ارتتىرۋىن جەبەدى؛ اۋىل شارۋاشىلىعى ەگىمشىلىك قۇرىلىمىن ۇزدىكسىز ساپالىلاندىرىپ رەتتەپ، ”ءبيداي ساپالى تۇقىمىن جەتىلدىرۋ + قايتالاي سوك ەگۋ“ كاسىپ سالاسىن دامىتتى؛ جەمىس - جيدەك، كوكونىس، گۇل مايساسىن جەتىلدىرۋ كاسىپ سالاسىن زور كۇشپەن دامىتىپ، قىستاق كوللەكتيۆى شارۋاشىلىعىن زورايتىپ، قىستاق تۇرعىندارىن بايۋ جولىنا ءتۇسىردى. چي چىڭنيان مال شارۋاشىلىعى ماماندىعىن وقىتۋ، عىلمي زەرتتەۋ قىزمەتىمەن شۇعىلدانىپ، تالاي جىل بيڭتۋان ليان - دۇيلەرىنىڭ عىلىم - تەحنيكا ارقىلى كەدەيلەردى سۇيەمەلدەۋ ءبىرىنشى شەبىنەن تاپجىلماي، مال شارۋاشىلىعى باعىمشىلىعىن باسقارۋ جانە تەحنيكالىق جەتەكتەۋ ورىستەتىپ، جاڭا ءناسىلدى، جاڭا تەحنيكانى جانە جاڭا كوزقاراستى كەدەي ليان - دۇيلەرگە جەتكىزىپ، قيىنشىلىعى بار بۇقارانىڭ كەدەيلىكتەن ارىلىپ، اۋقاتتانۋىنا كومەكتەستى.

جاۋاپتى رەداكتور: گۇلدەن ماقسات قىزى