دامۋ سىندى وسى ”باس كىلتتى“ مىقتى يگەردى

  • كەلۋ قاينارى: شينجياڭ گازەتى تورابى
  • 01:54:58 05/06/2020

    ءۇرىمجى حالىقارالىق قۇرلىق پورتى اۋماعى ءار كۇنى قاربالاس. قازىر 2000نان استام كاسىپورىن ءۇرىمجى حالىقارالىق قۇرلىق پورتى اۋماعىنا جايعاسقان.

    دوڭعالاقتاردىڭ زىمىراۋىمەن، شينجياڭ جىبەك جولى ەكونوميكالىق بەلدەۋىنىڭ وزەكتى رايونى قۇرىلىسى ۇزدىكسىز ىلگەرىلەۋدە. بيىل 3 - ايعا دەيىن، رايونىمىز جۇڭگو - ەۆروپا كەزەكشى پويەزىنان 3268ىن جونەلتىپ، جىلدىق ورتا ەسەپپەن %80تەن استام ارتتىردى. 2014 - جىلدان 2019 - جىلعا دەيىن، بۇكىل رايون 129 ميلليارد 690 ميلليون دوللار سىرتقى ساۋدا سوماسىن ورىنداپ، 190 مەملەكەت جانە وڭىرمەن ەكونوميكا - ساۋدا بارىس - كەلىسىن ورىستەتتى.

    سيفردىڭ استارىندا جىبەك جولى ەكونوميكالىق بەلدەۋى وزەكتى رايونىنىڭ جالىندى ومىرشەڭدىگى جاتىر. ءۇرىمجى حالىقارالىق قۇرلىق پورتى اۋماعى، اۋەجاي ماڭى ەكونوميكالىق اۋماعى جانە شەكارا اتتاعان ەلەكتروندىق ساۋدا سىناق اۋماعى قۇرىلىسىنىڭ قارقىنى ارتتىرىلىپ، قاشقار، قورعاس ەكونوميكالىق اشۋ رايوندارىنىڭ نەگىزدىك قۇرىلعىلارى ۇزدىكسىز كەمەلدەنىپ، كاسىپ سالالارىن شوعىرلاندىرۋ قۋاتى ورنىقتى جوعارىلادى. 6 جىلدان بەرى، شينجياڭ جاپپاي ىلگەرىلەتۋ، ءتۇيىندى قامال الۋ سىندى وي جەلىسىنە تاباندى بولىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ ىشكەرىلەۋى مەن ناقىلانۋىن، ورنىقتىلىعىن، باياندىلىعىن ۇزدىكسىز ىلگەرىلەتتى.

    مەملەكەت قاقپاسىنىڭ باتىسىندا بارعان سايىن كوپ ەل جۇڭگونىڭ شينجياڭى ازىرلەگەن قىزمەت وتەۋلەردەن يگىلىكتەندى. بۇل كۇندەرى شينجياڭنىڭ شەكارا اتتاعان قاشىقتان ەمدەۋ قىزمەت وتەۋ تۇعىرى ورتا ازيا ەلدەرىنىڭ نەشە ونداعان شيپاحاناسىمەن تۇتاستىرىلىپ، جۇڭگو شينجياڭىنىڭ ءارقايسى ەمدەۋ قۇرىلىمدارىنىڭ توڭىرەكتەگى ەلدەرگە باعىتتالعان قاشىقتان بىرىگىپ دياگنوز قويۋ ۇدايىلانعان كاسىبىن جۇزەگە اسىرىپ، ەلىمىز بەن توڭىرەكتەگى جانە جەلى بويىنداعى ەلدەردىڭ ەمدەۋ - دەنساۋلىق ساقتاۋ سالاسىندا ءوزارا تيىمدىلىك جەتكىزىپ، ورتاق يگىلىكتەنۋىن جەبەدى.

    قورعاس شەكارا وتكەلىندە قاتار - قاتار تىزىلگەن جۇڭگو - ەۆروپا كەزەكشى پويەزدارى بەينە ”قۇرىش كەرۋەندەي“ ازيا - ەۆروپانى تۇتاستىرعان حالىقارالىق اشىق ۇلكەن جولعا قادام تاستادى؛ الاتاۋ ساعاسى، ”جىل سايىن كوكتەمنەن قىسقا دەيىن بوران سوعاتىن“ تاتىر دالادان جىبەك جولى ەكونوميكالىق بەلدەۋىنىڭ ماڭىزدى تورابىنا اينالدى. شينجياڭنىڭ ورىن، شەكارا وتكەلى باسىمدىعى ەكونوميكالىق دامۋ باسىمدىعىنا ۇزدىكسىز اينالۋدا.

    جىبەك جولى ەكونوميكالىق بەلدەۋى وزەكتى رايونىنىڭ قاتىناس تورابى ورتالىعى، ساۋدا زات اينالىمى ورتالىعى، وڭىرلىك فينانس ورتالىعى، مادەنيەت، عىلىم - تەحنيكا، وقۋ - اعارتۋ ورتالىعى، ەمدەۋگە قىزمەت وتەۋ ورتالىعى قۇرىلىستارىنىڭ ورنىقتى ىلگەرىلەتىلۋىنە بايلانىستى، شينجياڭ بۇرىنعى ىشكى قۇرلىقتىق ”قالتارىستان“ مەملەكەتتىڭ باتىسقا ەسىك اشۋداعى قاقپاسىنا جانە الدىڭعى شەبىنە اينالدى، سوڭعى ورىننان ورتاداعى توراپقا اينالدى، جىبەك جولى ەكونوميكالىق بەلدەۋىنىڭ توراپتىق بەكەت رولىن، ەلىمىزدىڭ باتىسقا ەسىك اشۋداعى ماڭىزدى قاقپاسى جانە ستراتەگيالىق بيىگى رولىن، رەفورمانى الدىمەن اتقارىپ، الدىمەن سىنايتىن سىناق ءوڭىرى رولىن بىرتىندەپ ساۋلەلەندىرۋدە.

جاۋاپتى رەداكتور: گۇلدەن ماقسات قىزى