دامۋ سىندى وسى ”باس كىلتتى“ مىقتى يگەردى

  • كەلۋ قاينارى: شينجياڭ گازەتى تورابى
  • 01:54:58 05/06/2020

    بازاردىڭ جاڭا ومىرشەڭدىگىن قاۋلاتتى

    وتكەن 6 جىلدا، اسپانى اشىق، جەرى جاسىل، سۋى تۇنىق بولىپ، شينجياڭنىڭ ەكولوگيالىق ورتاسى ۇزدىكسىز جاقساردى، سونىمەن بىرگە تيانشاننىڭ وڭتۇستىگى مەن سولتۇستىگىندەگى كۇن سايىن ساپالىلانعان شارۋاشىلىق - ساۋدا ورتاسى دا جاقسارا ءتۇستى.

    نەبارى 3 كۇندە ۇرىمجىدەگى دەربەس شارۋاشىلىق قۇرۋشى زۇلىپقار ءراجاپ سەرىكتەستىكتىڭ تيجارات جۇرگىزۋ كۋالىگىن الدى. ”بۇل مەنىڭ ويلاعانىمنان الدەقايدا اسىپ ءتۇستى“، - دەدى زۇلىپقار. ۇزدىكسىز تەرەڭدەتىلگەن ”تومەنگە بەرۋ، باسقارۋ، قىزمەت وتەۋ“ رەفورماسى ءۇرىمجى كاسىپورىندارىنىڭ قۇرىلۋ ۋاقىتىن ەڭ باستابىنداعى 30 كۇننەن بۇگىنگى كۇنى 3 قىزمەت كۇنىنە قىسقارتتى.

    اۆتونوميالى رايوننىڭ ءبىر تۇلعالاندىرىلعان جەلىلىك اكىمشىلىك ىستەر تۇعىرىنىڭ جەلىگە قوسىلىپ جۇمىس جۇرگىزۋىنە وراي، اكىمشىلىك ىستەرى قىزمەت وتەۋى تۇتاس بارىستا جەلىدە ءبىتىرۋدى جۇزەگە اسىرىپ، سالىقتى ازايتىپ، اقىنى تومەندەتۋ سياقتى تيىمدىلىك ساياساتتارى دا جىلدام تياناقتاندىرىلىپ، تەك 2019 - جىلدىڭ وزىندە بازار نەگىزگى تۇلعالارى ءۇشىن 26 ميلليارد 290 ميلليون يۋان سالىق اقىسىن ازايتتى، كەشىرىم ەتتى. كوپتەگەن ساياساتتاردىڭ ىلگەرىلەتۋىندە، شينجياڭ بازارىنىڭ ومىرشەڭدىگى ۇزدىكسىز ارتىپ، بايلىق فاكتورى ناقتى ەكونوميكاعا ۇزدىكسىز شوعىرلاندىرىلدى. ونەركاسىپتىڭ ەكونوميكالىق ناقتى قۋاتى كورنەكتى ارتتىرىلدى، ساۋدا زات اينالىمى، ەلەكتروندىق ساۋدا، فينانستىق قىزمەت وتەۋ، سالاماتتىق بويىنشا قارتتاردى كۇتۋ سياقتى وسى زامانعى قىزمەت وتەۋ كاسىپتەرى جەدەل دامىپ، 3 - كاسىپتىڭ ەكونوميكانىڭ ارتۋىنا ۇلەس قوسۋ مولشەرى %63.3كە جەتتى.

    2019 - جىلى7 - ايدىڭ 31 - كۇنى قاشقار (جاڭا ءشار) - قاعىلىق - قاراقاش جوعارى قارقىندى تاس جولىنىڭ 2 - مەرزىمدىك ينجەنەرياسىندا رەسمي كولىك قاتىناپ، بۇكىل رايونداعى بارلىق ايماق، وبلىس، قالالار جوعارى قارقىندى تاس جول داۋىرىنە قادام تاستادى. وسىدان بۇرىنعى 2 ايدا قارامايلىدان شاۋەشەككە دەيىنگى تەمىر جول اشىلىپ، شينجياڭداعى ەڭ سوڭعى ءبىر ايماق، وبلىستىڭ ورتالىق قالاسىنا پويەز قاتىناماۋ تاريحى اياقتادى. زەڭگىر كوككە كوز جىبەرسەك، ۇزدىكسىز جيىلەگەن اۋەدەگى قاتىناس لەنياسى شينجياڭنىڭ جەر - جەرىنىڭ ارالىعىن جاقىنداتىپ، جۇڭگونىڭ شينجياڭى مەن دۇنيە ءجۇزىن تىعىز تۇتاستىردى.

    نەگىزدىك قۇرىلعىلاردىڭ كۇن سايىن كەمەلدەنۋى، شارۋاشىلىق - ساۋدا ورتاسىنىڭ ۇزدىكسىز ساپالىلانۋى بازار نەگىزگى تۇلعالارىنىڭ قارجى قوسىپ، كاسىپتى كوركەيتۋ سەنىمىن ارتتىردى، سونىمەن بىرگە ەكونوميكالىق دامۋدىڭ نەگىزىن بەكەمدەي ءتۇستى. 2014 - جىلى شينجياڭ 927 ميلليارد 346 ميلليون يۋاندىق وڭىرلىك ءوندىرىس جالپى ءونىم قۇنىن ورىندادى، 2019 - جىلى شينجياڭنىڭ رايوندىق ءوندىرىس جالپى ءونىم قۇنى ءبىر تريلليون 359 ميلليارد 711 ميلليون يۋانعا جەتتى، تۇراقتى باعا بويىنشا ەسەپتەگەندە، جىلدىق ورتاشا ارتۋى %7.7 بولدى.

جاۋاپتى رەداكتور: گۇلدەن ماقسات قىزى