ەلەكترلى كولىكتەردى زاريادتاۋ قوندىرعىسىن ورناتۋ جەدەلدەتىلىپ، «جاڭاشا نەگىزدىك قۇرىلعىلار قۇرىلىسى» جاڭا ەكونوميكانى جەبەدى

  • كەلۋ قاينارى: ىلە گازەتى
  • 02:57:18 05/06/2020

 

    ءتىلشىمىز جي شيانفىڭ، ەرىكتى ءتىلشى باي يۇي حابارلايدى. 5 – ايدىڭ 25 – كۇنى قۇلجا قالاسى حۇڭيۋان توبىنىڭ 7 – ءنومىرلى شاعىن اۋماعىنداعى اۆتوكولىك توقتاتۋ الاڭىندا جاڭادان جۇلكەسى ورناتىلعان ەلەكترلى كولىكتەردى زاريادتاۋ قوندىرعىسى شاعىن اۋماق تۇرعىندارىن بارىنشا باۋرادى. «كولىكتى زاريادتاۋعا ءبىر ساعاتتان استام ۋاقىت عانا جۇمسالا ما؟ نەدەگەن قولايلى...». شاعىن اۋماق تۇرعىندارىنىڭ اۆتوكولىك زاريادتاۋ جونىندەگى تالقىسى سول كۇنگى قىزۋ تاقىرىپقا اينالدى.

    «جاڭاشا نەگىزدىك قۇرىلعىلار قۇرىلىسىن كۇشەيتۋ، جاڭا بۋىن ينفورماتسيا تورابىن دامىتۋ، 5G دىڭ قولدانىلۋ اۋماعىن كەڭەيتۋ، ەلەكترلى كولىكتەردى زاريادتاۋ قوندىرعىسىن ورناتۋ، جاڭا ەنەرگيالى اۆتوكولىكتەردى جالپىلاستىرۋ، جاڭا تۇتىنۋ سۇرانىسىنا دەم بەرۋ، كاسىپ سالالارىنىڭ دارەجەسىن جوعارىلاتۋىنا كومەكتەسۋ...». 5 – ايدىڭ 22 – كۇنى «جاڭاشا نەگىزدىك قۇرىلعىلار قۇرىلىسى» ۇكىمەتتىڭ قىزمەت بايانداماسىنا تۇڭعىش رەت ەنگىزىلگەندىگى كوپتىڭ نازارىن اۋداردى. «بيىلعى ۇكىمەتتىڭ قىزمەت بايانداماسىندا <ەلەكترلى كولىكتەردى زاريادتاۋ تۇعىرىن ورناتۋ>، ‹جاڭا ەنەرگيالى اۆتوكولىكتەردى جالپىلاستىرۋ› سياقتى شارالار العا قويىلدى، بۇدان كەيىن ەلەكترلى كولىكتەردى زاريادتاۋىمىزعا ءتىپتى دە قولايلى بولدى» دەدى قالا تۇرعىنى چىن مىرزا جاڭا ەنەرگيالى اۆتوكولىگىن قۇلجا قالالىق مادەنيەت باقشاسىنداعى ەلەكترلى كولىكتەردى زاريادتاۋ تۇعىرىنان زاريادتاپ جاتىپ. ول بۇدان كەيىن جاڭا ەنەرگيالى اۆتوكولىكتىڭ پايدالانۋعا تۇسۋىنە زور ءۇمىت ارتتى.

    ءتىلشىنىڭ مەملەكەتتىك ەلەكتر تورابى ىلە ەلەكترمەن قامداۋ سەرىكتىگىنەن ۇعىسۋىنشا، بيىل بۇل سەرىكتىك بۇرىنعى نەگىزدە قۇلجا قالاسى كولەمىندە جاڭادان 15 تۇراقتى ەلەكترمەن زاريادتاۋ تۇعىرىن ورناتىپ، قوعامدىق كاپيتالدى باۋراۋ ارقىلى جەتەۋىن سالىپ، زەردەلى قاتىناسقا، جاسىل ءتۇستى ساپارلاۋعا بار كۇشپەن قىزمەت وتەۋدى جوسپارلاعان. «توقتاۋسىز 40 كيلومەتر جول باساتىن ەلەكترلى اۆتوكولىككە اينىمالى ەلەكتر زاريادتاۋ تۇعىرىنان 9 دا 10 ساعات ەلەكتر زاريادتالسا، ال تۇراقتى ەلەكتر زاريادتاۋ تۇعىرىنان 1 – 1.5 ساعاتتا – اق ەلەكتر زاريادتاۋعا بولادى. كولىكتى تەز زاريادتاۋ مەن باياۋ زاريادتاۋدىڭ پارقى مىنە وسىندا. جاڭادان ورناتىلعان زاريادتاۋ تۇعىرىنان كولىك زاريادتاعاندا ۋاقىتتان الاڭداۋدىڭ قاجەتى جوق» دەدى سەرىكتىكتىڭ قىزمەتكەرى لو جىن – ي.

    قازىر مەملەكەتتىك ەلەكتر تورابى ىلە ەلەكترمەن قامداۋ سەرىكتىگى جۇيەسىندە جالپى 269 زاريادتاۋ تۇعىرى بار. ورناتىلىپ، پايدالانۋعا بەرىلگەن زاريادتاۋ تۇعىرلارىن مەملەكەتتىك ەلەكتر تورابى ىلە ەلەكترمەن قامداۋ سەرىكتىگىندەگى پارتيا مۇشەلەرى قىزمەت وتەۋ اترەتى مەرزىم بويىنشا شارلاپ تەكسەرىپ، كولىك زاريادتاۋشىلاردان جاعداي ۇعىسىپ، پايدالانۋ بارىسىنداعى ماسەلەلەردى ۋاعىندا بايقاپ، ەلەكتردەن پايدالانۋدا بايقالعان كومەسكى حاۋىپتەرىمىزدى دەر كەزىندە ەسكەرتىپ جانە تۇزەتىپ وتىرادى.

جاۋاپتى رەداكتور: گۇلدەن ماقسات قىزى