ەلەكترلى كولىكتەردى زاريادتاۋ قوندىرعىسىن ورناتۋ جەدەلدەتىلىپ، «جاڭاشا نەگىزدىك قۇرىلعىلار قۇرىلىسى» جاڭا ەكونوميكانى جەبەدى

  • كەلۋ قاينارى: ىلە گازەتى
  • 02:57:18 05/06/2020

    ساناققا قاراعاندا، وبلىسقا توتە قاراستى ورىندار بويىنشا 4 مىڭ 637 جاڭا ەنەرگيالى اۆتوكولىك بار ەكەن، جاڭادان ورناتىلاتىن ەلەكتر زاريادتاۋ تۇعىرلارىنىڭ تەز پايدالانۋعا بەرىلۋىنە مۇمكىندىك جاراتۋ ءۇشىن، مەملەكەتتىك ەلەكتر تورابى ىلە ەلەكترمەن قامداۋ سەرىكتىگى زاريادتاۋ نەگىزدىك قۇرىلعى قۇرىلىسىنا قوسىلىم تەبىنىن ارتتىرىپ، ينجەنەريا نىسانىنىڭ قارقىنىنا دەر كەزىندە قۋزاۋشىلىق ەتىپ، جاڭا ەنەرگيالى اۆتوكولىك زاريادتاۋ تۇعىرىنىڭ ەرتەرەك ورناتىلىپ، پايدالانۋعا بەرىلۋىن جەبەگەن. سونىمەن بىرگە، «ينتەرنەت + ەلەكتروندىق اۆتوكولىك» وي جەلىسى ۇلگىسىنەن پايدالانۋ جونىندە ىزدەنىس جاساپ، كولىك زاريادتاۋعا الدىنا الا كەلىسۋ، قولفوندا اقى تولەۋ جاقتارىنان ءتىپتى دە قولايلى، يكەمدى قىزمەت وتەمەك، سونداي – اق تەرەزەلىك قىزمەت وتەۋشى قىزمەتكەرلەردى كولىك زاريادتاۋ تۇعىرى كاسىبىن يگەرۋ كۋرسىنا قاتىناستىرادى جانە ساپالى قىزمەت وتەۋ جاعىندا تاربيەلەيدى.

    چاپچال سىبە اۆتونوميالى اۋداندىق جولاۋشى تاسىمال بەكەتىندە 30 جىلعا جۋىق الەۋمەتتىك قاتىناس شوفەرى بولىپ ىستەگەن ي جى – بين بىلاي دەدى: «ەلەكترلى اۆتوكولىكتىڭ قوزعالۋى ورنىقتى، داۋىسى تومەن، ونىڭ ۇستىنە ورتانى بىلعامايدى. مەن ءار كۇنى 4 رەت بارىپ – كەلىپ، 160 كيلومەتر جول جۇرەمىن، كەشتە كولىكتى زاريادتاعانعا دەيىن تاعى %40 - %50 ەلەكتر قورى قالادى. بۇرىن ءار كۇنى كەم دەگەندە 100 يۋاندىق گاز قۇيۋشى ەدىم، قازىر 3 ساعات زاريادتاساق، كۇندەلىكتى حاۋىپسىز تاسىمال قاجەتىن قاناعاتتاندىرا الامىز، ەسەپتەپ كورسەك، ءبىر كۇندە 70 نەشە يۋان ۇنەمدەلەدى ەكەن».

    ۇعىسۋعا قاراعاندا، مەملەكەتتىك ەلەكتر تورابى ىلە ەلەكترمەن قامداۋ سەرىكتىگى تاعى تۇلعالاندىرىلعان قىزمەت وتەۋدى بىرتىندەپ كەمەلدەندىرىپ، ەلەكترمەن قامداۋ قۇرىلعىلارىنىڭ اينالىمعا ءتۇسۋىن باسقارۋدى كۇشەيتىپ، جوعارى قارقىندىق تاس جولداعى، تۇرعىندار شاعىن اۋماعىنداعى كولىك زاريادتاۋ قۇرىلعى قۇرىلىسىن ساپالىلاندىرىپ، زەردەلى، جاسىل ءتۇستى، قولايلى، حاۋىپسىز جاڭا ەنەرگيادان پايدالانۋدى نىق قاداممەن ىلگەرىلەتەدى ەكەن.

جاۋاپتى رەداكتور: گۇلدەن ماقسات قىزى