ىرداۋحى قىستاعىنىڭ تۇرعىندارى اۋلاسىن «التىن تەكشەگە» اينالدىردى

  • كەلۋ قاينارى: ىلە گازەتى
  • 03:17:16 05/06/2020

    ما سۇنجىن تەبىرەنە تىلشىگە بىلاي دەدى: «ۇيدەن اتتاپ شىقپاي – اق ٴوندىرىستى دامىتا الۋىم، مۇگەدەك بولعان مەنىڭ بۇدان بىلايعى تۇرمىسقا دەگەن سەنىمىمدى ارتتىراتىنى تۇسىمە دە كىرمەگەن ەكەن، كىشكەنە كەزىمدە ناۋقاستان سال بولىپ، اياعىم يكەمگە كەلمەي قالدى، 16 جاستا ميى سالدانعان قىزىم جانە 7 - جىلدىقتا وقىپ جاتقان ۇلىم بار، سوندىقتان دا ايەلىم سىرتقا شىعىپ جۇمىس ىستەۋگە شاراسىز، تەك ۇيدە بالالارعا قارايلاسادى، ٴبىر ٴۇيلى جان ەڭ تومەنگى تۇرمىستى قامتاماسىزداندىرۋعا سۇيەنىپ كۇنەلتىپ كەلەمىز».

    2017 ـ جىلعا كەلگەندە قىستاق تۇرعىندار كوميتەتى ما سۇنجىننىڭ وتباسىن سۇيەمەلدەۋ ءۇشىن 2 سيىر، 10 قوي بەردى، باعۋعا قولايلى بولۋ ءۇشىن ول 10 قويدى ءبىر سيىرعا ايىرباستادى. وسىلايشا ەكى جىلدان استام ۋاقىت قۇنىتتاپ باعۋ ارقىلى بۇل 3 سيىردان 6 سيىرعا كوبەيەدى. ما سۇنجىن تىلشىگە: «وسى ەكى جىلدا قىستاق تۇرعىندار كوميتەتى ۇيىمداستىرعان كۋرسقا قاتىناسىپ، ەگىمشىلىك جانە باعىمشىلىق تەحنيكاسىن ۇيرەندىم» دەدى. 2018 ـ جىلى ول اۋلاسىنا 60 ٴتۇپ ساباعىندا قۇرعايتىن ورىك اعاشىن وتىرعىزدى، ورىك اعاشى 3 جىلدان كەيىن ٴونىم بەرەتىندىكتەن كەلەر جىلى - اق ونىمگە يە بولادى. اۋلاسىنا ەككەن كوكونىستەر ۇيىندەگىلەردىڭ تۇتىنۋىنا جەتىپ اسادى، جەپ تاۋىسا الماعاندارىن بازارعا سالادى، وسىلاي ەسەپتەگەندە، كىرىسىم از ەمەس، تۇرمىس جاعدايىم بارعان سايىن جاقسارۋدا» دەدى ما سۇنجىن قۋانىشپەن.

    «قازىر، قىستاقتاعى ارحيۆ تۇرعىزىلىپ، كارتوچكالاندىرىلعان كوپتەگەن كەدەي وتباسى<مەنى كەدەيلىكتەن ارىلتىڭدا> دەگەننەن<مەن كەدەيلىكتەن ارىلۋىم كەرەك> دەگەن ويعا بۇرىلىس جاساپ، وزدەرىنىڭ قوس قولدارىنا سۇيەنىپ، تۇرمىستارىن بارعان سايىن جاقسارۋدا» دەدى قىستاقتىڭ ٴبىرىنشى شۋجيى، وبلىستىق اكىمشىلىك قىزمەت وتەۋدى باسقارۋ مەكەمەسىنەن «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ باستىعى ما يۇڭ ماقتانىشپەن.

    وسىدان كەيىن ٴتىلشى قىستاق تۇرعىنى ما حۇڭمەيدىڭ ۇيىنە باردى. اۋلاعا كىرگەندە - اق اۋلانىڭ ءىشى تازا دا رەتتى ەكەنىن، تۇرمىس رايونىندا ءجۇزىم سورەسى اۋلاعا ءوز ءسانىن بەرىپ، شۇعىنىق، ٴتاجى گۇلدەرى جايناپ، ەگىمشىلىك رايونىنداعى ءبايساي، سيىر بۇرشاق، پاميدور سياقتى كوكونىستەردىڭ جايقالىپ تۇرعانىن، باعىمشىلىق رايونىنداعى تاۋىقتارىن كورىپ، 7 سيىرىنىڭ جايلاۋعا جىبەرىلگەنىن ۇعىستى. ما حۇڭمەي تىلشىگە: «بۇرىن وتباسىمىز ەگىمشىلىكپەن شۇعىلداناتىن، كۇيەۋىم سىرتقا شىعىپ ۇساق - تۇيەك جۇمىس ىستەپ ازىن – اۋلاق اقشا تاباتىن، 6 جىلدىڭ الدىندا مەن ومىراۋ راگىنا شالدىقتىم، باسقالارعا ٴجۇز نەشە مىڭ يۋان قارىز بولدىم، باعىما جاراي وسى بىرنەشە جىلدا پارتيا مەن ۇكىمەتتىڭ شىنايى قامقورلىعىندا ءبىر ءۇيلى جان كەدەيلىكتەن ارىلدىق» دەدى.

جاۋاپتى رەداكتور: گۇلدەن ماقسات قىزى