ىرداۋحى قىستاعىنىڭ تۇرعىندارى اۋلاسىن «التىن تەكشەگە» اينالدىردى

  • كەلۋ قاينارى: ىلە گازەتى
  • 03:17:16 05/06/2020

    ما حۇڭمەي كوڭىلىنە تۇيگەنىن بىلاي دەپ جەتكىزدى: «2017 ـ جىلى ۇكىمەت 30 مىڭ يۋاننان استام ٴۇي سالۋ قوسىمشا قاراجاتىن تاراتتى؛ 2019 - جىلى قىزمەت اترەتى ءبىزدىڭ اۋلا شارۋاشىلىعىمىزدى دامىتۋىمىزعا جەتەكشىلىك ەتتى. تۇرمىس رايونى، ەگىمشىلىك رايونى جانە باعىمشىلىق رايونى بويىنشا ءۇش رايونعا ٴبولىپ، ماۋسىمدىق كوكونىس ەكتىم ءارى ءۇي قۇستارىن باعۋدى بىرتىندەپ دامىتىپ، كوشە بويىنداعى ءبىر جاتىن ءۇيىمدى ەرەن بازارعا وزگەرتۋىمە كومەكتەستى؛ مەن تاعى 80 مۋ جەردى كوتەرمەگە الدىم، وتباسىمنىڭ ەكونوميكالىق كىرىسى ۇزدىكسىز ارتىپ، تۇرمىسىم بارعان سايىن جاقساردى. ەلدەن العان قارىز قايتتى، اۋلا جوباسىن دا ۇيلەسىمدى جاسادىم، ٴۇيدىڭ الدى - ارتىنداعى جەردى تولىق پايدالاندىم، تۇرمىس ساپام جوعارىلادى، سونداي - اق ءبىرشاما جاقسى ەكونوميكالىق ونىمدىلىك جارىققا شىقتى».

    قازىر قىستاقتا ءبىر مىڭ 502 وتباسى بار، مۇندا ارحيۆتەستىرىلىپ، كارتوچكالاندىرىلعان 52 كەدەي وتباسى تۇگەلدەي كەدەيلىكتەن ارىلدى. بىرنەشە جىلدان بەرى ىرداۋحى قىستاعى كەدەيلىكتەن ارىلتۋدان قامال الۋدىڭ كۇش سالۋ ٴتۇيىنىن ٴدال تاۋىپ، ەرىك ـ جىگەر، اقىل – پاراسات جاعىنان بىردەي سۇيەمەلدەۋگە تاباندى بولىپ، بۇقارانى كەدەيلىكتەن ارىلتىپ، اۋقاتتانۋ جولىندا «قان بەرۋدەن» «قان جاساۋ» رۋحىنا جەتەكتەپ، قىستاق تۇرعىندارىن اۋلا ەكونوميكاسىن دامىتۋعا شابىتتاندىرىپ، تەحنيكا، قارجى جاعىنان سۇيەمەلدەدى، وسى ارقىلى كوكونىس ەگۋ، وزىندىك ەرەكشەلىككە يە ورمان اعاشىن وتىرعىزۋ جانە باعىمشىلىق سياقتى كاسىپتەردى دامىتىپ، اۋلانى «التىن تەكشەگە» اينالدىرىپ، قىستاق تۇرعىندارىنىڭ سىرتقا اعىلماي، ءوز وتباسىندا شارۋاشىلىعىن شالقىتۋىنا جاعداي جاراتتى.

  

جاۋاپتى رەداكتور: گۇلدەن ماقسات قىزى