باجى كادرلارى «ۇلتتار ىنتىماعىنىڭ بەرەكەلى شاڭىراعى» اتىنداعى مەيىر باعىشتاۋ قيمىلىن ورىستەتتى

  • كەلۋ قاينارى: ىلە گازەتى
  • 03:44:58 05/06/2020

    ولار اۋلاداعى كوكونىس ءشوبىن وتاۋ، ءۇي جيناستىرۋ، قۋراعان اعاش بۇتاقتارىن تازالاۋ، اۋلا قاقپاسىن سىرلاۋ، جەر تەگىستەۋ، ءجۇزىم سورەسىن ورناتۋ سياقتى جۇمىستارعا كومەكتەستى. قۇلجا قالالىق باجى مەكەمەسىندەگى كادرلار تۇرعىنداردىڭ اۋلا تازالاۋىنا، كىر جۋۋىنا، كوكونىس ەگۋىنە، تۇرمىس ورتاسىن كورىكتەندىرۋىنە كومەكتەسىپ، تۇرعىنداردى كوركەم اۋلا قۇرۋعا بەلسەندىلىكپەن ات سالىسۋعا جۇمىلدىردى. «اۋلانى رەتتەپ، تازالاۋدىڭ، دەنساۋلىققا كوڭىل ءبولۋدىڭ ءوزى ءار ۇلت تۇرعىندارىنىڭ تۇرمىسىن اقاۋسىزداندىرۋ، كوڭىلدى قىزمەت ىستەۋ» دەدى قۇلجا قالالىق باجى مەكەمەسى قۇلجا باقشا رايونى شينحۋا باتىس جولى باجى بولىمشەسىنىڭ ورىنباسار باستىعى چۋان جىدۇڭ تىلشىگە.

    بۇرىن رەتسىز جاتقان اۋلاسىنىڭ رەتتەلىپ، ءۇي ءىشىنىڭ جارقىراپ تاپ - تازا بولىپ كەتكەنىن كورگەندە بيىل 70 تى ەڭسەرگەن شينحۋا شىعىس جولى 16 - تارماق كوشەسىنىڭ تۇرعىنى پاشاحان زۇنىن باجى كادرلارىنا ايرىقشا رازى بولىپ، العىس جاۋدىردى.

    قۇلجا قالالىق باجى مەكەمەسى ءتارتىپ تەكسەرۋ گرۋپپاسىنىڭ ورىنباسار گرۋپپا باستىعى ياڭ حى بىلاي دەدى: «‹ۇلتتار ىنتىماعىنىڭ بەرەكەلى شاڭىراعى› قيمىلىن ورىستەتۋ ارقىلى ءبىز تۇرعىندارمەن بولعان بارىس - كەلىستى جاقىنداتتىق، پاشاحاننىڭ ۇلى - ۇلتتار ىنتىماعى بويىنشا ماعان تۋىس بولعان وتباسى، مەن بۇدان بىلاي بارىس - كەلىستى، اۋىس - كۇيىستى، توعىسۋدى ۇزدىكسىز ىشكەرىلەي ورىستەتىپ، ولاردىڭ قيىنشىلىقتارىن ءىس جۇزىندىك ارەكەتىم ارقىلى شەشۋگە كومەكتەسىپ، تۇرعىندارعا پارتيا مەن ۇكىمەتتىڭ قامقورلىعىن سەزىندىرۋگە كۇش سالامىن».

    سول كۇنى بۇل مەكەمەنىڭ قىزىل ءتۇستى ءوسىپ - جەتىلۋ، كۇش - قۋات شوعىرلاندىرۋ، باجى تاپسىرۋعا قىزمەت وتەۋ، مەملەكەتكە بايلىق توپتاۋ، ۇشقىن ارمانى اتاعى بەرىلگەن 5 پارتيا ياچەيكاسى جەكە - جەكە ەرىكتى قىزمەت وتەۋ سياقتى فورمالارمەن «ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتتى.

    «جاقسى كۇن پارتيانىڭ جاقسى ساياساتىنان، جاقسى تۇرمىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىنان كەلگەن». قۇلجا قالالىق باجى مەكەمەسىنىڭ پارتكوم شۋجيى، مەكەمە باستىعى ۋاڭ شوۋفىڭ بىلاي دەدى: «ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتۋ ارقىلى ءار ۇلت بۇقاراسىن مادەنيەتتى، اقاۋسىز تۇرمىس ۇستانىمىن ورناتۋعا باستاپ، تاماشا تۇرمىس داعدىسىن قالىپتاستىرىپ، ۇلتتاردىڭ بارىس - كەلىس جاساۋ، ارالاسۋ، توعىسۋ ماقساتىن ورىنداۋعا جەتەكشىلىك ەتتىك. بيىل قۇلجا قالالىق باجى بەكەمەسى كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزۋ قىزمەتىندە ەرىك – جىگەر جاعىنان سۇيەمەلدەۋگە كۇش سالىپ، تۇرعىندارعا كوزبەن كورىپ، قولمەن ۇستايتىنداي ناقتى تيىمدىلىكتەر جەتكىزىپ، ءار ۇلت كادرلارى مەن تۇرعىندار اراسىنداعى سۇيىسپەنشىلىكتى كۇشەيتىپ، ولاردىڭ كەدەيلىكتى جەڭۋ سەنىمى مەن بەكىمىن نىعايتۋعا كومەكتەستى.

    قان قىسىمىن ولشەپ، B تيپتى ۆلترا دىبىس تولقىندى اسپابىمەن تەكسەردى، ءاربىر وتباسىنا بارعاندا ىلە مەينياندا دەنساۋلىق تەكسەرۋ ورتالىعىنىڭ قىزمەتكەرلەرى دەنساۋلىق تەكسەرۋ قىزمەتىن مۇقيات ىستەدى. ىلە مەينياندا دەنساۋلىق تەكسەرۋ ورتالىعى باس ديرەكتورىنىڭ كومەكشىسى جاۋ نا بىلاي دەدى: تۇرعىنداردىڭ دەنساۋلىق اقاۋسىزدىعىنا كوڭىل ءبولۋ، ءدارىنى ۇيلەسىمدى پايدالانۋ، اۋرۋدان ساقتانۋ سياقتى اقاۋسىزدىق بىلىمدەرى ارقىلى قۇلجا قالاسىنىڭ كەدەيلىكتەن ارىلتۋدان قامال الۋ قىزمەتىنە بار كۇشپەن سەلبەستىك. وسى رەتكى «ۇلتتار ىنتىماعىنىڭ بەرەكەلى شاڭىراعى» قيمىلىندا ءبىز 5 وتباسىنا قۇنى 400 يۋاندىق ءدارى - دارمەك، ءبىر قان قىسىمىن ولشەۋ اسپابىن، 50 ماسكا تارتۋ ەتىپ، وتباسىندا قيىنشىلىعى بار تۇرعىندارعا مەيىر باعىشتاپ، ولاردى سەنىم ورناتۋعا، تاماشا تۇرمىس جاراتۋعا جىگەرلەندىردىك.

جاۋاپتى رەداكتور: جازيرا بولاتباي قىزى