داعدارىس بارىسىندا وراي قاراستىرىپ، تىڭ سەرپىلىس جاساۋعا قۇلشىندى، قيىندىقتاردى ەڭسەرە ورگە ۇمتىلىپ، جاڭا جاعداي جاراتتى

  • كەلۋ قاينارى: شينجياڭ گازەتى تورابى
  • 03:44:36 05/06/2020

   

    − رايونىمىزدىڭ الدىڭعى 4 ايداعى سىرتقى ساۋداسىنا نازار

    گازەتىمىزدىڭ جالپىلىق اقپارات قۇرالدارى ءتىلشىسى چىن چياڭۋي

 

    ءۇرىمجى كەدەنىنىڭ ساندى مالىمەتتەرى بيىل الدىڭعى 4 ايدا شينجياڭنىڭ سىرتقى ساۋدا جالپى قۇنى ۇلكەن ورتانىڭ ىقپالىنا ۇشىراپ، جالپى تۇلعالىق جاقتان تومەندەگەن جاعداي جارىققا شىققاندىعىن كورسەتتى. الايدا داعدارىس ىشىندە وراي بار، ءىشىنارا سىرتقى ساۋدا جاڭا كاسىپتەرىندە كەرىسىنشە ءوسۋ جاعدايى كورىنىپ، قارىشتاپ دامۋدىڭ قوزعاۋشى قۋاتىن بايقاتتى.

    شەكارا اتتاعان ەلەكتروندى ساۋدا جوعارى قارقىنمەن ارتتى

    ءۇرىمجى كەدەنىنىڭ جاريالاعان ساندى مالىمەتتەرىنە نەگىزدەلگەندە، الدىڭعى 4 ايدا شينجياڭ شەكارا وتكەلدەرىنەن ەكسپورت ەتىلگەن شەكارا اتتاعان ەلەكتروندى ساۋدادا تىكە ساتىپ العان تاۋاردىڭ جالپى جيىنى 4 ميلليون 841 مىڭ دانا، تاۋار قۇنى شامامەن 16 ميلليون 609 مىڭ دوللار بولىپ، سايكەس مەزگىلدەگىدەن جەكە - جەكە 186 ەسە، 302 ەسە ارتقان.

    ”ءبىزدىڭ قازىرگى كەزەڭدە يەلەگەن ساندى مالىمەتىمىز بويىنشا قاراعاندا، 5 - ايدا رايونىمىزدىڭ شەكارا اتتاعان ەلەكتروندى ساۋدادا تىكە ساتىپ الىپ ەكسپورت ەتۋى ءالى دە جوعارى قارقىنمەن ارتۋ جاعدايىن ساقتاعان“، - دەدى ءۇرىمجى كەدەنىنىڭ شەكارا وتكەلدەردى باقىلاۋ - باسقارۋ باسقارماسىنىڭ باستىعى گۋان يۇڭ.

    5 - ايدىڭ 29 - كۇنى الاتاۋ شەكارا وتكەلى ءبىر ايدا ەكسپورت ەتىلگەن شەكارا اتتاعان ەلەكتروندى ساۋدا جولدامالارى 10 ميلليون 100 مىڭ داناعا جەتىپ، تاۋار قۇنى 32 ميلليون 600 مىڭ دوللار بولدى. بۇل ساندى مالىمەت وسى شەكارا وتكەلىنىڭ شەكارا اتتاعان ەلەكتروندى ساۋدادا بولشەك ساتۋ كاسىبى ەكسپورتىن ورىستەتكەننەن بەرگى جەكە اي تاريحىنداعى ەڭ جوعارى قۇن بولىپ تابىلادى. بيىل 1 - ايدان باستاپ الاتاۋ شەكارا وتكەلى وسى كاسىپتى باستاعان بولاتىن.

    ەل ىشىندەگى كوپتەگەن شەكارا اتتاعان ەلەكتروندى ساۋدا تۇعىرىنىڭ حالىقارالىق زات تاسىمالىنا قىزمەت وتەۋ كاسىپورىنىنىڭ جاۋاپتىلارى مىنانى ءبىلدىردى: ەۆروپاداعى تۇتىنۋشىلاردىڭ جۇڭگودا جاسالعان زاتتارعا دەگەن تۇتىنۋ قاجەتى ءالى دە كۇشتى، بۇكىل مەملەكەتتەگى شەكارا اتتاعان ەلەكتروندى ساۋدا كاسىبىنىڭ بارىندە ارتۋ جاعدايى بايقالۋدا. ”جۇڭگو - ەۆروپا كەزەكشى پويەزى + تاس جول زات تاسىمالىنىڭ“ شەكارا اتتاعان تاس جولمەن، تەمىر جولمەن بىرلەسىپ تاسىمالداۋ جاڭا ۇلگىسى الاتاۋ ساعاسىنىڭ وڭىرلىك ابزالدىلىعىن ەڭ جوعارى دارەجەدە ساۋلەلەندىرىپ، كاسىپتە قاۋىرت ارتۋدى جارىققا شىعاردى.

جاۋاپتى رەداكتور: گۇلدەن ماقسات قىزى