داعدارىس بارىسىندا وراي قاراستىرىپ، تىڭ سەرپىلىس جاساۋعا قۇلشىندى، قيىندىقتاردى ەڭسەرە ورگە ۇمتىلىپ، جاڭا جاعداي جاراتتى

  • كەلۋ قاينارى: شينجياڭ گازەتى تورابى
  • 03:44:36 05/06/2020

    ءۇرىمجى كەدەنىنىڭ ساناعىنا نەگىزدەلگەندە، الدىڭعى 4 ايداعى ءۇرىمجى كەدەنىنىڭ باقىلاپ - باسقارعان ەلەكتروندى ساۋدا ەكسپورتى، باستىسى، ءتۇرلى مەتال ونىمدەرى، كيىم - كەشەك، جازۋ - سىزۋ جابدىقتارى سياقتى جەڭىل ونەركاسىپ ونىمدەرىن نەگىز ەتكەن، ەكسپورت ەتىلگەن باستى ەلدەر رەسەي، بەلگيا، گەرمانيا سياقتى مەملەكەتتەر بولعان.

    تاياۋدا ءۇرىمجى قالاسىنىڭ شەكارا اتتاعان ەلەكتروندى ساۋدا ۋنيۆەرسال سىناق رايونىن قۇرۋ بەكىتىلگەن. 5 - ايدىڭ 30 - كۇنى ”كەشەندى قورعامالى باجى اۋماعى + شەكارا اتتاعان ەلەكتروندى ساۋدادا توراپ ارقىلى ساتىپ الىپ قورعامالى باجى ارقىلى يمپورت ەتۋ“ ۇلگىسى تۇڭعىش رەت شينجياڭدا تياناقتانىپ، شەتەلدەن تاۋار ساتىپ الاتىن شينجياڭدىقتاردىڭ ءۇرىمجى قورعامالى باجى اۋماعىنان ”كەشەۋىلدەمەستەن“ ويىنداعىداي شەتەل تاۋارىن تاپسىرىپ الۋىنا جاعداي جاراتىلىپ، شينجياڭنىڭ شەكارا اتتاعان ەلەكتروندى ساۋداسىن جەدەل دامىتۋداعى بەلسەندى سيگنالىن تاراتتى.

    ”بيىل جىل باسىنان بەرى رايونىمىز شەكارا اتتاعان ەلەكتروندى ساۋدادا تىكە ساتىپ الىپ ەكسپورت ەتۋ كاسىبىندە 9610 (شەكارا اتتاعان ساۋداداعى ەلەكتروندى ساۋدا) + ەرەكشەلىك، ياعني 9610 +جۇڭگو - ەۆروپا كەزەكشى پويەزى، 9610 + زات تاسىمالى جالداما ۇشاعى، 9610 +پوچتا جولى جارىققا شىقتى، ەندىگى كەزەكتە تاعى TIR+9610 بار، بۇل دەگەنىمىز شەكارا اتتاعان ەلەكتروندى ساۋدا تاۋارلارىنىڭ TIR تاسىمال ءتاسىلى ارقىلى ەكسپورت ەتىلۋ ۇلگىسى بولىپ تابىلادى“، - دەدى گۋان يۇڭ.

    قورعامالى باجى اۋماعىنىڭ يمپورت - ەكسپورت قۇنى سايكەس مەزگىلدەگىدەن 80 پايىزعا تاياۋ ارتتى

    ءۇرىمجى كەدەنىنىڭ ساناعىنا قاراعاندا، الدىڭعى 4 ايدا شينجياڭنىڭ كەشەندى قورعامالى باجى اۋماعىنىڭ يمپورت - ەكسپورت قۇنى 3 ميلليارد 455 ميلليون يۋانعا جەتىپ، سايكەس مەزگىلدەگىدەن %76.72 ارتقان، مۇنىڭ ىشىندە الاتاۋ كەشەندى قورعامالى باجى اۋماعى مەن قاشقار كەشەندى قورعامالى باجى اۋماعىندا جەكە - جەكە 2.83 ەسە، 12.16 ەسە ارتقان.

    قاشقار كەشەندى قورعامالى باجى اۋماعىندا، ىندەتتىڭ ىقپالىنا ۇشىراعاندىقتان، باستىسى، وپتيكالىق اپپارات كوزىن مانەرلەۋ جۇمىسىمەن شۇعىلداناتىن بەلگىلى كاسىپورىننىڭ شيكىزات پەن وڭدەلگەن زاتتى ەنگىزۋ، شىعارۋىندا قيىنشىلىق تۋىلادى. وسى كاسىپورىن اۋماقتان - اۋماققا اينالىمعا سالۋ ۇلگىسى ارقىلى ىشكى جەرلەر كەدەندەرىنىڭ ەرەكشە باقىلاۋ - باسقارۋ اۋماعىنان شيكىزات اكەلىپ، ەڭ سوڭىندا ءوندىرىستىڭ قالىپتى ورىستەتىلۋىن قامتاماسىز ەتىپ، ءبىر ميلليون 100 مىڭ دانا اپپارات كوزىن مانەرلەۋدى ورىندادى ءارى ”الدىمەن ەكسپورت ەتىپ، ارتىنان كەدەنگە مالىمدەۋ“ ۇلگىسى ارقىلى شەكارادان ءساتتى شىعاردى. ءتۇرلى ساياساتتىق سۇيەمەلدەۋلەر كەشەندى قورعامالى باجى اۋماعى ىشىندەگى كاسىپورىنداردىڭ جۇمىستى، ءوندىرىستى قالپىنا كەلتىرۋ بارىسىندا ءدوپ كەلگەن قيىن ماسەلەلەردى جەدەل شەشۋىنە كومەكتەستى.

جاۋاپتى رەداكتور: گۇلدەن ماقسات قىزى