داعدارىس بارىسىندا وراي قاراستىرىپ، تىڭ سەرپىلىس جاساۋعا قۇلشىندى، قيىندىقتاردى ەڭسەرە ورگە ۇمتىلىپ، جاڭا جاعداي جاراتتى

  • كەلۋ قاينارى: شينجياڭ گازەتى تورابى
  • 03:44:36 05/06/2020

    ”كەشەندى قورعامالى باجى اۋماعىنداعى كاسىپورىنداردىڭ جۇمىستى، ءوندىرىستى ءساتتى قالپىنا كەلتىرۋىن قامتاماسىز ەتۋ ءۇشىن، كەدەن كومەكتەسۋ، سۇيەمەلدەۋ بويىنشا بايلانىس جاساۋ مەحانيزمىن ورناتىپ، كاسىپورىنداردىڭ زاتتاردى ەنگىزۋ، شىعارۋ بارىسىندا ۇشىراعان ماسەلەلەرىنە تۇسىنىك جاسادى نەمەسە سايكەستىرىپ شەشىم ەتتى“، - دەدى ءۇرىمجى كەدەنى كاسىپورىنداردى باسقارۋ جانە باقىلاۋ باسقارماسىنىڭ ورىنباسار باستىعى جاڭ جۇن.

    ءۇرىمجى كەدەنى كەشەندى قورعامالى باجى اۋماعىن دامىتۋدى قولدايتىن 8 ءتۇرلى شارا شىعارىپ، ءارقايسى كەشەندى قورعامالى باجى اۋماعى امالياتپەن ۇشتاستىرىپ بەلسەنە تياناقتاندىرىپ، اۋماق ىشىندەگى كاسىپورىنداردىڭ دامۋىنا تاماشا ورتا ازىرلەدى.

    الاتاۋ كەشەندى قورعامالى باجى اۋماعىندا، العاشقى جۇمىس جۇرگىزۋگە كىرىسۋ كەزەڭىندە تۇرعان، ءوندىرىس قۋاتى مەن تاپسىرىس مولشەرى تۇگەلدەي زور بولماعان ەمدەۋ جابدىقتارىن وندىرەتىن ءبىر كاسىپورىن باجىسى قورعامالى ەمەس باقىلاۋ - باسقارۋ ۇلگىسىن قولدانىپ، ءوندىرىس جەلىسىن ساتىپ الدى، كەدەن ونىڭ اۋماققا كىرەتىن زاتتارىنا مالىمدەمەيتىن وتكەل اشىپ، زاتتارى كەلگەن كەزدە وتكىزىپ جىبەرىپ، وسى كاسىپورىننىڭ جابدىقتارىنىڭ دەر كەزىندە اۋماققا ەنگىزىلىپ، وندىرىسكە قوسىلۋىنا، ءوندىرىستىڭ تاماشا ورايىن يگەرۋىنە شىنايى كەپىلدىك ەتتى.

    ”قاتىستى ساياساتتار بويىنشا، ءبىز تاعى قورعامالى باجى اۋماعىنان سىرت كاسىپورىننىڭ مانەرلەۋ مىندەتىن قابىلداۋىنان، ادەتتەگى سالىق تاپسىرۋشىلار ساياساتىنان تولىق پايدالانىپ، اۋماقتاعى كاسىپورىنداردىڭ شيكىزات بولشەكتەرىن يمپورت ەتۋى قيىن بولۋ، ءوندىرىس قۋاتى بەكەر تۇرۋ سياقتى ماسەلەلەردى شەشۋىنە كومەكتەسىپ، ىندەتتىڭ كاسىپورىندارعا بولعان سوققىسىن جويۋعا قۇلشىنىپ، كاسىپورىنداردىڭ قيىن وتكەلدەن وتۋىنە كومەكتەسەمىز“، - دەدى جاڭ جۇن.

    باتىسقا باعىتتالعان قاتىناس تورابىندىق رولى كورنەكتىلەندى

    5 - ايدىڭ 22 - كۇنى رەسەيدىڭ 24.89 توننا توڭازىتىلعان تاۋىق ەتى ”چۇڭچيڭ - شينجياڭ - ەۆروپا“ جۇڭگو - ەۆروپا كەزەكشى پويەزىنىڭ قايتقان كەزەكشى پويەزىنا تيەلىپ، قورعاس تەمىر جول شەكارا وتكەلى ارقىلى شەكارادان كىرگىزىلدى. 5 كۇننەن كەيىن، وسى توپتاعى تاۋىق ەتى كەدەندىك ترانزيتتەن كەيىن نىسانالى جەر چۇڭچيڭگە جەتكىزىلدى. بۇل قورعاس ارقىلى يمپورت ەتىلگەن ەت تۇرلەرىنە بەلگىلەنگەن باقىلاپ - باسقارۋ ورنى تەكسەرىپ وتكىزىپ الىنعاننان بەرگى تۇڭعىش رەت كەدەندىك ترانزيت ارقىلى شەكارادان كىرگىزىلگەن توڭازىتىلعان ەت بولىپ تابىلادى. وسى بىرنەشە ايدا، بارعان سايىن كوبەيگەن كاسىپورىندار جۇڭگو - ەۆروپا كەزەكشى پويەزىنىڭ تاسىمالداۋ كومەسكى كۇشىن تولىق اشا ءتۇستى.

    جۇڭگو - ەۆروپا كەزەكشى پويەزى (ءۇرىمجى) شوعىرلاندىرۋ ورتالىعى زات توپتاۋ كاسىبى جانە ىشكى، سىرتقى ساۋدا زاتتارىن ارالاستىرۋدى سىناق ەتىپ، ”شوعىرلى قۇراستىرۋ، شوعىرلى جونەلتۋ“ كاسىبىن ۇدايىلاندىرا ىسكە قوستى ءارى ەل ىشىندەگى كەدەندىك ترانزيتتى، TIR تاسىمالىن جالپىلاي پايدالانىپ، كوپ ۇلگىدەگى بىرلەسىپ تاسىمالداۋ كاسىبىن ورىستەتتى.

جاۋاپتى رەداكتور: گۇلدەن ماقسات قىزى