داعدارىس بارىسىندا وراي قاراستىرىپ، تىڭ سەرپىلىس جاساۋعا قۇلشىندى، قيىندىقتاردى ەڭسەرە ورگە ۇمتىلىپ، جاڭا جاعداي جاراتتى

  • كەلۋ قاينارى: شينجياڭ گازەتى تورابى
  • 03:44:36 05/06/2020

    جۇڭگو - ەۆروپا كەزەكشى پويەزىنىڭ ىركىلىسسىزدىگىن قامتاماسىز ەتۋ ءۇشىن، ءۇرىمجى كەدەنى جۇڭگو - ەۆروپا ”حاۋىپسىز، زەردەلى ساۋدا“ جوسپارىن ۇزدىكسىز اتقارىپ، پولشا كەدەنىنە 173 ”حاۋىپسىز، زەردەلى ساۋدا“ ساندى مالىمەتىن جىبەرىپ، جۇڭگو - ەۆروپا كەزەكشى پويەزى جەلىسى بويىنداعى مەملەكەتتەردىڭ كەدەنى اراسىندا ساندى مالىمەت اۋىستىرۋ مەن ساندى مالىمەتتەن ورتاقتاسۋدى جەبەدى.

    ىندەتتىڭ ءورشۋىنىڭ ىقپالىنا ۇشىراعاندىقتان، كوپتەگەن ەلدەردىڭ حالىقارالىق ۇشاق كەزەگىن توقتاتۋى پوچتا جولدامالارى تاسىمالىنا ءبىرشاما زور ىقپال جاسادى. پوچتا كاسىپورىندارى تەمىر جول تاسىمالىنان پايدالانىپ، پوچتا جولىنىڭ بوگەتىن اشتى. قورعاس شەكارا وتكەلى تەمىر جولمەن پوچتا جولدامالارىن تاسۋ ارقىلى حالىقارالىق پوچتا جولدامالارى زات اينالىمىن ورىستەتتى. 4 - ايدىڭ 30 - كۇنىنە دەيىن قورعاس كەدەنى تەمىر جولمەن تاسىمالدانعان جيىنى 36.5 توننا كەلەتىن، 451 مىڭ پوچتا جولداماسىن باقىلاپ باسقاردى.

    3 - ايدىڭ 7 - كۇنى ءۇرىمجى حالىقارالىق پوچتا جولدامالارىن ءبىر جايلى ەتۋ ورتالىعىنىڭ پوچتا كاسىپورىندارى جۇمىستى جاپپاي قالپىنا كەلتىردى، سول ايدا باقىلاپ باسقارۋ ارقىلى شەكارادان كىرگەن، شىققان پوچتا جولدامالارى 777 مىڭ 800 بولىپ، سايكەس مەزگىلدەگىدەن %16.5 ارتتى.

    جۇڭگو - ەۆروپا كەزەكشى پويەزىن ارقاۋ ەتىپ، ءبىر توپ جاڭا كاسىپتەر ۇزدىكسىز ءورىسىن كەڭەيتۋدە. قازىر ءۇرىمجى كەدەنى جۇڭگو - ەۆروپا كەزەكشى پويەزىنىڭ ەت تۇرلەرىن يمپورت ەتۋىن قولداۋدان تىس، تاعى جۇڭگو - ەۆروپا كەزەكشى پويەزى توراپتىق پورتىنىڭ شەكارادان كىرەتىن استىق، اعاش ماتەريالدارىنا بەلگىلەنگەن باقىلاۋ - باسقارۋ ورنىن نىسانعا ەنگىزۋدى ىلگەرىلەتۋگە كۇش سالىپ، جۇڭگو - ەۆروپا كەزەكشى پويەزى توراپتىق پورتى قۇرىلىسى قورعامالى باجى زات اينالىمى ورتالىعىنا (B تيپتى) قولداۋ كورسەتۋدە.

    ”الدىڭعى 4 ايداعى ساندى مالىمەتتەن قاراعاندا، شينجياڭنىڭ باتىسقا باعىتتالعان قاتىناس تورابىندىق ورنى اناعۇرلىم كورنەكتىلەنە تۇسكەن. جۇڭگو - ەۆروپا كەزەكشى پويەزى، زات تاسىمالىنا جالداناتىن ۇشاق، پوچتا جولى، TIR سياقتى تاسىمال تاسىلدەرى شينجياڭنىڭ شەكارا اتتاعان تاسىمال ءتاسىلىن زور دارەجەدە بايىتتى“، - دەدى ءۇرىمجى كەدەنى پارتكومنىڭ مۇشەسى، ساياسي ءبولىمىنىڭ مەڭگەرۋشىسى سۇن چىنميڭ.

جاۋاپتى رەداكتور: گۇلدەن ماقسات قىزى